Kunsill Affarijiet Barranin

Kunsill Affarijiet Barranin, 03/04/2017, 3 ta' April 2017

Riżultati ewlenin

Sirja

Il-ministri għall-affarijiet barranin iddiskutew is-sitwazzjoni fis-Sirja, qabel il-Konferenza ta’ Brussell dwar l-Appoġġ għall-futur tas-Sirja u r-reġjun fl-4 u l-5 ta' April 2017. Il-Kunsill adotta l-istrateġija tal-UE għas-Sirja.

"Huwa essenzjali li tinżamm l-attenzjoni tal-komunità internazzjonali fuq is-sitwazzjoni fis-Sirja, hekk kif ser nidħlu fis-seba’ sena tal-kunflitt. Dan jirrikjedi mhux biss appoġġ umanitarju iżda wkoll impenn biex tiġi ffaċilitata soluzzjoni politika għall-kunflitt, inkluż transizzjoni politika ġenwina, sinifikanti u inklużiva. "
Federica Mogherini, Rappreżentant Għoli għall-Affarijiet Barranin u l-Politika ta' Sigurtà

Jemen

Hekk kif il-kunflitt fil-Jemen dieħel fit-tielet sena tiegħu, il-ministri indirizzaw is-sitwazzjoni politika u umanitarja fil-pajjiż, li qed tkompli tmur lura. 17-il miljun Jemenit jiddependi fuq l-għajnuna esterna għall-għajxien tiegħu, u 7.3 miljuni huma f'riskju serju ta' ġuħ. Il-Kunsill adotta konklużjonijiet.

"L-UE qatt mhi ser tippermetti li din issir kriżi minsija."
Federica Mogherini, Rappreżentant Għoli għall-Affarijiet Barranin u l-Politika ta' Sigurtà

Il-Kunsill iddikjara li jinsab lest li jżid l-isforzi tiegħu biex jappoġġa lin-Nazzjonijiet Uniti fit-tfittxija tagħha għal riżoluzzjoni politika għall-kriżi, u biex iżid l-għajnuna umanitarja lill-popolazzjoni fil-pajjiż biex jintlaħqu l-ħtiġijiet dejjem akbar.

Libja

Il-Kunsill iddiskuta s-sitwazzjoni fil-Libja. Ir-Rappreżentant Għoli infurmat lill-Ministri dwar l-ewwel laqgħa tal-Kwartett dwar il-Libja fit-18 ta’ Marzu 2017, li fihom hija pparteċipat f’isem l-UE, flimkien man-Nazzjonijiet Uniti, l-Unjoni Afrikana u l-Lega tal-Istati Għarab bl-għan li tinstab soluzzjoni għall-kriżi fil-Libja. Matul id-diskussjoni, il-ministri enfasizzaw l-impenn tal-UE li tappoġġa lil-Libjani jsibu l-unità u l-istabbiltà għal pajjiżhom fil-qafas tal-Ftehim Politiku Libjan.

Dokumenti tal-laqgħat

Dokumenti ta' tħejjija

Dokumenti ta' eżitu

Stqarrijiet għall-istampa

Tagħrif għall-istampa

Kuntatti għall-istampa

Maria Daniela Lenzu Press officer
+32 470 88 04 02
+32 2 281 21 46
@daniela_lenzu

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.