"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Oideachais, Óige, Cultúir agus Spóirt
An Chomhairle Oideachais, Óige, Cultúir agus Spóirt, 21-22/11/2019, 21-22 Samhain 2019
Na príomhthorthaí - 22 Samhain 2019
An óige
Ghlac an Chomhairle conclúidí maidir le hobair dhigiteach don óige. Is é príomhaidhm na gconclúidí seo cuidiú leis an mbearna digiteach a shárú i measc daoine óga.
Ghlac an Chomhairle conclúidí maidir le hoideachas agus oiliúint a chur ar oibrithe don óige. Aithnítear sna conclúidí gur cheart oideachas agus oiliúint oibrithe óga a oiriúnú chun na riachtanais agus na coinníollacha ar leith sna Ballstáit aonair a chomhlíonadh. Ag an am céanna, cuireann siad i bhfios go láidir go bhfuil comhthuiscint ann maidir leis na riachtanais oideachais agus oiliúna atá ag oibrithe don óige san Aontas.
Bunaithe ar phlépháipéar, arna ullmhú ag an uachtaránacht, bhí díospóireacht ag na hairí maidir leis an gcaoi ar féidir na príomhábhair imní atá ag daoine óga faoi láthair a chomhtháthú san obair don óige.
Eorpaigh óga tar éis labhairt: ar phríomhthosaíochtaí an Aontais, ba cheart go mbeadh cosaint an chomhshaoil agus an comhrac i gcoinne an athraithe aeráide. Spreag siad ár ndíospóireacht. Má theastaíonn uainn go mbeadh daoine óga ina saoránaigh ghníomhacha, ní mór dúinn éisteacht leo agus gníomhú chun dul i ngleic leis na nithe is mó atá ina n-ábhar imní dóibh, go háirithe an t-athrú aeráide agus bagairtí comhshaoil atá ag dul i méid.
Hanna Kosonen, Aire Eolaíochta agus Cultúir na Fionlainne
Aon ghnó eile
Chuir toscaireacht na Portaingéile faisnéis ar fáil faoi chonclúidí ó Chomhdháil Dhomhanda na nAirí 2019 atá freagrach as an óige agus ón bhfóram don óige "Lisboa+21" – Liospóin, 22 agus 23 Meitheamh 2019
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir an Liotuáin na hairí ar an eolas maidir le 4ú Fóram na nÓg de chuid Chomhpháirtíocht an Oirthir (EaP), agus ceiliúradh á dhéanamh ar an deich mbliana ó bunaíodh Comhpháirtíocht an Oirthir i réimse na hóige (Vilnias, An Liotuáin, 19 Meitheamh 2019)
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir uachtaránacht nua na Cróite a clár oibre i réimse na hóige i láthair.
21 Samhain 2019
An Cultúr
Ghlac an Chomhairle rún maidir leis an ngné chultúrtha den fhorbairt inbhuanaithe. Cuirfear tús leis sin le próiseas as a dtiocfaidh plean gníomhaíochta a bheidh le forbairt ag an gCoimisiún Eorpach i gcomhar leis na Ballstáit maidir leis an ngné chultúrtha a bhaineann leis an bhforbairt inbhuanaithe ar leibhéal an Aontais.
Bunaithe ar phlépháipéar, arna ullmhú ag an uachtaránacht, bhí díospóireacht phoiblí ag na hairí cultúir ar na buanna, ar an acmhainneacht nuálaíochta agus ar an iomaíochas domhanda a bhaineann le tionscail chultúrtha, chruthaitheacha agus chlosamhairc na hEorpa.
I saol digiteach an lae inniu atá thar a bheith iomaíoch, ní mór don Aontas a dhícheall a dhéanamh smacht iomlán a fháil ar a thodhchaí dhigiteach. Chun an sprioc sin a bhaint amach, ní mór dúinn sciar de thionscail chruthaitheacha na hEorpa sa mhargadh domhanda a mhéadú. Deis iontach a bhí i ndíospóireacht an lae inniu chun plé a dhéanamh ar conas is féidir leis an Aontas cúnamh a thabhairt – ó rialáil níos fearr go cistiú breise agus tacaíocht bhreise do chomhléiriúcháin Eorpacha.
