An aeráid
Tuilleadh eolais faoin gcaoi a dtéann Ballstáit an Aontais i ngleic leis an athrú aeráide agus faoin obair atá ar bun chun druidim le geilleagar glan-nialasach.
Is mian leis an Aontas astaíochtaí gás ceaptha teasa glan-nialasacha a bhaint amach faoi 2050, i gcomhréir le Comhaontú Pháras. Leis an dlí aeráide Eorpach, is sprioc cheangailteach í an sprioc sin.
Tugtar ugach anois, leis na rialacha faoin gComhaontú Glas don Eoraip, don aistriú i dtreo geilleagar agus sochaí aeráidneodrach.
A bhfuil ar bun ag an Aontas maidir leis an athrú aeráide
Chun na spriocanna aeráide sin a bhaint amach, ghlac an tAontas dlíthe le go laghdófaí go mór líon na n-astaíochtaí.
Cuireadh 30 % de bhuiséad an Aontais do 2021-2027 i leataobh do ghníomhaíochtaí ar son na haeráide.
As gach cearn den domhan, is iad an tAontas agus a Bhallstáit is mó a chuireann maoiniú ar fáil don troid i gcoinne an athraithe aeráide.
Gníomhú ar son na haeráide de réir earnála
Astaíochtaí gás ceaptha teasa a laghdú
Tá ceangal dlíthiúil ar an Aontas agus ar na Ballstáit astaíochtaí gás ceaptha teasa a laghdú 55%, ar a laghad, faoi 2030, agus 90%, ar a laghad, faoi 2040 i gcomparáid le leibhéil 1990, mar chéim idirmheánach chun astaíochtaí glan-nialasacha a bhaint amach faoi 2050. Léiríonn na sonraí is déanaí go bhfuil astaíochtaí ag titim sna hearnálacha uile ach go bhfuil bóthar fada romhainn fós sula mbainfear leibhéil ghlan-nialasacha amach.
Sa chairt, léirítear glanastaíochtaí gás ceaptha teasa an Aontais i milliúin tona de choibhéis CO2 (MtCO2e).
Líne-chairt ina léirítear éabhlóid astaíochtaí gás ceaptha teasa an Aontais ó 1990 go 2022. Léiríonn an líne titim ó 4 712.3 milliún tona de choibhéis CO2 (MtCO2e) in 1990 go 3 248.21 milliún tona in 2022. Léirítear spriocanna laghdaithe astaíochtaí 2020 agus 2030 an Aontais, laghdú -20 % agus laghdú -55 % faoi seach i gcomparáid le leibhéil 1990, ar an gcairt. Foinse: An Ghníomhaireacht Eorpach Comhshaoil
Tionchair an athraithe aeráide
De réir tuarascáil na bliana 2024 ar staid aeráide na hEorpa, ba ó 2020 i leith a bhí na 3 bliana is teo ar taifead againn san Eoraip, agus ba é 2024 an bhliain ba theo riamh.
Chonacthas eachtraí éagsúla adhaimsire in 2024, mar shampla tuilte, falscaithe agus stoirmeacha, a bhí tubaisteach do dhaoine agus don gheilleagar.
5 fhíric faoi sprioc an Aontais maidir le haeráidneodracht
Tá sé ríthábhachtach go rachfaí i ngleic leis an athrú aeráide ar mhaithe le todhchaí na hEorpa agus an domhain mhóir. Leis an dlí aeráide Eorpach, cumhdaítear sa reachtaíocht cuspóir an Aontais a bheith aeráidneodrach faoi 2050. Tháinig an sprioc sin sna sála ar an ngealltanas a thug an tAontas agus na Ballstáit ar shíniú Chomhaontú Pháras dóibh in 2015.
An aeráidneodracht - cad é féin agus cén chaoi a bhfuil sé i gceist ag an Aontas an sprioc sin a bhaint amach?
An scéala is déanaí
An Chomhairle agus an Pharlaimint tagtha ar chomhaontú faoi rialacha soiléirithe maidir le dolaí bóthair agus muirir úsáideoirí le haghaidh feithiclí tromshaothair Falscaithe: moladh glactha ag an gComhairle chun ullmhacht a neartú agus cosc a fheabhsú CAI 2028-2034: a seasamh comhaontaithe ag an gComhairle maidir le Fís Eorpach, an clár réime uaillmhianach nua um thaighde agus um nuálaíocht
Na blaisíní breise is déanaí
Iompar de bhóthar
Rialacha an Aontais a shimpliú
An compás iomaíochais
An t-athbhreithniú deireanach: an 15 Aibreán 2026