Iompar

Tá gluaiseacht daoine agus earraí lárnach do gheilleagar agus rathúnas na hEorpa.

Oibríonn tíortha an Aontais le chéile chun córas iompair níos nasctha agus níos inbhuanaithe a thógáil san Aontas, córas ina n-áirithítear sábháilteacht agus cearta paisinéirí.

Traein, eitleán, long lasta agus trucail.

Iompar níos glaine

Tá dícharbónú na hearnála iompair ríthábhachtach chun spriocanna aeráide an Aontais faoin gComhaontú Glas don Eoraip a bhaint amach.

Is é is aidhm do rialacha an Aontais an t-iompar a dhéanamh níos inbhuanaithe trí chaighdeáin astaíochtaí a leagan síos d’fheithiclí bóthair, trí bhreoslaí níos glaise a chur chun cinn agus trí thacú le soghluaisteacht níos glaine.

An tSoghluaisteacht ghlan

Córas iompair Eorpach iomaíoch

Na modhanna éagsúla iompair atá nasctha le chéile ar léarscáil den Eoraip.

Tá naisc níos fearr ar fud an Aontais ríthábhachtach d’earnáil iompair níos iomaíche.

Is príomhthionscadal é an gréasán tras-Eorpach iompair lena bhforbraítear bonneagar iompair éifeachtúil ardcháilíochta ar fud an Aontais.

Is é an sprioc atá aige tíortha a nascadh ar bhealach níos fearr chun rochtain níos éasca a thabhairt ar phoist agus ar sheirbhísí, agus trádáil agus fás eacnamaíoch a chumasú.

Iompar atá nasctha ar bhealach níos fearr

Sábháilteacht

Tá sé d’aidhm ag an Aontas na caighdeáin is airde sábháilteachta agus slándála a chur ar fáil ar fud na modhanna iompair uile.

I measc na mbeart is déanaí de chuid an Aontais tá rialacha níos déine maidir le hiompar de bhóthar agus iompar muirí.

Iompar níos sábháilte

Cearta paisinéirí

Fear i gcathaoir rothaí in aice le líne paisinéirí ar eitilt.

Cinntíonn dlí an Aontais ní hamháin go bhfuil sé de cheart ag daoine taisteal gan bhac sna 27 mBallstát, agus cúiteamh a fháil i gcás moilleanna agus cealuithe turais.

Cosnaítear cearta paisinéirí ar gach cineál taistil - aer, iarnród, long agus bus.