Hanna Kosonen, Aire Eolaíochta agus Cultúir na Fionlainne
An Spórt
Ghlac an Chomhairle conclúidí maidir leis an éilliú sa spórt a chomhrac. Is é príomhaidhm na gconclúidí moladh a dhéanamh maidir leis an gcaoi ar féidir leis an Aontas gona Ballstáit in éineacht leis an ngluaiseacht spóirt cabhrú le hionracas agus cothroime a bhaint amach sa spórt.
Ghlac an Chomhairle conclúidí freisin maidir le leanaí a chosaint sa spórt. Cumhdaítear sna conclúidí leanaí a chosaint chomh maith le folláine leanaí a chur chun cinn.
Bhí díospóireacht phoiblí ag na hairí spóirt maidir le dea-rialachas sa spórt bunaithe ar phlépháipéar ón uachtaránacht. In éineacht leo, bhí aoichainteoir – Witold Banka, Uachtarán na Gníomhaireachta Domhanda Frithdhópála (WADA) agus iar-Aire Spóirt na Polainne.
Chuir an Eastóin faisnéis ar fáil faoi ainmniú Tartu mar phríomhchathair chultúir na hEorpa 2024
Chuir an Ostair na hairí ar an eolas faoi phríomhchathair chultúir na hEorpa don bhliain 2024 ar an leibhéal náisiúnta.
Chuir toscaireacht na Bulgáire faisnéis ar fáil faoi réada seandálaíochta a chur ar ais chuig an mBulgáir mar dhea-chleachtas maidir leis an oidhreacht chultúrtha a chosaint agus a chaomhnú
Rinne an Fhrainc idirghabháil maidir le cearta gaolmhara foilsitheoirí agus gníomhaireachtaí preasa sa ré dhigiteach
Thíolaic toscaireacht na hIodáile nóta faisnéise dar teideal: 'Ní mór líne a chur faoin bhfocal 'cultúr' i dteideal na punainne ón gCoimisinéir ainmnithe Gabriel chun ról an chultúir do thodhchaí na hEorpa a neartú'
Chuir ionadaí Bhallstáit an Aontais ón bhfoireann trí Uachtaránacht ar Bhord Forais WADA na hairí ar an eolas faoi chruinnithe WADA: An Coiste Feidhmiúcháin, an cúigiú comhdháil dhomhanda maidir leis an dópáil sa spórt agus an Bord Fondúireachta, a tionóladh in Katowice na Polainne ar an 4-7 Samhain 2019
Thíolaic uachtaránacht nua na Cróite a clár oibre i réimse an chultúir agus an spóirt.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Eorpaigh óga tar éis labhairt: ar phríomhthosaíochtaí an Aontais, ba cheart go mbeadh cosaint an chomhshaoil agus an comhrac i gcoinne an athraithe aeráide. Spreag siad ár ndíospóireacht. Má theastaíonn uainn go mbeadh daoine óga ina saoránaigh ghníomhacha, ní mór dúinn éisteacht leo agus gníomhú chun dul i ngleic leis na nithe is mó atá ina n-ábhar imní dóibh, go háirithe an t-athrú aeráide agus bagairtí comhshaoil atá ag dul i méid.
I saol digiteach an lae inniu atá thar a bheith iomaíoch, ní mór don Aontas a dhícheall a dhéanamh smacht iomlán a fháil ar a thodhchaí dhigiteach. Chun an sprioc sin a bhaint amach, ní mór dúinn sciar de thionscail chruthaitheacha na hEorpa sa mhargadh domhanda a mhéadú. Deis iontach a bhí i ndíospóireacht an lae inniu chun plé a dhéanamh ar conas is féidir leis an Aontas cúnamh a thabhairt – ó rialáil níos fearr go cistiú breise agus tacaíocht bhreise do chomhléiriúcháin Eorpacha.