Sanzjonijiet
Skopri għaliex u kif l-UE tadotta sanzjonijiet, u fejn japplikaw is-sanzjonijiet fid-dinja.
L-UE tuża sanzjonijiet biex tippromwovi l-paċi, tappoġġa d-demokrazija u d-drittijiet tal-bniedem, u tiddefendi d-dritt internazzjonali.
Is-sanzjonijiet mhumiex punittivi u mhumiex immirati lejn pajjiż jew popolazzjoni. Huma jfittxu li jġibu bidla fil-politika jew l-imġiba ta' dawk fil-mira tagħhom.
Spjegazzjoni tas-sanzjonijiet
Is-sanzjonijiet huma strument tal-UE maħsub biex iwieġeb għall-isfidi u l-iżviluppi globali li jmorru kontra l-objettivi u l-valuri tagħha.
Is-sanzjonijiet jinkludu embargos fuq l-armi, projbizzjonijiet fuq l-ivvjaġġar, iffriżar tal-assi, projbizzjonijiet kummerċjali, restrizzjonijiet ekonomiċi u finanzjarji, u miżuri diplomatiċi.
L-UE tista' timplimenta tliet tipi ta' reġimi ta' sanzjonijiet: sanzjonijiet tan-NU, sanzjonijiet tal-UE/NU u sanzjonijiet awtonomi tal-UE.
Id-deċiżjonijiet u r-regolamenti dwar is-sanzjonijiet jiġu adottati mill-Kunsill tal-UE b'unanimità u japplikaw fil-ġuriżdizzjoni tal-UE.
Meta japplikaw is-sanzjonijiet?
Il-maġġoranza tar-reġimi ta' sanzjonijiet tal-UE jiġu adottati fid-dawl ta' sitwazzjoni speċifika f'pajjiż partikolari.
Pereżempju, ġew imposti sanzjonijiet fid-dawl tas-sitwazzjoni fir-Russja, il-Belarussja, l-Iran, il-Korea ta' Fuq, is-Sirja, ir-Repubblika Demokratika tal-Kongo u l-Venezwela.
Għaddi fuq il-mappa għal aktar informazzjoni.
Pajjiżi fejn japplika reġim ta' sanzjonijiet:
- L-Afganistan
- Il-Belarussja
- Il-Bożnija-Ħerzegovina
- Il-Burundi
- Ir-Repubblika Ċentru-Afrikana
- Ir-Repubblika Demokratika tal-Kongo
- Il-Gwatemala
- Il-Guinea
- Il-Guinea-Bissau
- Il-Haiti
- L-Iran
- L-Iraq
- Il-Libanu
- Il-Libja
- Il-Mali
- Il-Moldova
- Il-Myanmar/Burma
- In-Nikaragwa
- In-Niġer
- Il-Korea ta' Fuq
- Ir-Russja
- Is-Somalja
- Is-Sudan t'Isfel
- Is-Sudan
- Is-Sirja
- It-Tuneżija
- It-Turkija
- L-Ukrajna
- Il-Venezwela
- Il-Jemen
- Iż-Żimbabwe
Il-pajjiżi fil-mira
Sanzjonijiet tematiċi
L-UE tadotta wkoll reġimi ta' sanzjonijiet tematiċi, immirati lejn dawk responsabbli għal tipi speċifiċi ta' azzjoni, involuti fihom jew assoċjati magħhom.
Sanzjonijiet relatati ma' ksur u abbużi serji tad-drittijiet tal-bniedem madwar id-dinja. Dawn japplikaw għal atti bħall-ġenoċidju, id-delitti kontra l-umanità u t-tortura.
Sanzjonijiet immirati lejn individwi, gruppi u entitajiet involuti f'atti terroristiċi. Dawn ġew introdotti wara l-attakki terroristiċi tal-11 ta' Settembru 2001.
Sanzjonijiet li jikkontribwixxu għall-isforzi tal-UE biex tiġġieled il-proliferazzjoni u l-użu ta' armi kimiċi u tappoġġa l-Konvenzjoni dwar l-Armi Kimiċi.
Sanzjonijiet immirati lejn dawk responsabbli għal attakki ċibernetiċi jew tentattivi ta' attakki ċibernetiċi u dawk li jipprovdu appoġġ finanzjarju, tekniku jew materjali għal attakki bħal dawn.
L-aħħar aħbarijiet
- Sanzjonijiet tal-UE kontra ISIL/Da'esh u Al-Qaeda: il-Kunsill iġedded ir-reġim sal-2027
- L-għeluq tal-lakuni: il-Kunsill jelenka individwi u entitajiet għaċ-ċirkomvenzjoni tas-sanzjonijiet tal-UE
- RDPK: il-Kunsill iżid tliet individwi u erba' entitajiet mal-listi ta' sanzjonijiet minħabba rabtiet ma' programmi nukleari u tal-missili u rabtiet mar-Russja
L-aħħar spjegazzjonijiet
L-aħħar reviżjoni: 12 ta' Ottubru 2026