Timeline - Sanctions against cyber-attacks

Chinn an Chomhairle smachtbhannaí a fhorchur ar naonúr daoine aonair Rúiseacha agus ar cheithre eintiteas atá freagrach as cibirionsaithe ar cibirionsaithe iad atá ina mbagairt sheachtrach ar Bhallstáit an Aontais agus as gníomhaíochtaí mailíseacha i gcoinne an Aontais agus a Bhallstát agus a bhfuil baint acu leis an méid sin

Áirítear orthu siúd atá faoi smachtbhannaí daoine aonair agus eintitis a bhfuil baint acu le hionsaithe bogearraí mailíseacha, oibríochtaí bogearraí éirice, feachtais fioscaireachta agus cibirionsaithe eile atá dírithe ar bhonneagar criticiúil agus ar sheirbhísí fíor-riachtanacha.

• Cibirionsaithe agus gníomhaíochtaí díchobhsaitheacha na Rúise: Smachtbhannaí forchurtha ag an gComhairle ar naonúr daoine aonair agus ar cheithre eintiteas (preaseisiúint, an 13 Iúil 2026)

The Council decided to extend  the sanctions against actors involved in cyber-attacks threatening the EU and its member states until 18 May 2027.

The EU is deploying these sanctions to deter malicious cyber activities and uphold the international rules-based order by ensuring that those responsible are held to account.

• Cyber-attacks: Council extends listings until May 2027 (press release, 11 May 2026)

Ghlac an Chomhairle smachtbhannaí ar thrí eintiteas agus beirt daoine aonair atá freagrach as cibirionsaithe a dhéanamh ar Bhallstáit an Aontais agus ar chomhpháirtithe an Aontais. I measc na n-eintiteas atá liostaithe tá cuideachtaí atá lonnaithe san Iaráin agus sa tSín.

• Cibirionsaithe ar an Aontas agus a Bhallstáit: smachtbhannaí forchurtha ag an gComhairle ar thrí eintiteas agus ar bheirt daoine aonair (preaseisiúint, an 16 Márta 2026)

Chinn an Chomhairle síneadh a chur leis na smachtbhannaí i gcoinne cibirionsaithe ar bagairt iad ar an Aontas agus ar a mBallstáit go ceannbliain eile, go dtí an 18 Bealtaine 2026.

Cuirtear síneadh 3 bliana leis an gcreat dlíthiúil le haghaidh na mbeart sin go dtí an 18 Bealtaine 2028.

• Cibirionsaithe: Síneadh curtha ag an gComhairle leis na smachtbhannaí agus leis an gcreat dlíthiúil (preaseisiúint, an 12 Bealtaine 2025)

Ghlac an Chomhairle smachtbhannaí breise i gcoinne triúr Rúiseach a bhí freagrach as sraith cibirionsaithe a rinneadh i gcoinne Phoblacht na hEastóine in 2020.

Is oifigigh d’Fhoireann Ghinearálta Fhórsaí Armtha Chónaidhm na Rúise (GRU) Aonad 29155 iad na daoine aonair atá ar an liosta.

• Cibirionsaithe: triúr curtha le liosta smachtbhannaí an Aontais mar gheall ar chibirghníomhaíochtaí mailíseacha i gcoinne na hEastóine (preaseisiúint, an 27 Eanáir 2025)

Ghlac an Chomhairle smachtbhannaí breise i gcoinne seisear a raibh baint acu le cibirionsaithe a rinne difear do chórais faisnéise a bhain le bonneagar criticiúil, feidhmeanna criticiúla stáit, stóráil nó próiseáil faisnéise rúnaicmithe agus foirne práinnfhreagartha rialtais i mBallstáit an Aontais.

I measc na ndaoine ar ar gearradh smachtbhannaí tá baill de ghrúpaí Callisto, Armageddon agus Wizard Spider.

