Il-Kunsill jikkomplementa l-qafas leġiżlattiv tal-UE għar-riċerka

Illum il-Kunsill adotta ġabra ta’ atti legali bil-għan li jikkomplementaw il-qafas legali għal Orizzont Ewropa, il-programm qafas tal-UE għar-riċerka u l-innovazzjoni għas-snin 2021 sal-2027.

Dawn l-atti legali huma li ġejjin:

• deċiżjoni li tistabbilixxi l-programm speċifiku li jimplimenta Orizzont Ewropa, li tistipula l-objettivi operazzjonali u t-tipi ta’ attivitajiet maħsuba għall-implimentazzjoni ta’ Orizzont Ewropa;
• regolament dwar il-programm Euratom li jikkomplementa Orizzont Ewropa, li jiżgura t-tkomplija ta' riċerka nukleari u attivitajiet ta’ taħriġ b’attenzjoni fuq it-titjib kontinwu tas-sikurezza, is-sigurtà u l-protezzjoni mir-radjazzjoni nukleari;
• emendi għar-regolament dwar l-Istitut Ewropew tal-Innovazzjoni u t-Teknoloġija (EIT), bil-għan prinċipalment li tittejjeb is-sostenibbiltà finanzjarja u l-ftuħ tal-Komunitajiet tal-Għarfien u l-Innovazzjoni;
• deċiżjoni dwar l-Aġenda Strateġika ta’ Innovazzjoni tal-Istitut Ewropew tal-Innovazzjoni u t-Teknoloġija, li tistipula l-oqsma ta’ prijorità u l-istrateġija tal-EIT għall-perjodu 2021-2027 billi tiddefinixxi l-għanijiet, l-azzjonijiet ewlenin, il-mod ta’ ħidma, ir-riżultati mistennija u r-riżorsi meħtieġa tal-EIT.

• Deċiżjoni ta' Kunsill li tistabbilixxi l-programm speċifiku li jimplimenta Orizzont Ewropa
• Regolament tal-Kunsill dwar il-programm Euratom li jikkomplementa Orizzont Ewropa
• Regolament tal-Parlament Ewropew u tal-Kunsill dwar l-Istitut Ewropew tal-Innovazzjoni u t-Teknoloġija
• Deċiżjoni tal-Parlament Ewropew u tal-Kunsill dwar l-Aġenda Strateġika ta' Innovazzjoni tal-Istitut Ewropew tal-Innovazzjoni u t-Teknoloġija