An r-Cheartas á fhorbairt a thuilleadh ag an Aontas Eorpach

Is de thiomantas an Aontais rochtain an cheartais ar fud an Aontais a fheabhsú tríd an r-Cheartas Eorpach a fhorbairt a thuilleadh.

Ghlac an Chomhairle an straitéis agus plean gníomhaíochta inniu maidir le forbairt an r-Cheartais don tréimhse 2019-2023. Is éard is r-Cheartas ann beartas lena ndéantar rochtain an cheartais a shimpliú agus a fheabhsú agus nósanna imeachta dlíthiúla trasteorann á ndigitiú. Ní taobh le réimse amháin den dlí atá an r-Cheartas ach é dírithe ar shaoránaigh, gnólachtaí, iad siúd a chleachtann an dlí, agus údaráis bhreithiúnacha.

Ar thrí chroí-chuspóir a dhíreofar le linn na hoibre a bhainfidh leis an r-cheartas idir 2019-2023:

• Rochtain faisnéise i réimse an cheartais a fheabhsú
• Leanúint de dhigitiú a dhéanamh ar imeachtaí breithiúnacha agus seachbhreithiúnacha d'fhonn rochtain níos fusa agus níos gasta a thabhairt ar na cúirteanna
• Cur chun feidhme agus bainistiú teicniúil na gcóras náisiúnta r-Cheartais a áirithiú d'fhonn idirnascadh agus idir-inoibritheacht a éascú idir córais na mBallstát

An tairseach r-Cheartais

Is í an tairseach r-Cheartais an phríomhuirlis atá ann chun rochtain faisnéise i réimse an cheartais a fheabhsú. Tá leathanaigh eolais, uirlisí cuardaigh agus foirmeacha dinimiciúla sa tairseach de ghrá cuairt an úsáideora a fheabhsú agus a éascú. Déanfar an tairseach a fhorbairt agus a leathnú a thuilleadh le linn an chéad phlean gníomhaíochta eile.

• An tairseach r-Cheartais
• Straitéis don r-Cheartas 2019-2023
• Plean Gníomhaíochta don r-Cheartas 2019-2023

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES CS DA DE ET EL FR HR IT LV LT HU MT NL PL PT RO SK SL FI SV