Klima

L-UE trid tilħaq emissjonijiet ta' gassijiet serra żero netti sal-2050, f'konformità mal-Ftehim ta' Pariġi. Il-liġi Ewropea dwar il-klima torbotna b'dan l-għan.

Ir-regoli skont il-Patt Ekoloġiku Ewropew jixprunaw it-tranżizzjoni lejn ekonomija u soċjetà newtrali għall-klima.

Idejn li jimbuttaw 'l isfel l-emissjonijiet li joħorġu miċ-ċmieni tal-fabbriki.

X'qed tagħmel l-UE dwar it-tibdil fil-klima

Patt Ekoloġiku Ewropew

Biex tilħaq l-għanijiet klimatiċi tagħha, l-UE adottat liġijiet biex tnaqqas l-emissjonijiet b'mod sostanzjali.

Lesti għall-Mira ta' 55%

Finanzjament tat-tranżizzjoni ekoloġika

30% tal-baġit tal-UE għall-2021-2027 huwa allokat għall-azzjoni klimatika.

Azzjoni klimatika globali

L-UE, flimkien mal-istati membri tagħha, hija l-akbar fornitur ta' finanzjament għall-klima fid-dinja.

Ftehim ta' Pariġi dwar it-tibdil fil-klima

Azzjoni klimatika skont is-settur

It-tnaqqis tal-emissjonijiet ta' gassijiet serra

L-UE u l-pajjiżi membri tagħha huma marbuta legalment li jnaqqsu l-emissjonijiet tal-gassijiet serra b'mill-inqas 55% sal-2030 u b'mill-inqas 90% sal-2040, meta mqabbla mal-livelli tal-1990, bħala pass intermedju biex jintlaħqu emissjonijiet żero netti sal-2050. L-aħħar data turi li l-emissjonijiet qed jonqsu fis-setturi kollha iżda għad hemm ħafna xi jsir biex naslu għal żero netti.

Il-grafika turi l-emissjonijiet netti ta' gassijiet serra tal-UE f'miljuni ta' tunnellati ta' ekwivalenti ta' CO₂ (MtCO₂e).

Verżjoni testwali

Grafika li turi l-evoluzzjoni tal-emissjonijiet ta' gassijiet serra tal-UE mill-1990 sal-2022. Il-linja turi xejra 'l isfel minn 4 712.3 miljun tunnellata ta' ekwivalenti ta' CO2 (MtCO2e) fl-1990 għal 3 248.21 miljun tunnellata fl-2022. Il-miri tal-UE għat-tnaqqis tal-emissjonijiet sal-2020 u l-2030, tnaqqis ta' -20 % u tnaqqis ta' -55 % rispettivament meta mqabbla mal-livelli tal-1990, huma mmarkati fuq il-grafika. Sors: l-Aġenzija Ewropea għall-Ambjent

L-impatti tat-tibdil fil-klima

Skont ir-rapport tal-2024 dwar l-istat tal-klima fl-Ewropa, l-aktar tliet snin sħan irreġistrati fl-Ewropa lkoll seħħew mill-2020 'l hawn, bl-2024 ikklassifikata bħala l-aktar sena sħuna.

Fl-2024 rajna xi eventi ta' temp estrem rekord, bħall-għargħar, in-nirien mhux ikkontrollati u l-maltempati, li kellhom konsegwenzi serji għan-nies u għall-ekonomija.

5 fatti dwar l-għan tal-UE għan-newtralità klimatika

Il-ġlieda kontra t-tibdil fil-klima hija essenzjali għall-futur tal-Ewropa u tad-dinja. Il-liġi Ewropea dwar il-klima ppromulgat fil-leġiżlazzjoni l-objettiv tal-UE li sal-2050 issir newtrali għall-klima. Dan l-għan konformi mal-impenn li sar mill-UE u l-istati membri tagħha meta ffirmaw il-Ftehim ta' Pariġi fl-2015.

Xi tfisser in-newtralità klimatika u l-UE kif qed tippjana li tilħaq dan l-għan?

Aqra l-artiklu tagħna dwar dan is-suġġett