Skip to content

Ċertifikat COVID diġitali tal-UE

Ir-regolament tal-UE li jistabbilixxi ċ-ċertifikat COVID diġitali tal-UE kien validu mill-1 ta' Lulju 2021 sat-30 ta' Ġunju 2023.

Minn Ġunju 2023, l-Organizzazzjoni Dinjija tas-Saħħa (WHO) adottat is-sistema tal-UE ta' ċertifikazzjoni diġitali tal-COVID-19 biex tistabbilixxi sistema dinjija li tgħin biex iċ-ċittadini madwar id-dinja jitħarsu minn theddid għas-saħħa attwali u futur, inkluż pandemiji.

Iċ-ċertifikat COVID diġitali tal-UE jiżgura vjaġġar u vaganzi aktar sikuri għaċ-ċittadini.

Ċertifikat COVID diġitali tal-UE

Kif jaħdem?

1) Iċ-ċittadini kollha tal-UE li

  • tlaqqmu (validu għal 270 jum ladarba jkunu għaddew 14-il jum wara t-tlestija taċ-ċiklu primarju tat-tilqim) u (l-ebda perjodu ta' validità għat-tilqim booster)
  • ikollhom test negattiv
  • irkupraw mill-Covid-19 (validu għal 180 jum)

jistgħu jagħtu prova ta' dan b'ċertifikat diġitali, maħruġ mill-awtoritajiet nazzjonali tagħhom.

2) Iċ-ċertifikat ikun fih

  • kodiċi QR muri fuq apparat jew stampat
  • firma diġitali, verifikata permezz tal-portal tal-UE

3) Meta jiġi verifikat iċ-ċertifikat, jiġi skennjat il-kodiċi QR u tiġi vverifikata l-firma.

4) Iċ-ċertifikat huwa

  • bla ħlas
  • validu fil-pajjiżi kollha tal-UE u taż-żona Schengen
  • disponibbli b'lingwa nazzjonali u bl-Ingliż

5) Huwa jiżgura

  • is-sigurtà tad-data tagħna
  • vjaġġar aktar sikur
Suġġetti