Skip to content
  • Kunsill tal-Unjoni Ewropea
  • Stqarrija għall-istampa
  • 24 ta' April 2024 11:30

Dikjarazzjoni mir-Rappreżentant Għoli f'isem l-UE dwar l-allinjament ta' ċerti pajjiżi mad-Deċiżjoni tal-Kunsill (PESK) 2024/1074 li tikkonċerna miżuri restrittivi kontra l-ksur u l-abbużi serji tad-drittijiet tal-bniedem

Fit-12 ta' April 2024, il-Kunsill adotta d-Deċiżjoni (PESK) 2024/10741.

Il-Kunsill iddeċieda li tliet entitajiet għandhom jiżdiedu mal-lista ta' persuni fiżiċi u ġuridiċi, entitajiet u korpi soġġetti għall-miżuri restrittivi li jinsabu fl-Anness tad-Deċiżjoni (PESK) 2020/1999.

Il-pajjiżi kandidati l-Maċedonja ta' Fuq, il-Montenegro, is-Serbja, l-Albanija, l-Ukrajna, ir-Repubblika tal-Moldova u l-Bożnija-Ħerzegovina2, kif ukoll il-pajjiżi tal-EFTA l-Iżlanda, il-Liechtenstein u n-Norveġja, membri taż-Żona Ekonomika Ewropea, jallinjaw ruħhom ma' din id-Deċiżjoni tal-Kunsill.

Huma ser jiżguraw li l-politika nazzjonali tagħhom tkun konformi ma' din id-Deċiżjoni tal-Kunsill.

L-Unjoni Ewropea tieħu nota u tilqa' dan l-impenn.

1 ĠU L, 2024/1074, 12.4.2024, ELI: https://eur-lex.europa.eu/eli/dec/2024/1074/oj?locale=mt

2 Il-Maċedonja ta' Fuq, il-Montenegro, l-Albanija u l-Bożnija-Ħerzegovina għadhom jagħmlu parti mill-Proċess ta' Stabbilizzazzjoni u ta' Assoċjazzjoni.

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Suġġetti

L-aħħar reviżjoni: 30 ta' Jannar 2025