Ranníocaíocht na hEorpa do mhaoiniú don aeráid (sna €bn)
Is iad an tAontas agus a 27 mBallstát na soláthraithe is mó maoinithe don aeráid ar domhan.
In 2024, ranníoc siad €31.7 billiún ó fhoinsí poiblí agus chuir siad €11 bhilliún breise de mhaoiniú príobháideach ar fáil chun tacú le tíortha i mbéal forbartha agus an t-athrú aeráide á chomhrac acu agus iad ag dul in oiriúint dá thionchar.
Ranníocaíocht na hEorpa do mhaoiniú don aeráid (sna €bn)
Tá breis is dúbailt déanta ag an Eoraip ó bhí 2013 ann ar na cistí a thiomsaítear chun cabhrú le tíortha i mbéal forbartha tionchar an athraithe aeráide a mhaolú agus dul in oiriúint dó.
Ranníocaíocht na hEorpa do mhaoiniú don aeráid (sna €bn)
Ó 2013 i leith, tá breis agus méadú faoi dhó tagtha ar na cistí san Eoraip a thiomsaítear le cabhrú le tíortha i mbéal forbartha tionchar an athraithe aeráide a mhaolú agus dul in oiriúint dó.
Thiomsaigh an tAontas agus a Bhallstáit an méid seo a leanas:
- €9.6 billiún in 2013
- €14.5 billiún in 2014
- €17.6 billiún in 2015
- €20.2 billiún in 2016
- €20.4 billiún in 2017
- €21.7 billiún in 2018
- €23.2 billiún in 2019
- €23.4 billiún in 2020
- €23 bhilliún in 2021
- €28.5 billiún in 2022*
- €28.6 billiún in 2023*
- €31.7 billiún in 2024*
I measc na bhfoinsí le haghaidh na bhfigiúirí tá buiséad an Aontais, an Ciste Eorpach Forbraíochta agus an Banc Eorpach Infheistíochta.
*Ó 2022 i leith, ríomhtar an figiúr airgeadais phoiblí foriomlán trí úsáid a bhaint as modheolaíocht nua, a bunaíodh ar ghealltanais maidir le hairgeadas déthaobhach agus eisíocaíochtaí airgeadais iltaobhaigh a rinneadh sa bhliain chéanna.
Tá €4.6 billiún ó bhuiséad an Aontais, an Ciste Eorpach Forbraíochta san áireamh, agus €2.4 billiún ón mBanc Eorpach Infheistíochta sa mhaoiniú don aeráid ó fhoinsí poiblí, maoiniú ar fiú €31.7 billiún é.
Ríomhtar an figiúr airgeadais phoiblí foriomlán bunaithe ar ghealltanais maidir le hairgeadas déthaobhach agus eisíocaíochtaí airgeadais iltaobhaigh a thuairiscítear le haghaidh na bliana 2024.
Seasann an €11 bhilliún don tacaíocht phríobháideach airgeadais arna slógadh trí idirghabhálacha poiblí (e.g. ráthaíochtaí, iasachtaí sindeacáite, infheistíochtaí díreacha i gcuideachtaí, línte creidmheasa, etc.). Ní áirítear ann aon airgeadas poiblí a úsáidtear chun an tacaíocht phríobháideach airgeadais sin a shlógadh.
Féach freisin:
An t-athbhreithniú deireanach: an 29 Deireadh Fómhair 2026