Kummerċ
Kif l-Unjoni Ewropea qed issawwar ir-relazzjonijiet kummerċjali tagħha mal-bqija tad-dinja.
Il-politika kummerċjali hija kompetenza esklużiva tal-UE. Hija l-UE, aktar milli l-istati membri, li tilleġiżla dwar kwistjonijiet kummerċjali u tikkonkludi ftehimiet kummerċjali internazzjonali.
Billi jaġixxu flimkien bħala entità waħda, il-pajjiżi tal-UE jibbenefikaw minn aktar saħħa fin-negozjati ma' pajjiżi oħra.
Fatti u ċifri dwar il-kummerċ
L-UE hija l-akbar sieħba kummerċjali għal 66 pajjiż sieħeb, li jirrappreżentaw 52% tal-PDG dinji. Tinsab ukoll fl-ewwel post fid-dinja fil-kummerċ ta' oġġetti u servizzi, b'sehem ta' 15.8% tal-kummerċ dinji fl-2024 (qabel iċ-Ċina u l-Istati Uniti).
Aktar minn 30 miljun impjieg fl-UE (jiġifieri impjieg minn kull sebgħa) jiddependu mill-esportazzjoni barra mill-UE.
L-UE hija l-akbar negozjant fid-dinja
- UE: 15.8%
- Stati Uniti: 13.6%
- Ċina: 13.4%
- Renju Unit: 4.2%
- Ġappun: 3.6%
- oħrajn: 49.4%
Vuċi waħda fil-kummerċ internazzjonali
L-UE trid tiżgura kummerċ ġust, miftuħ u ekwu mal-bqija tad-dinja, u hija impenjata għal sistema kummerċjali multilaterali b'saħħitha u bbażata fuq ir-regoli.
L-UE tipproteġi lill-produtturi u lin-negozji tal-Ewropa minn prattiki barranin inġusti.
L-oġġetti importati lejn l-UE mill-bqija tad-dinja huma soġġetti għal tariffi.
L-UE ssegwi l-prinċipji u r-regoli stabbiliti mill-Organizzazzjoni Dinjija tal-Kummerċ.
Permezz tal-indikazzjonijiet ġeografiċi, l-UE tippromwovi u tipproteġi l-ikel u x-xorb Ewropej madwar id-dinja.
Ftehimiet kummerċjali tal-UE
Il-ftehimiet kummerċjali tal-UE jsawru r-relazzjonijiet kummerċjali mal-pajjiżi li mhumiex fl-UE, bl-għan li jinħolqu opportunitajiet kummerċjali aħjar u jingħelbu l-ostakli għall-kummerċ.
L-UE għandha fis-seħħ aktar minn 40 ftehim ma' madwar 80 pajjiż sieħeb. Hija tinsab fil-proċess li tadotta jew tirratifika ftehimiet ma' 27 sieħeb ieħor.
L-UE ssawwar ir-relazzjonijiet kummerċjali ma' pajjiżi mhux tal-UE permezz ta' diversi tipi ta' ftehimiet kummerċjali.
In-negozjati kummerċjali huma proċess b'diversi stadji fejn għadd ta' atturi jsemmgħu leħinhom.
Relazzjonijiet kummerċjali ma' pajjiżi u reġjuni
Pajjiżi
L-aħħar spjegazzjonijiet
L-aħħar reviżjoni: 13 ta' Awwissu 2026