"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Proposti għall-politika agrikola komuni ta' wara l-2027
Il-ministri ddiskutew ir-rakkomandazzjonijiet nazzjonali tal-PAK proposti mill-Kummissjoni. Id-diskussjonijiet iffukaw fuq il-kamp ta' applikazzjoni tar-rakkomandazzjonijiet, b'mod partikolari r-rwol tagħhom fit-tfassil tal-interventi tal-PAK, l-interazzjoni tagħhom ma' oqsma oħra ta' politika taħt il-Pjanijiet ta' Sħubija Nazzjonali u Reġjonali (PSNR), l-iskeda ta' żmien għall-adozzjoni tagħhom, u l-involviment tal-istati membri fil-proċess.
It-tħassib ewlieni li tqajjem mill-istati membri kien jinkludi l-ħtieġa għal ħruġ f'waqtu ta' rakkomandazzjonijiet biex jiġi appoġġat l-ippjanar nazzjonali, fejn ħafna appellaw għal arranġamenti tranżizzjonali xierqa. Il-ministri fakkru wkoll fil-ħtieġa li jiġi żgurat li r-rakkomandazzjonijiet ikunu bbażati fuq l-evidenza, allinjati mal-prijoritajiet nazzjonali u l-ispeċifiċitajiet lokali u bbażati fuq il-pjanijiet strateġiċi eżistenti tal-PAK.
Ir-rakkomandazzjonijiet huma maħsuba biex jiggwidaw lill-istati membri fit-tħejjija tal-PSNR tagħhom u fl-implimentazzjoni tal-objettivi relatati mal-PAK. Dawn ser iservu bħalagħodda strateġika biex jiġu identifikati l-isfidi agrikoli ewlenin, bħall-introjtu tal-azjendi agrikoli, il-kompetittività, it-tiġdid ġenerazzjonali, il-prestazzjoni klimatika, ir-reżiljenza għar-riskji, u l-għarfien u l-innovazzjoni.
Id-dibattitu kellu wkoll l-għan li jiċċara kif ir-rakkomandazzjonijiet jistgħu jsaħħu l-effettività u l-ambizzjonital-PAK futura fil-qafas tal-QFP 2028-2034.
Id-diskussjonijiet saru fil-kuntest usa' tad-determinazzjoni tad-direzzjoni futura tal-PAK, b'rakkomandazzjonijiet nazzjonali pożizzjonati bħala strumenti mhux legalment vinkolanti li joffru gwida politika filwaqt li jippermettu flessibbiltà għall-istati membri biex jadattaw l-interventi għaċ-ċirkostanzi uniċi u l-ispeċifiċitajiet nazzjonali u reġjonali tagħhom.
Il-ministri qablu li r-rakkomandazzjonijiet iridu jallinjaw mal-PSNR u l-qafas usa' tal-UE, filwaqt li jiżguraw koerenza ma' politiki oħra tal-Unjoni.
Il-laqgħa tal-lum iffokat fuq it-tisħiħ tas-sigurtà tal-ikel bħala pilastru ewlieni tat-tisħiħ tal-awtonomija strateġika tal-UE. Id-diskussjonijiet enfasizzaw l-appoġġ għas-settur agrikolu, l-iżgurar ta' protezzjoni ġusta għall-bdiewa tul il-katina tal-provvista tal-ikel, u t-tisħiħ tat-tmexxija tal-UE fil-promozzjoni tas-sigurtà globali tal-ikel.
Maria Panayiotou, Ministru għall-Agrikoltura, l-Iżvilupp Rurali u l-Ambjent tar-Repubblika ta' Ċipru
Evalwazzjoni tad-direttiva dwar prattiki kummerċjali inġusti (f'sessjoni pubblika)
Il-Kunsill iddiskuta r-rapport dwar l-evalwazzjoni tad-direttiva dwar prattiki kummerċjali inġusti ppreżentat mill-Kummissjoni.
Skont ir-rapport ta' evalwazzjoni, li ġie ppubblikat mill-Kummissjoni f'Diċembru 2025, id-direttiva (mill-2019) ikkontribwiet għal tnaqqis f'ċerti prattiki kummerċjali inġusti, b'mod partikolari l-pagamenti tard, u għal infurzar imtejjeb madwar l-Unjoni. Ipprovdiet ukoll livell minimu ta' protezzjoni għall-bdiewa u l-fornituri ż-żgħar fl-istati membri kollha, u b'hekk ikkontribwiet għal kundizzjonijiet aktar ekwi. Fl-istess ħin, l-evalwazzjoni tidentifika sfidi u oqsma importanti fejn tista' tkun meħtieġa aktar riflessjoni, bħall-infurzar inkonsistenti tad-direttiva fl-istati membri kollha, li wassal għal livelli differenti ta' protezzjoni għall-fornituri, u tħassib relatat mar-ritaljazzjoni fost il-fornituri, li jżommhom milli jressqu lmenti minkejja sforzi ta' sensibilizzazzjoni.
Id-dibattitu kellu l-għan li jipprovdi kontribut għal rieżami futur tad-direttiva dwar prattiki kummerċjali inġusti aktar tard fl-2026, bil-ħsieb li tissaħħaħ il-pożizzjoni tal-bdiewa fil-katina tal-provvista tal-ikel u tittejjeb l-implimentazzjoni effettiva tal-qafas eżistenti madwar l-UE.
Bħala parti mill-isforzi biex tkompli tissaħħaħ il-pożizzjoni tal-bdiewa fil-katina alimentari, fl-10 ta' Diċembru 2024 il-Kummissjoni pproponiet leġiżlazzjoni li fiha regoli ġodda dwar l-infurzar transfruntier tad-direttiva dwar prattiki kummerċjali inġusti. F'Novembru 2025, il-koleġiżlaturi laħqu ftehim politiku dwar il-proposta. Ir-regolament il-ġdid mistenni li jiġi ppubblikat fil-Ġurnal Uffiċjali fir-rebbiegħa tal-2026.
Waqt ikla ta' nofsinhar informali, il-ministri ddiskutew il-"prijoritajiet strateġiċi tal-UE għall-Organizzazzjoni tal-Ikel u l-Agrikoltura tan-Nazzjonijiet Uniti (FAO) għall-2026 u l-2027".
Punti oħrajn
Il-Kunsill iddiskuta diversi punti taħt "affarijiet oħra", kollha f'sessjonijiet pubbliċi.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
