Kummerċ UE-Singapore: fatti u ċifri

Ir-relazzjonijiet kummerċjali u ta' investiment bilaterali bejn l-Unjoni Ewropea u Singapore huma rregolati mill-ftehim ta' kummerċ ħieles bejn l-UE u Singapore, fis-seħħ minn Novembru 2019. Fis-7 ta' Mejju 2025, iż-żewġ naħat iffirmaw ftehim ta' kummerċ diġitali, li jikkomplementa l-ftehim ta' kummerċ ħieles preċedenti.

Dwar Singapore

Singapore għandu popolazzjoni ta' 5.9 miljun persuna. Dan huwa ekwivalenti għal 1.3% tal-popolazzjoni tal-UE fl-2023. Il-PDG per capita ta' Singapore huwa aktar mid-doppju tal-PDG per capita fl-UE.

Verżjoni testwali

Tabella grafika li tqabbel il-PDG per capita ta' Singapore (€78 363) mal-medja tal-UE (€37 610). Id-data ġejja mill-2023, is-sors huwa l-Fond Monetarju Internazzjonali.

Singapore huwa membru tal-ASEAN – l-Assoċjazzjoni tan-Nazzjonijiet tax-Xlokk tal-Asja. Din hija organizzazzjoni intergovernattiva li tinkludi 10 pajjiżi: il-Brunei, il-Kambodja, l-Indoneżja, il-Laos, il-Malażja, il-Myanmar, il-Filippini, Singapore, it-Tajlandja, u l-Vjetnam (kollha mmarkati fuq il-mappa bil-blu).

Mappa tar-reġjun tal-ASEAN, b'enfasi fuq Singapore. Il-mappa hija akkumpanjata mill-bandiera ta' Singapore fuq ix-xellug u l-bandiera tal-ASEAN fuq il-lemin.

Valur totali tal-kummerċ

Fl-2023, il-kummerċ f'oġġetti u servizzi bejn l-UE u Singapore kien jammonta għal aktar minn €132 biljun. Il-valur tal-kummerċ fis-servizzi jaqbeż b'mod sinifikanti l-valur tal-kummerċ fl-oġġetti. F'dawn l-aħħar 10 snin, il-kummerċ bejn l-UE u Singapore kważi rdoppja.

Kummerċ bejn l-UE u Singapore (f'biljuni ta' €)

Verżjoni testwali

Tabella grafika b'bars orizzontali fuq xulxin li turi l-valuri tal-importazzjoni u l-esportazzjoni ta' oġġetti u servizzi bejn l-UE u Singapore fl-2023.

Oġġetti:

importazzjoni: €20 bn
esportazzjoni: €32.1 bn

Servizzi:

importazzjoni: €43.4 bn
esportazzjoni: €37.2 bn

Is-sors tad-data huwa l-Eurostat.

Kummerċ f'oġġetti

Fl-2023, il-kummerċ f'oġġetti bejn l-UE u Singapore kellu valur ta' aktar minn €52 biljun. Singapore kien l-20 l-akbar sieħeb kummerċjali f'oġġetti tal-UE, filwaqt li l-UE kienet ir-raba' l-akbar sieħeb kummerċjali ta' Singapore.

Ikona li tirrappreżenta l-importazzjoni.

€20 biljun f'importazzjoni tal-UE minn Singapore

Tabella grafika li turi s-sehem tal-importazzjoni u l-esportazzjoni tal-oġġetti.

Ikona li tirrappreżenta l-esportazzjoni.

€32.1 biljun f'esportazzjoni tal-UE lejn Singapore

L-aktar oġġetti nnegozjati

Prodotti mill-industrija kimika jew dawk relatati magħha

Makkinarju u apparat

Strumenti ottiċi u fotografiċi

Kummerċ fis-servizzi

Fl-2023, il-kummerċ fis-servizzi bejn l-UE u Singapore qabeż it-€80 biljun. Fl-2023, Singapore kien il-ħames l-akbar sieħeb kummerċjali għall-UE fis-servizzi.

€43.4 biljun f'importazzjoni tal-UE minn Singapore

Tabella grafika li turi s-sehem tal-importazzjoni u l-esportazzjoni tas-servizzi.

€37.2 biljun f'esportazzjoni tal-UE lejn Singapore

L-aktar servizzi nnegozjati

Servizzi tat-trasport

Servizzi kummerċjali oħrajn (eż. servizzi ta' konsulenza professjonali u maniġerjali)

Servizzi ta' telekomunikazzjoni, informatika u informazzjoni

Ħlasijiet għall-użu ta' proprjetà intellettwali

Ftehim dwar il-kummerċ diġitali

Il-ftehim dwar il-kummerċ diġitali, iffirmat f'Mejju 2025, jikkomplementa l-ftehim kummerċjali bejn l-UE u Singapore li ilu fis-seħħ mill-2019. Wara l-iffirmar, jeħtieġ li ż-żewġ partijiet jirratifikaw il-ftehim. Għan-naħa tal-UE, l-approvazzjoni tal-Parlament Ewropew hija meħtieġa qabel ma l-Kunsill ikun jista' jadotta d-deċiżjoni dwar il-konklużjoni tal-ftehim.

Benefiċċji ewlenin:

protezzjoni aħjar tal-konsumatur online
aktar ċertezza legali għan-negozji
flussi ta' data fdati
inqas ostakli għall-kummerċ diġitali

Mara żżomm laptop quddiem grafika tad-Dinja u elementi diġitali astratti.

Investiment dirett barrani

Singapore jibqa' destinazzjoni importanti għall-investiment tal-UE. Fi tmiem l-2022, l-istokkijiet tal-investiment dirett barrani (IDB) tal-UEmiżmuma f'Singapore laħqu €293 biljun – livell għoli rekord u żieda ta' 6.9% meta mqabbla mal-2021 (l-istokkijiet tal-IDB huma l-ammont totali ta' flus li l-kumpaniji minn pajjiż wieħed investew f'negozji f'pajjiż ieħor.

Singapore kklassifika globalment bħala s-sitt l-akbar destinazzjoni tal-UE għall-istokkijiet tal-IDB u l-akbar destinazzjoni ta' investiment fl-ASEAN.

L-istokkijiet tal-IDB miżmuma minn Singapore fl-UE ammontaw għal €206 biljun fl-2022, żieda ta' 14% meta mqabbla mal-2021. Singapore kklassifika globalment bħala t-tmien l-akbar sors ta' stokkijiet ta' IDB fl-UE.