An Chomhairle Gnóthaí Eachtracha, 16/10/2017, 16 Deireadh Fómhair 2017

Na príomhthorthaí

Phléigh an Chomhairle an Iaráin agus an Chóiré Thuaidh.

"Is mór idir an dá chás, ach is léir gur rídheacair tús a chur le hidirphlé d’aon chineál leis an DPDC má tá bagairt thromchúiseach ann go gcuirfí deireadh leis an aon chomhaontú amháin atá ag feidhmiú, JCPOA."

Federica Mogherini, Ardionadaí an Aontais do Ghnóthaí Eachtracha agus don Bheartas Slándála

An Iaráin

Phléigh an Chomhairle cur chun feidhme an Phlean Chuimsithigh Chomhpháirtigh Gníomhaíochta, socrú núicléach na hIaráine. Tháinig Airí Gnóthaí Eachtracha an Aontais ar chomhaontú faoi ráiteas maidir le JCPOA.

• Socrú núicléach na hIaráine: Ráiteas ón Aontas Eorpach i ndáil leis an bPlean Cuimsitheach Comhpháirteach Gníomhaíochta
• Plean Cuimsitheach Comhpháirteach Gníomhaíochta agus bearta sriantacha (faisnéis chúlra)

An Chóiré Thuaidh

Thug an Chomhairle aghaidh ar an staid reatha ar leithinis na Cóiré, i bhfianaise na ngníomhartha gríosaitheacha a rinne Daon-Phoblacht Dhaonlathach na Cóiré (DPDC) le déanaí.

Ghlac an Chomhairle bearta breise uathrialacha de chuid an Aontais chun smachtbhannaí Chomhairle Slándála na Náisiún Aontaithe a chomhlánú agus a threisiú.

Chomhaontaigh na hairí freisin dlús a chur le hiarrachtaí for-rochtana le cur chun feidhme rún ó Chomhairle Slándála na Náisiún Aontaithe ag Ballstáit uile na Náisiún Aontaithe a neartú.

• An Chóiré Thuaidh: Smachtbhannaí nua glactha ag an Aontas Eorpach (preaseisiúint, 16/10/2017)
• Bearta sriantacha an Aontais i gcoinne na Cóiré Thuaidh (faisnéis chúlra)

Maenmar/Burma

Ghlac an Chomhairle conclúidí maidir le Maenmar, i bhfianaise na staide daonnúla agus staid chearta an duine i Stát Rakhine.

• Conclúidí ón gComhairle maidir le Maenmar/Burma
• Caidreamh an Aontais le Maenmar (SEGS)

Cearta an duine

Bhí díospóireacht ag na hairí faoi bheartas an Aontais maidir le cearta an duine i láthair Ionadaí Speisialta an Aontais Eorpaigh le haghaidh chearta an duine, Stavros Lambrinidis. Ghlac an Chomhairle conclúidí maidir leis an athbhreithniú meántéarma ar an bplean gníomhaíochta maidir le cearta an duine agus an daonlathas, agus tuarascáil bhliantúil an Aontais maidir le cearta an duine agus an daonlathas ar fud an domhain in 2016.

• Conclúidí ón gComhairle maidir leis an athbhreithniú meántéarma ar an bplean gníomhaíochta maidir le cearta an duine agus leis an daonlathas
• Tuarascáil bhliantúil an Aontais Eorpaigh maidir le cearta an duine agus an daonlathas ar fud an domhain in 2016
• Cearta an duine a chosaint agus a chur chun cinn (faisnéis chúlra)