Trasparenza

Il-Grupp tal-Euro qed jaħdem kontinwament għat-titjib tat-trasparenza, sabiex jipprovdi aktar konsistenza fil-mod kif iċ-ċittadini u l-parlamenti nazzjonali fl-istati membri jiġu infurmati dwar l-attivitajiet tiegħu.

F'Settembru 2018, il-President Centeno beda rieżami tal-politika ta' trasparenza tal-Grupp tal-Euro, u b'hekk irrisponda għat-tħassib espress mill-parlamenti nazzjonali u l-ombudsman tal-UE.

F'Settembru 2019, il-Grupp tal-Euro qabel dwar lista ta' azzjonijiet konkreti biex tittejjeb it-trasparenza. L-azzjonijiet kienu jinkludu:

• il-ħolqien ta' reġistru online ta' dokumenti disponibbli pubblikament tal-Grupp tal-Euro
• l-espansjoni tal-kontenut tal-ittri ta' sinteżi tal-Grupp tal-Euro
• l-iżgurar li d-dritt ta' aċċess għad-dokumenti jkun iddikjarat b'mod ċar fuq il-paġni web tal-Grupp tal-Euro
• il-pubblikazzjoni tal-kalendarju tal-laqgħat tal-Grupp ta' Ħidma tal-Grupp tal-Euro (EWG)
• il-pubblikazzjoni tal-abbozz ta' aġenda (mhux annotata) tal-Grupp tal-Euro hekk kif tiġi approvata mill-EWG
• it-titjib tal-paġna web tal-EWG

Bit-tnedija tar-reġistru tad-dokumenti tal-Grupp tal-Euro fi Frar 2020, tlestew l-azzjonijiet kollha. Il-ministri impenjaw ruħhom li jivvalutaw u jirrieżaminaw regolarment il-politika ta' trasparenza.

• Metodi ta' Ħidma tal-Grupp tal-Euro
• Rieżami tal-politika ta' trasparenza tal-Grupp tal-Euro u t-triq 'il quddiem, 20/09/2019
• Tweġiba tal-President tal-Grupp tal-Euro Mário Centeno għat-talba mill-Ombudsman, 11/7/2019
• Talba mill-Ombudsman għal informazzjoni dwar it-trasparenza tal-Grupp ta' Ħidma tal-Grupp tal-Euro, 13/5/2019
• Ittra ta' sinteżi, Grupp tal-Euro 7/9/2018
• Tweġiba mill-President tal-Grupp tal-Euro għall-ittra tal-Ombudsman Ewropew dwar it-trasparenza tal-Grupp tal-Euro, 1/12/2016
• Diskussjoni dwar iż-żieda fit-trasparenza tal-attivitajiet tal-Grupp tal-Euro, 11/2/2016

Tista' titlob aċċess għad-dokumenti billi tikkuntattja lis-Segretarjat Ġenerali tal-Kunsill: