"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Kompetittività (Riċerka), 27 ta' Frar 2026
Riżultati ewlenin
Fond tar-riċerka għall-faħam u l-azzar
Il-Kunsill approva l-pożizzjoni tiegħu dwar il-pakkett li jirriforma l-fond tar-riċerka għall-faħam u l-azzar, li l-għan tiegħu huwa li jsaħħaħ il-kompetittività u jappoġġa t-tranżizzjoni ekoloġika u ġusta tal-industrija tal-azzar u taż-żoni ta' estrazzjoni tal-faħam. Il-ftehim jestendi l-programm sal-2034 (minflok l-2030 kif propost) u jiżgura sa €120 miljun f'investimenti annwali. Jiċċara wkoll l-objettivi tal-programm għal proġetti ta' riċerka u innovazzjoni.
L-approvazzjoni tal-fond tar-riċerka għall-faħam u l-azzar tfisser l-ewwel approċċ ġenerali taħt il-Presidenza Ċiprijotta; sinjal ċar tal-impenn tagħna għal riżultati tanġibbli u orjentati lejn l-impatt. Dan huwa strument ewlieni biex jissaħħu l-kompetittività u s-sostenibbiltà ta' dawn is-setturi kritiċi, essenzjali għar-reżiljenza, is-saħħa ekonomika u l-awtonomija strateġika tal-Ewropa. Ir-regoli l-ġodda ser jissimplifikaw l-aċċess, jestendu d-durata tal-fond u jsaħħu l-appoġġ għall-SMEs, filwaqt li jaċċelleraw it-tranżizzjoni lejn industriji Ewropej aktar nodfa, aktar innovattivi u kompetittivi globalment.
Nicodemos Damianou, Viċi Ministru għar-Riċerka, l-Innovazzjoni u l-Politika Diġitali tar-Repubblika ta' Ċipru
Din ir-riżorsa bħalissa hi disponibbli biss bil-lingwa jew il-lingwi li ġejjin:
Pakkett Orizzont Ewropa: programm qafas għar-riċerka u l-innovazzjoni 2028–2034
Il-ministri kellhom dibattitu ta' orjentazzjoni dwar il-pakkett Orizzont Ewropa għall-baġit li jmiss tal-UE, b'enfasi fuq ir-regoli għall-parteċipazzjoni u d-disseminazzjoni, u l-programm speċifiku li jimplimenta Orizzont Ewropa.
Il-ministri kellhom diskussjoni dwar il-kwistjonijiet pendenti kritiċi tal-pakkett leġiżlattiv Orizzont Ewropa, bil-ħsieb li jintlaħaq approċċ ġenerali parzjali (PGA) fil-laqgħa li jmiss tal-Kunsill għar-riċerka fid-29 ta' Mejju 2026. Il-ministri ddiskutew kwistjonijiet kritiċi, inkluż l-interkonnessjonijiet mal-fond Ewropew għall-kompetittività (FEK), is-sħubijiet Ewropej, il-finanzjament għall-infrastrutturi tar-riċerka u t-teknoloġija, u kwistjonijiet relatati mas-sigurtà tar-riċerka, ir-riċerka b'użu doppju u fil-qasam tad-difiża biss.
Kooperazzjoni internazzjonali dwar ir-R&Ż fil-kuntest ġeopolitiku attwali
Il-ministri kellhom dibattitu ta' orjentazzjoni dwar il-promozzjoni tal-eċċellenza u l-kooperazzjoni internazzjonali fil-qasam tar-R&Ż fil-kuntest ġeopolitiku attwali. Il-ministri skambjaw il-fehmiet tagħhom dwar suġġetti bħat-tagħlimiet meħuda mill-ftehimiet attwali dwar l-assoċjazzjoni ta' pajjiżi terzi mal-programm tar-R&Ż, u kif il-kooperazzjoni internazzjonali fil-qasam tar-R&Ż tista' ssib bilanċ bejn il-ftuħ u l-ħtieġa li jiġu protetti l-interessi u l-valuri tal-UE, immexxija mill-prinċipju "kemm jista' jkun miftuħ, magħluq kemm meħtieġ".
Affarijiet oħra
Id-delegazzjonijiet ta' Spanja, l-Awstrija, il-Kroazja, Franza, l-Ungerija, l-Italja, il-Litwanja, il-Polonja, il-Portugall u s-Slovenja taw preżentazzjoni dwar kif jiġu żgurati mekkaniżmu għall-istabbiliment tal-prijoritajiet u proċess tat-teħid ta' deċiżjonijiet effettivi fil-qasam tar-R&Ż.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
