Mewġa ta' rinnovazzjoni: noħolqu bini ekoloġiku għall-ġejjieni
Infografika - Mewġa ta' rinnovazzjoni: noħolqu bini ekoloġiku għall-ġejjieni
Kull sena, 1% biss tal-bini fl-Ewropa ssirlu rinnovazzjoni bil-għan li tnaqqas il-konsum tal-enerġija. It-tħeġġiġ ta' rinnovazzjoni hu ċentrali għad-dekarbonizzazzjoni tas-settur tal-bini, l-irkupru tal-ekonomija u l-indirizzar tal-faqar fl-enerġija. Għaliex?
Bini u enerġija
- Il-bini jikkonsma 40% tal-enerġija tal-UE u jipproduċi 36% tal-emissjonijiet ta' gassijiet serra tal-UE marbutin mal-enerġija
- 2/3 tal-bini Ewropew mhuwiex effiċjenti fl-użu tal-enerġija - ħafna minnu hu abitat minn familji bi dħul baxx
- Bejn 85% u 95% tal-bini eżistenti fl-UE ser ikun għadu jeżisti fl-2050
Għalfejn hi importanti l-Mewġa ta' Rinnovazzjoni?
- It-tiġdid ta' bini fl-UE hu kruċjali biex nipproduċu inqas emissjonijiet u nnaqqsu l-konsum tal-enerġija
- Il-mewġa ta' rinnovazzjoni tista' tgħin fl-irkupru mill-kriżi tal-COVID-19, toħloq l-impjiegi u tagħti spinta lill-ekonomija
- Tiġdid effiċjenti fl-użu tal-enerġija jista' jnaqqas l-ispejjeż tal-enerġija għad-djar u jtejjeb il-kwalità tal-ħajja tagħhom, u b'hekk jiżgura tranżizzjoni ekoloġika ġusta
Kif ser taħdem fil-prattika?
- It-titjib tar-rendiment tal-bini fl-użu tal-enerġija: żieda fl-effiċjenza enerġetika, tnaqqis fl-użu tal-enerġija, adozzjoni ta' soluzzjonijiet rinnovabbli, dekarbonizzazzjoni tat-tisħin u t-tkessiħ
- Enfasi fuq iċ-ċirkolarità: appoġġ għall-ekodisinn u t-tikkettar tal-enerġija, bl-użu ta' prattiki ta' kostruzzjoni innovattivi u sostenibbli, il-promozzjoni tal-użu u l-użu mill-ġdid ta' materjali li jinkisbu b'mod sostenibbli u lokali
- L-għoti ta' appoġġ finanzjarju għal rinnovazzjonijiet: li jikkombinaw investiment privat u pubbliku u skemi ta' fondi tal-UE, il-promozzjoni ta' possibbiltajiet ta' finanzjament bħas-sussidji ekoloġiċi, inċentivi ta' self ekoloġiku, skemi li jobbligaw l-iffrankar tal-enerġija
- Ir-rikonoxximent tal-ħtieġa għal flessibbiltà: l-UE ser tappoġġa kull stat membru biex iżid ir-rinnovazzjoni bl-aktar mod kosteffettiv, b'rispett għall-ispeċifiċitajiet nazzjonali
L-inizjattiva Mewġa ta' Rinnovazzjoni għall-Ewropa għandha l-għan li tnaqqas l-emissjonijiet ta' gassijiet serra mill-bini b'60% sal-2030.