• Cibirionsaithe: seisear curtha le liosta smachtbhannaí an Aontais maidir le cibirghníomhaíochtaí/cibirionsaithe i gcoinne Bhallstáit an Aontais agus na hÚcráine (preaseisiúint, an 24 Meitheamh 2024)

Chinn an Chomhairle síneadh trí bliana, go dtí an 18 Bealtaine 2025, a chur leis an gcreat do bhearta sriantacha i gcoinne cibirionsaithe atá ina mbagairt ar an Aontas agus ar a Bhallstáit.

Leis an gcreat sin tá sé ar chumas an Aontais bearta sriantacha spriocdhírithe a fhorchur ar dhaoine nó ar eintitis a bhfuil baint acu le cibirionsaithe a mbíonn tionchar suntasach acu, agus atá ina mbagairt sheachtrach ar an Aontas nó ar a Bhallstáit.

• Cibirionsaithe: síneadh curtha ag an gComhairle leis an gcóras smachtbhannaí (preaseisiúint, an 16 Bealtaine 2022)

Chinn an Chomhairle síneadh bliana, go dtí an 18 Bealtaine 2022, a chur leis an gcreat do bhearta sriantacha i gcoinne cibirionsaithe atá ina mbagairt ar an Aontas nó ar a Bhallstáit.

Leis an gcreat sin, tá sé ar chumas an Aontais bearta sriantacha spriocdhírithe a fhorchur ar dhaoine nó ar eintitis a bhfuil baint acu le cibirionsaithe a mbíonn tionchar suntasach acu, agus atá ina mbagairt sheachtrach ar an Aontas nó ar a mBallstáit.

• Cibirionsaithe: síneadh bliana curtha ag an gComhairle leis an gcreat smachtbhannaí (preaseisiúint, an 17 Bealtaine 2021)

Chinn an Chomhairle bearta sriantacha a fhorchur ar bheirt agus ar eintiteas amháin atá freagrach as cibirionsaí 2015 ar Pharlaimint Chónaidhme na Gearmáine (Bundestag). Bhí an cibirionsaí sin dírithe ar chóras faisnéise na parlaiminte agus bhí tionchar aige ar fheidhmiú an chórais ar feadh roinnt laethanta.

• Cibirionsaithe mailíseacha: smachtbhannaí curtha ag an Aontas ar bheirt aonair agus ar chomhlacht amháin mar gheall ar hacieáil ar an Bundestag in 2015 (preaseisiúint, an 22 Deireadh Fómhair 2020)

Chinn an Chomhairle bearta sriantacha a fhorchur i gcoinne seisear agus trí eintiteas atá freagrach as cibirionsaithe éagsúla nó páirteach iontu. I measc na smachtbhannaí a fhorchuirtear, tá cosc ar thaisteal agus reo sócmhainní, agus níl cead ag daoine ná ag eintitis de chuid an Aontais cistí a chur ar fáil dóibh siúd atá ar an liosta.

• An chéad smachtbhanna riamh forchurtha ag an Aontas i gcoinne cibirionsaithe (preaseisiúint, 30 Iúil 2020)

Bhunaigh an Chomhairle creat a ligeann don Aontas bearta sriantacha spriocdhírithe a fhorchur chun cibirionsaithe a dhíspreagadh agus chun freagairt orthu, más amhlaidh gur bagairt sheachtrachar an Aontas nó ar a Bhallstáit iad. Leis an gcinneadh sin, cuirtear ar chumas an Aontais den chéad uair smachtbhannaí a fhorchur ar dhaoine nó ar eintitis a dhéanann an méid seo a leanas:

• is cúis le cibirionsaithe nó le hiarrachtaí ar chibirionsaithe
• a chuireann tacaíocht airgeadais, theicniúil nó ábhartha ar fáil d'ionsaithe den sórt sin
• atá rannpháirteach ar bhealaí eile

• Cibirionsaithe: an Chomhairle in ann smachtbhannaí a fhorchur anois (preasráitis, an 17 Bealtaine 2019)