It-terroriżmu fl-UE: fatti u ċifri
Il-Europol – l-aġenzija tal-UE għall-kooperazzjoni fl-infurzar tal-liġi – tippubblika rapport dwar is-sitwazzjoni u t-tendenzi tat-terroriżmu fl-UE kull sena. Ir-rapport jagħti ċifri dwar attakki terroristiċi u arresti b'rabta mat-terroriżmu fl-Unjoni Ewropea u huwa msejjes fuq informazzjoni mogħtija mill-istati membri tal-UE.
Attakki terroristiċi fl-UE skont it-tip (2010-2021)
Din il-grafika turi attakki terroristiċi fl-UE bejn l-2010 u l-2021. Iċ-ċifri jinkludu attakki li saru, attakki li fallew u attakki li ġew sfrattati u huma mqassmin skont is-sena u skont it-tip: ġiħadisti / ispirati mir-reliġjon, tal-lemin, tax-xellug u anarkisti, etnonazzjonalisti u separatisti, oħrajn u mhux speċifikati. Ċifri bejn l-2010 u l-2019 jinkludu r-Renju Unit.
Il-pajjiżi tal-UE rrappurtaw in-numri li ġejjin ta' attakki terroristiċi li saru, li fallew u li ġew sfrattati bejn l-2010 u l-2021:
- 2010: 249 attakk terroristiku
- 2011: 174 attakk terroristiku
- 2012: 219 attakk terroristiku
- 2013: 152 attakk terroristiku
- 2014: 199 attakk terroristiku
- 2015: 211 attakk terroristiku
- 2016: 142 attakk terroristiku
- 2017: 205 attakk terroristiku
- 2018: 129 attakk terroristiku
- 2019: 119 attakk terroristiku
- 2020: 57 attakk terroristiku
- 2021: 15-il attakk terroristiku
Ċifri bejn l-2010 u l-2019 jinkludu r-Renju Unit.
Fl-2021 kien hemm 15 inċident terroristiku fl-istati membri tal-UE. L-għadd totali ta' attakki fl-2021 kien ħafna aktar baxx milli fis-snin ta' qabel, minħabba tnaqqis sinifikanti fl-għadd ta' attakki rrappurtati bħala terroriżmu tax-xellug.
Bejn l-2019 u l-2021, ġew sfrattati 29 komplott ġiħadist jew tal-lemin estrem madwar l-UE.
Arresti relatati mat-terroriżmu fl-UE (2010-2021)
Il-grafika turi l-arresti b'rabta mat-terroriżmu fl-UE bejn l-2010 u l-2021, skont is-sena u skont it-tip: ġiħadisti / ispirati mir-reliġjon, tal-lemin, tax-xellug u anarkisti, etnonazzjonalisti u separatisti, oħrajn u mhux speċifikati. Ċifri bejn l-2010 u l-2019 jinkludu r-Renju Unit.
Il-pajjiżi tal-UE rrappurtaw in-numri li ġejjin ta' arresti b'rabta mat-terroriżmu bejn l-2010 u l-2021:
- 2010: 249 arrest
- 2011: 484 arrest
- 2012: 537 arrest
- 2013: 535 arrest
- 2014: 774 arrest
- 2015: 1077 arrest
- 2016: 1002 arrest
- 2017: 1219 arrest
- 2018: 1056 arrest
- 2019: 1004 arrest
- 2020: 634 arrest
- 2021: 388 arrest
Ċifri bejn l-2010 u l-2019 jinkludu r-Renju Unit.
Bejn l-2019 u l-2021, 1 560 persuna ġew arrestati fl-istati membri tal-UE fuq suspett ta' reati relatati mat-terroriżmu.
Fl-2021, l-aktar reat frekwenti li wassal għall-arrest - fost dawk irrappurtati - kien is-sħubija fi grupp terroristiku, segwit mill-ippjanar jew it-tħejjija ta' attakk. Persuni suspettati oħra ġew akkużati li jiffinanzjaw it-terroriżmu, ir-reklutaġġ u l-inċitament għat-terroriżmu.
Attakki terroristiċi u arresti relatati mat-terroriżmu fl-UE (2021)
Din l-infografika turi attakki terroristiċi u arresti relatati mat-terroriżmu fl-UE fl-2021. Iċ-ċifri jinkludu attakki li saru, attakki li fallew u attakki li ġew sfrattati u kull tip ta' affiljazzjoni: ġiħadisti / ispirati mir-reliġjon, tal-lemin, tax-xellug u anarkisti, etnonazzjonalisti u separatisti, oħrajn u mhux speċifikati.
Il-pajjiżi tal-UE rrappurtaw l-għadd ta' attakki terroristiċi li ġejjin fl-2021:
- Awstrija: 1
- Belġju: 1
- Danimarka: 1
- Franza: 5
- Ġermanja: 3
- Ungerija: 1
- Spanja: 1
- Żvezja: 2
- Total: 15
Il-pajjiżi tal-UE rrappurtaw in-numri li ġejjin ta' arresti b'rabta mat-terroriżmu fl-2021:
- Awstrija: 24
- Belġju: 32
- Kroazja: 2
- Ċipru: 6
- Danimarka: 9
- Finlandja: 5
- Franza: 140
- Ġermanja: 34
- Greċja: 6
- Ungerija: 2
- Irlanda: 14
- Italja: 40
- Netherlands: 17
- Polonja: 3
- Portugall: 2
- Rumanija: 2
- Spanja: 47
- Żvezja: 3
- Total: 388
Franza esperjenzat l-ogħla numru ta' attakki (5), segwita mill-Ġermanja (3) u l-Iżvezja (2). L-Awstrija, id-Danimarka, l-Ungerija, il-Belġju u Spanja rrappurtaw attakk wieħed kull wieħed.
Iż-żewġ fatalitajiet irreġistrati fl-2021 kienu r-riżultat tal-attakki ġiħadisti mwettqa fi Spanja u fi Franza.