Coiste Míleata an Aontais Eorpaigh (EUMC), Cinn Chosanta an Aontais Eorpaigh, 6-7/11/2017, 6-7 Samhain 2017

Na príomhthorthaí

Tháinig Coiste Míleata an Aontais Eorpaigh le chéile ar leibhéal Chinn Chosanta an Aontais Eorpaigh. Bhí an Ginearál Mikhail Kostarakos, cathaoirleach buan an choiste, ina chathaoirleach ar an gcruinniú.

Deis a bhí sa chruinniú freisin féachaint ar a bhfuil déanta ó thaobh straitéis dhomhanda an Aontais a chur chun feidhme i réimse na slándála agus na cosanta, go háirithe an t-athbhreithniú bliantúil comhordaithe ar chosaint (triail CARD) agus an buanchomhartha struchtúrtha (PESCO).

Phléigh Cinn Chosanta an Aontais an comhar idir an tAontas agus ECAT in éineacht leis an nGinearál Petr Pavel, Cathaoirleach Choiste Míleata ECAT agus leis an nGinearál Curtis M. Scaparrotti, Ceannasaí Uachtarach na gComhghuaillithe san Eoraip. Cuireadh ar an eolas iad maidir leis an gcomhar idir an tAontas agus ECAT, lena n-áirítear an comhar i réimsí na mbagairtí hibrideacha agus cibearshlándála.

Phléigh Cinn Chosanta an Aontais oibríochtaí míleata an Aontais, lena n-áirítear Oibríocht Althea, Oibríocht EUNAVFORAtalanta agus Oibríocht EUNAVFORSophia.

Ina dhiaidh sin, phléigh Cinn Chosanta an Aontais oibríochtaí oiliúna míleata CBSC le Stiúrthóir an Chumais Mhíleata Pleanála agus Forfheidhmithe (MPCC).

Ina theannta sin, phléigh Cinn Chosanta an Aontais Eorpaigh an comhrac i gcoinne na sceimhlitheoireachta agus cosc an radacaithe agus go háirithe bagairt SIIS/Da’esh le tíortha comhpháirtíochta. Bhí Cinn Chosanta an Aontais ón tSeirbia, ó Mhontainéagró, ón Túinéis, ó Bhoisnia agus an Heirseagaivéin, ón tSeoirsia agus ón Moldóiv mar aon le hionadaithe ón gCóiré Theas, ón Albáin agus ón Iordáin i láthair.

Ar deireadh, thogh na Cinn Chosanta an Ginearál Claudio Graziano, Ceann Cosanta na hIodáile, mar an chéad Chathaoirleach buan eile ar Choiste Míleata an Aontais Eorpaigh. Beidh sé i mbun dualgas i mí na Samhna 2018.

• CV an Ghinearáil Claudio Graziano

• Comhar an Aontais Eorpaigh maidir leis an tslándáil agus leis an gcosaint (faisnéis chúlra)

• Suíomh gréasáin Choiste Míleata an Aontais Eorpaigh (EUMC)