Drittijiet tal-bniedem: L-UE tadotta konklużjonijiet dwar il-prijoritajiet tal-UE fil-fora tan-Nazzjonijiet Uniti dwar id-drittijiet tal-bniedem fl-2018

Fis-26 ta' Frar 2017, il-Kunsill adotta konklużjonijiet dwar il-prijoritajiet tal-UE fil-fora tan-Nazzjonijiet Uniti dwar id-drittijiet tal-bniedem fl-2018.

F’din is-sena li taħbat is-70 anniversarju tad-Dikjarazzjoni Universali tad-Drittijiet tal-Bniedem, il-konklużjonijiet jissottolinjaw li l-Unjoni Ewropea tappoġġa bis-sħiħ il-wegħda tas-Segretarju Ġenerali tan-NU li jgħolli l-profil tad-drittijiet tal-bniedem u li jagħmel il-prevenzjoni u l-paċi sostenibbli prijorità tas-sistema tan-NU, billi jiġu indirizzati l-kawżi ewlenin tal-konflitti, inkluż billi jiġu indirizzati l-ksur u l-abbużi tad-drittijiet tal-bniedem. L-UE ttenni wkoll il-pożizzjoni qawwija tagħha li d-drittijiet tal-bniedem kollha huma universali, indiviżibbli, interdipendenti u interrelatati.

Konklużjonijiet tal-Kunsill dwar il-prijoritajiet tal-UE fil-fora tan-NU dwar id-drittijiet tal-bniedem jiġu adottati kull sena. Huma jagħtu l-linji ta’ azzjoni prinċipali għall-UE fil-fora tan-NU dwar id-drittijiet tal-bniedem fix-xhur ta' wara.

• Aqra t-test sħiħ tal-Konklużjonijiet tal-Kunsill dwar il-Prijoritajiet tal-UE fil-Fora tan-NU dwar id-Drittijiet tal-Bniedem fl-2018
• Protezzjoni u promozzjoni tad-drittijiet tal-bniedem