Kif jaħdem il-Mekkaniżmu Uniku ta' Riżoluzzjoni
Riżoluzzjoni għal banek inadempjenti
Il-Bank Ċentrali Ewropew (BĊE), wara konsultazzjoni mal-Bord Uniku ta' Riżoluzzjoni (SRB), jidentifika jekk bank ikunx inadempjenti jew x'aktarx ser ikun.
Il-każ jitressaq quddiem sessjoni eżekuttiva tal-SRB.
Tfittxija għal soluzzjoni
Is-sessjoni eżekuttiva tal-SRB tadotta deċiżjoni:
- Hija possibbli soluzzjoni mis-settur privat?
- Jekk le, riżoluzzjoni hija fl-interess pubbliku?
- Jekk riżoluzzjoni ma tkunx fl-interess pubbliku, il-bank jiġi stralċat
- Jekk riżoluzzjoni tkun fl-interess pubbliku, l-SRB jgħaddi għal skema ta' riżoluzzjoni
Meta jadotta skema ta' riżoluzzjoni, l-SRB:
- jidentifika liema għodod ta' riżoluzzjoni għandhom jintużaw
- jiddeċiedi jekk jistax jintuża l-fond uniku ta' riżoluzzjoni (SRF) u kemm jista' jintuża minnu
- iqiegħed il-bank taħt riżoluzzjoni
Approvazzjoni tal-iskema ta' riżoluzzjoni
L-istituzzjonijiet tal-UE għandhom massimu ta' 24 siegħa biex jagħtu l-kunsens tagħhom.
Għażla 1
- Il-Kummissjoni Ewropea tapprova l-iskema
- L-iskema ta' riżoluzzjoni tidħol fis-seħħ
Għażla 2
- Il-Kummissjoni toġġezzjona għal elementi diskrezzjonali tal-iskema
- L-SRB għandu tmien sigħat biex jibdel u japprova l-iskema
- L-iskema ta' riżoluzzjoni tidħol fis-seħħ
Għażla 3
- Il-Kummissjoni toġġezzjona għall-użu tal-SRF jew għad-deċiżjoni dwar l-interess pubbliku (fi żmien 12-il siegħa)
- Il-każ jiġi riferut lill-Kunsill tal-Unjoni Ewropea għal deċiżjoni
Il-Kunsill jiddeċiedi b'maġġoranza sempliċi u fi żmien 12-il siegħa li:
- jiċħad l-oġġezzjoni: l-iskema tidħol fis-seħħ
- jadotta l-oġġezzjoni għall-użu tal-SRF: l-SRB għandu tmien sigħat biex jibdel u japprova l-iskema, imbagħad l-iskema tidħol fis-seħħ
- jadotta l-oġġezzjoni għad-deċiżjoni dwar l-interess pubbliku: l-iskema ma tkunx approvata u l-bank jiġi stralċat
L-aħħar reviżjoni: 12 ta' Awwissu 2022