"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Tháinig an Grúpa Euro le chéile den chéad uair sa ghnáthfhormáid agus ina dhiaidh sin tháinig le chéile le haghaidh cruinniú den Ghrúpa Euro i bhformáid chuimsitheach.
An ghnáthfhormáid
Faireachas iarchláir: Éire agus an Phortaingéil
Chuir an Coimisiún Eorpach agus BCE na hairí ar an eolas faoi phríomhthorthaí an 10ú misean faireachais iarchláirgo hÉirinn a rinneadh idir 13-16 Samhain 2018, agus ar an 9ú misean faireachais iarchláir go dtí an Phortaingéil a cuireadh i gcrích idir 26-30 Samhain 2018.
Tosaíonn an faireachas iarchláir go huathoibríoch tar éis dheireadh na gclár cúnaimh airgeadais agus leanann sé ar aghaidh go dtí go n-aisíoctar 75% ar a laghad de na hiasachtaí a fuarthas. Déantar tuairisciú agus misin dhá uair sa bhliain.
A thacaíocht tugtha ag an ngrúpa euro do Philip Lane mar ainmniúchán do bhord feidhmiúcháin BCE
Phléigh an Grúpa Euro an t-ainmniúchán le haghaidh an fholúntais atá ag teacht aníos i mBanc Ceannais na hEorpa (BCE), agus thug a thacaíocht do Philip Lane mar iarrthóir, gobharnóir Bhanc Ceannais na hÉireann, le teacht i gcomharbas ar Peter Praet, a dtiocfaidh deireadh lena théarma oifige ar an 31 Bealtaine.
"D'aontaigh an Grúpa Euro ainmniúchán Philip Lane a fhormhuiniú d'aon ghuth. Faoi mar a chuir roinnt airí in iúl inniu, is iontach an rogha é Philip don phost seo."
Mário Centeno, Uachtarán an Ghrúpa Euro
AEA a dhoimhniú - an bealach chun tosaigh maidir leis an ionstraim bhuiséadach cóineasaithe agus iomaíochais
Tar éis do cheannairí an Aontais sainordú a fháil ag an gCruinniú Mullaigh Euro ar an 14 Nollaig, lean an Grúpa Euro den phlé ar dhoimhniú an aontais eacnamaíoch agus airgeadaíochta i bhformáid oscailte chuimsitheach.
Mhalartaigh na hairí a dtuairimí den chéad uair faoin mbealach chun tosaigh maidir leis an ionstraim bhuiséadach cóineasaithe agus iomaíochais don limistéar euro agus Ballstáit Shásra Rátaí Malairte na hEorpa ERM II ar bhonn deonach.
"Is cuimhin libh go léir gurbh ábhar conspóideach é seo i mí na Nollag, ach tá ré nua romhainn anois. Chomhaontaigh na ceannairí an ionstraim agus ní mór dúinn í a mhionsonrú anois. Tá meon cuiditheach le brath inár measc agus tá mé cinnte go dtiocfaimid ar chomhaontú roimh an sprioc-am i mí an Mheithimh."
Mário Centeno, Uachtarán an Ghrúpa Euro
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
"D'aontaigh an Grúpa Euro ainmniúchán Philip Lane a fhormhuiniú d'aon ghuth. Faoi mar a chuir roinnt airí in iúl inniu, is iontach an rogha é Philip don phost seo."
