Idir-inoibritheacht iarnróid agus sábháilteacht agus an Ghníomhaireacht Eorpach Iarnróid: comhaontú leis an bParlaimint

An 17 Meitheamh 2015, tháinig Uachtaránacht Laitviach na Comhairle ar shocrú sealadach le Parlaimint na hEorpa maidir le rialacha nua chun nósanna imeachta údarúcháin le haghaidh idir-inoibritheacht agus sábháilteacht a fheabhsú do na hiarnróid Eorpacha. Leis an athchóiriú sin, freisin, leagtar cúraimí nua ar an nGníomhaireacht Eorpach Iarnróid (ERA). Is é atá sa dá threoir agus sa rialachán sin le chéile colún teicniúil an ceathrú pacáiste iarnróid.

Dar leis an gComhairle, tá an comhaontú fós le deimhniú ag na Ballstáit. Cuirfidh an Uachtaránacht ambasadóirí na mBallstát ar an eolas maidir leis an toradh a bhí ar an gcruinniú trípháirteach ag Coiste na mBuanionadaithe (COREPER) an 24 Meitheamh. Breathnóidh COREPER ar na téacsanna comhaontaithe an 30 Meitheamh lena bhformheas.

Thángthas ar an gcomhaontú sa naoú cruinniú trípháirteach le Parlaimint na hEorpa. D’fhormheas an Chomhairle a seasamh le haghaidh na gcaibidlíochtaí sin i Meitheamh 2014.

• Tograí teicniúla