Timeline - Sanctions against cyber-attacks

Il-Kunsill iddeċieda li jimponi sanzjonijiet fuq disa' individwi Russi u erba' entitajiet responsabbli għal attakki ċibernetiċi u involuti fihom li huma ta' theddida esterna għall-istati membri tal-UE u attivitajiet malizzjużi kontra l-UE u l-istati membri tagħha

Dawk issanzjonati jinkludu individwi u entitajiet involuti f'attakki ta' malware, operazzjonijiet ta' ransomware, kampanji ta' phishing u attakki ċibernetiċi oħra mmirati lejn infrastruttura kritika u servizzi essenzjali.

• Attakki ċibernetiċi u attivitajiet destabbilizzanti Russi: il-Kunsill jissanzjona disa' individwi u erba' entitajiet (stqarrija għall-istampa, 13 ta' Lulju 2026)

The Council decided to extend  the sanctions against actors involved in cyber-attacks threatening the EU and its member states until 18 May 2027.

The EU is deploying these sanctions to deter malicious cyber activities and uphold the international rules-based order by ensuring that those responsible are held to account.

• Cyber-attacks: Council extends listings until May 2027 (press release, 11 May 2026)

Il-Kunsill adotta sanzjonijiet kontra tliet entitajiet u żewġ individwi responsabbli għal attakki ċibernetiċi mwettqa kontra l-istati membri tal-UE u s-sħab tal-UE. L-entitajiet elenkati jinkludu kumpaniji bbażati fl-Iran u fiċ-Ċina.

• Attakki ċibernetiċi kontra l-UE u l-istati membri tagħha: il-Kunsill jissanzjona tliet entitajiet u żewġ individwi (stqarrija għall-istampa, 16 ta' Marzu 2026)

Illum il-Kunsill iddeċieda li jestendi s-sanzjonijietkontra attakki ċibernetiċi li jheddu lill-UE u lill-istati membri tagħha b'sena oħra,sat-18 ta' Mejju 2026.

Il-qafas legali għal dawn il-miżuri huwa estiż bi tliet snin sat-18 ta' Mejju 2028.

• Attakki ċibernetiċi: il-Kunsill jestendi s-sanzjonijiet u l-qafas legali (stqarrija għall-istampa, 12 ta' Mejju 2025)

Il-Kunsill adotta sanzjonijiet addizzjonali kontra tliet individwi Russi responsabbli għal sensiela ta' attakki ċibernetiċi mwettqa kontra r-Repubblika tal-Estonja fl-2020.

L-individwi elenkati huma uffiċjali tal-Unità 29155 tal-Istat Maġġur tal-Forzi Armati tal-Federazzjoni Russa (GRU).

• Attakki ċibernetiċi: tliet individwi miżjuda mal-lista tas-sanzjonijiet tal-UE għal attivitajiet ċibernetiċi malizzjużi kontra l-Estonja (stqarrija għall-istampa, 27 ta' Jannar 2025)

Il-Kunsill adotta sanzjonijiet kontra sitt persuni involuti f'attakki ċibernetiċi li jaffettwaw is-sistemi ta' informazzjoni relatati ma' infrastruttura kritika, funzjonijiet kritiċi tal-istat, il-ħżin jew l-ipproċessar ta' informazzjoni klassifikata u timijiet ta' rispons ta' emerġenza tal-gvern fl-istati membri.

Il-persuni sanzjonati jinkludu membri tal-gruppi Callisto, Armagedddon u Wizard Spider.

• Attakki ċibernetiċi: sitt persuni miżjuda mal-lista ta' sanzjonijiet tal-UE għal attivitajiet ċibernetiċi malizzjużi/attakki ċibernetiċi kontra l-istati membri tal-UE u l-Ukrajna (stqarrija għall-istampa, 24 ta' Ġunju 2024)

Il-Kunsill iddeċieda li jestendi l-qafas għal miżuri restrittivi kontra attakki ċibernetiċi li jheddu lill-UE u lill-istati membri tagħha għal tliet snin oħra, sat-18 ta' Mejju 2025.

Dan il qafas jippermetti lill-UE timponi miżuri restrittivi mmirati fuq persuni jew entitajiet involuti f'attakki ċibernetiċi li jikkawżaw impatt sinifikanti, u li jikkostitwixxu theddida esterna għall-UE jew l-istati membri tagħha.

• Attakki ċibernetiċi: il-Kunsill jestendi r-reġim tas-sanzjonijiet (stqarrija għall-istampa, 16 ta' Mejju 2022)

Il-Kunsill iddeċieda li jestendi l-qafas għal miżuri restrittivi kontra attakki ċibernetiċi li jheddu lill-UE jew lill-istati membri tagħha b'sena oħra, sat-18 ta' Mejju 2022.

Dan il-qafas jippermetti lill-UE timponi miżuri restrittivi mmirati fuq persuni jew entitajiet involuti f'attakki ċibernetiċi li jikkawżaw impatt sinifikanti, u li jikkostitwixxu theddida esterna għall-UE jew l-istati membri tagħha.

• Attakki ċibernetiċi: il-Kunsill jestendi l-qafas ta' sanzjonijiet b'sena oħra (stqarrija għall-istampa, 17 ta' Mejju 2021)

Il-Kunsill iddeċieda li jimponi miżuri restrittivi fuq żewġ individwi u entità waħda responsabbli għall-attakk ċibernetiku tal-2015 fuq il-Parlament Federali Ġermaniż (Bundestag). Dan l-attakk ċibernetiku kellu fil-mira s-sistema ta' informazzjoni tal-parlament u affettwa l-kapaċità tagħha li taħdem għal diversi jiem.

• Ċiberattakki malizzjużi: L-UE tapplika sanzjonijiet fuq żewġ individwi u korp wieħed għall-att ta' hacking fuq il-Bundestag fl-2015 (stqarrija għall-istampa 22 ta' Ottubru 2020)

Il-Kunsill iddeċieda li jimponi miżuri restrittivi kontra sitt individwi u tliet entitajiet responsabbli għal bosta attakki ċibernetiċi jew involuti fihom. Is-sanzjonijiet imposti jinkludu projbizzjoni fuq l-ivvjaġġar u ffriżar tal-assi, filwaqt li persuni u entitajiet mill-UE huma pprojbiti milli jagħmlu disponibbli fondi għal dawk elenkati.

• L-UE timponi l-ewwel sanzjoni li qatt ħadet kontra attakki ċibernetiċi (Stqarrija għall-istampa, 30 ta’ Lulju 2020)

Il-Kunsill stabbilixxa qafas li jippermetti lill-UE timponi miżuri restrittivi mmirati biex tiskoraġġixxi u tirreaġixxi għal attakki ċibernetiċi li jikkostitwixxu theddida esternalill-UE jew l-istati membri tagħha. Din id-deċiżjoni tippermetti lill-UE tissanzjona, għall-ewwel darba, persuni jew entitajiet li:

• huma responsabbli għal attakki ċibernetiċi jew tentattivi ta' attakki ċibernetiċi
• jipprovdu appoġġ finanzjarju, tekniku jew materjali għal dawn l-attakki
• huma involuti b'mod ieħor

• Attakki ċibernetiċi: il-Kunsill issa jista' jimponi sanzjonijiet (stqarrija għall-istampa, 17 ta' Mejju 2019)