Drittijiet tal-bniedem

Id-drittijiet tal-bniedem huma universali, inaljenabbli u indiviżibbli. Kull persuna hija intitolata li teżerċita d-drittijiet tal-bniedem tagħha, mingħajr diskriminazzjoni.

Ir-rispett għad-drittijiet tal-bniedem huwa wieħed mill-valuri fundamentali tal-Unjoni Ewropea u aspett fundamentali tar-relazzjonijiet tal-UE ma' pajjiżi terzi.

Il-karatteristiċi tal-wiċċ ta' erba' persuni differenti jiffurmaw wiċċ wieħed f'collage.

Id-drittijiet tal-bniedem fil-qalba tar-relazzjonijiet esterni tal-UE

It-Trattati tal-UE jistipulaw li l-azzjoni tal-UE fix-xena internazzjonali għandha tkun iggwidata mill-prinċipji li ispiraw il-ħolqien tagħha stess, inkluż id-demokrazija, id-drittijiet tal-bniedem u l-istat tad-dritt.

L-Unjoni Ewropea hija impenjata li tipproteġi u tippromwovi d-drittijiet tal-bniedem fir-relazzjonijiet tagħha ma' pajjiżi mhux tal-UE u organizzazzjonijiet internazzjonali. Il-punt ta' referenza li jiggwida l-ħidma tal-UE f'dan il-qasam huwa l-pjan ta' azzjoni dwar id-drittijiet tal-bniedem u d-demokrazija.

Protezzjoni tad-drittijiet tal-bniedem madwar id-dinja

L-UE tfittex li tinkorpora d-drittijiet tal-bniedem fl-azzjoni esterna kollha tagħha, inkluż il-kummerċ, il-migrazzjoni u l-politiki ambjentali. Il-ftehimiet kollha ffirmati mill-UE jeħtieġ li jkunu konsistenti mad-drittijiet tal-bniedem.

Il-linji gwida tal-UE dwar id-drittijiet tal-bniedem jipprovdu gwida prattika għal dawk li jfasslu l-politika tal-UE, l-istati membri tal-UE u d-delegazzjonijiet tal-UE madwar id-dinja. Dawn ikopru diversi oqsma inkluż:

Tortura u trattament ħażin

Il-piena tal-mewt

Libertà ta' reliġjon jew ta' twemmin

Drittijiet tat-tfal

Tfal f'kunflitti armati

Nondiskriminazzjoni

Protezzjoni ta' persuni LGBTI

Vjolenza kontra n-nisa

Libertà tal-espressjoni

Dritt internazzjonali

Difensuri tad-drittijiet tal-bniedem

Ilma tax-xorb sikur

Linji gwida tal-UE dwar id-drittjiet tal-bniedem

Strumenti dwar id-drittijiet tal-bniedem

L-UE tiddisponi minn varjetà wiesgħa ta' strumenti għall-protezzjoni u l-promozzjoni tad-drittijiet tal-bniedem madwar id-dinja. Dawn l-istrumenti jinkludu djalogi dwar id-drittijiet tal-bniedem ma' madwar 60 pajjiż mhux tal-UE u raggruppamenti reġjonali, dikjarazzjonijiet u forom oħra ta' involviment f'fora, proġetti u programmi multilaterali, kif ukoll missjonijiet ta' osservazzjoni elettorali.

Kif l-UE timplimenta l-politika tagħha dwar id-drittijiet tal-bniedem

Sanzjonijiet kontra l-abbużi tad-drittijiet tal-bniedem

Permezz ta' reġim ta' sanzjonijiet iddedikat, l-UE tista' timponi sanzjonijiet fuq dawk responsabbli għal ksur u abbużi serji tad-drittijiet tal-bniedem madwar id-dinja, jew li huma involuti fihom jew assoċjati magħhom.

Il-qafas japplika, pereżempju, għal persuni responsabbli għal ġenoċidju, delitti kontra l-umanità, tortura jew trattament jew pieni krudili, inumani jew degradanti oħra, skjavitù, eżekuzzjonijiet jew qtil ekstraġudizzjarji, sommarji jew arbitrarji, għajbien infurzat u arresti jew detenzjonijiet arbitrarji.

Qafas ta' sanzjonijiet għall-ġlieda kontra l-abbużi tad-drittijiet tal-bniedem

Mara qed tgħolli idejha waqt protesta li tissimbolizza l-parteċipazzjoni u s-solidarjetà.

L-aħħar aħbarijiet

Ara l-istqarrijiet għall-istampa kollha

Laqgħat relatati

Ara l-laqgħat li għaddew

L-aħħar spjegazzjonijiet

Il-protezzjoni u l-promozzjoni tad-drittijiet tal-bniedem

Mara tgħolli idha f'ġest ta' emanċipazzjoni, fuq sfond ta' forom ġeometriċi Persjani ta' lwien ħodor.

Sanzjonijiet tal-UE kontra l-Iran

Collage li jinkludi dixx tas-satellita, id mgħollija mdawra bl-istilel tal-bandiera tal-UE u bastiment kbir tal-merkanzija.

Il-gwerra tar-Russja kontra l-Ukrajna: sanzjonijiet tal-UE