Trédhearcacht

Tá obair leanúnach ar bun ag an nGrúpa Euro chun an trédhearcacht a fheabhsú chun tuilleadh comhsheasmhachta a chur ar fáil i ndáil leis an tslí a gcuirtear saoránaigh agus parlaimintí náisiúnta sna Ballstáit ar an eolas faoina ghníomhaíochtaí.

I mí Mheán Fómhair 2018, chuir an tUachtarán Centeno tús le hathbhreithniú ar bheartas trédhearcachta an Ghrúpa Euro, mar fhreagairt ar na hábhair imní a chuir na parlaimintí náisiúnta agus ombudsman an Aontais in iúl.

I mí Mheán Fómhair 2019, tháinig an Grúpa Euro ar chomhaontú maidir le liosta de ghníomhaíochtaí nithiúla chun trédhearcacht a fheabhsú. I measc na ngníomhaíochtaí atá san áireamh, tá:

• clár ar líne de dhoiciméid an Ghrúpa Euro atá ar fáil go poiblí a chruthú
• ábhar litreacha achoimre an Ghrúpa Euro a leathnú
• a chinntiú go bhfuil an ceart chun rochtain a fháil ar dhoiciméid luaite go soiléir ar leathanaigh ghréasáin an Ghrúpa Euro
• féilire chruinnithe Mheitheal an Ghrúpa Euro a fhoilsiú
• dréachtchlár an Ghrúpa Euro (nach bhfuil anótáilte) a fhoilsiú a luaithe a bheidh sé formheasta ag Meitheal an Ghrúpa Euro
• leathanach gréasáin Mheitheal an Ghrúpa Euro a fheabhsú

Le seoladh chlár doiciméad an Ghrúpa Euro i mí Feabhra 2020, tá na gníomhaíochtaí ar fad curtha i gcrích. Tá gealltanas tugtha ag na hairí go ndéanfaidh siad measúnú agus athbhreithniú rialta ar an mbeartas trédhearcachta.

• Modhanna oibre an Ghrúpa Euro
• Athbhreithniú an Ghrúpa Euro ar a bheartas trédhearcachta agus an bealach chun tosaigh, 20/9/2019
• Freagra Mário Centeno, Uachtarán an Ghrúpa Euro, ar an iarraidh ón Ombudsman, 11/7/2019
• Iarraidh an Ombudsman ar eolas ar thrédhearcacht Mheitheal an Ghrúpa Euro, 13/5/2019
• Litir achoimre, an Grúpa Euro, 7/9/2018
• Freagra ó Uachtarán an Ghrúpa Euro ar litir an Ombudsman Eorpaigh ar thrédhearcacht an Ghrúpa Euro, 1/12/2016
• Plé ar thrédhearcacht ghníomhaíochtaí an Ghrúpa Euro a mhéadú, 11/2/2016

Is féidir rochtain a iarraidh ar dhoiciméid trí dhul i dteagmháil le hArdrúnaíocht na Comhairle:

• Doiciméad a iarraidh