"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministru kellhom skambju ta' fehmiet dwar l-abbozz ta' aġenda annotata tal-laqgħa tal-Kunsill Ewropew tal-24 u l-25 ta' Marzu 2022.
Il-mexxejja tal-UE ser jevalwaw is-sitwazzjoni epidemjoloġika u tat-tilqim u ser iwettqu sforzi ta' koordinazzjoni b'rispons għall-pandemija tal-COVID-19. Ser jerġgħu jirreferu wkoll għall-kooperazzjoni internazzjonali dwar il-governanza tas-saħħa globali u s-solidarjetà.
Il-Kunsill Ewropew ser ikollu dibattitu strateġiku dwar is-sigurtà u d-difiża. Ser jiġi mistieden japprova l-Boxxla Strateġika.
Il-Kunsill Ewropew ser jindirizza prijoritajiet għas-Semestru Ewropew 2022 u ser jiġi mistieden japprova r-Rakkomandazzjoni dwar il-politika ekonomika taż-żona tal-euro.
Fil-kuntest tal-ġrajjiet kurrenti, il-Kunsill Ewropew jista' jindirizza kwistjonijiet ta' politika barranija.
Stat tad-dritt fil-Polonja
Il-Kunsill kellu seduta ta' smigħ dwar l-istat tad-dritt fil-Polonja skont il-proċedura tal-Artikolu 7(1) TUE.
Is-suġġetti diskussi waqt is-seduta kienu inkwadrati fil-proposta motivata tal-Kummissjoni, li tat bidu għal din il-proċedura fl-2017, u li tiffoka fuq l-indipendenza tal-ġudikatura.
L-għan tas-seduti ta' smigħ huwa li jipprovdu lill-Kunsill bi stampa aġġornata tas-sitwazzjoni u li jgħinu fl-integrazzjoni tal-iżviluppi mill-aħħar seduta ta' smigħ fit-22 ta' Ġunju 2021.
Il-proposta motivata ġiet ippreżentata mill-Kummissjoni fl-20 ta' Diċembru 2017 biex tiddetermina li hemm riskju ċar ta' ksur serju tal-istat tad-dritt mill-Polonja u biex tagħmel rakkomandazzjonijiet biex il-Polonja tallinja r-riformi ġudizzjarji tagħha mal-prinċipji tal-istat tad-dritt.
Il-presidenza infurmat lill-Kunsill dwar il-Konferenza dwar il-Futur tal-Ewropa u l-passi li jmiss sad-9 ta' Mejju.
Il-konferenza waslet biex tidħol f'fażi konkreta ħafna, b'mod partikolari wara s-sessjoni plenarja tal-11 u t-12 ta' Marzu, fejn ser jiġu diskussi r-rakkomandazzjonijiet tal-panels taċ-ċittadini l-aktar reċenti.
Aktar diskussjonijiet, inkluż dwar is-segwitu għall-konferenza, huma previsti wkoll fil-laqgħa informali f'Arles fit-3 u l-4 ta' Marzu li ġej.
Bil-ħsieb li tiġi ffinalizzata l-ħidma tal-Konferenza dwar il-Futur tal-Ewropa fid-9 ta' Mejju, il-Presidenza ser tkompli tiżgura koordinazzjoni mill-qrib tal-Kunsill, b'rispett sħiħ tal-arranġamenti ta' governanza stabbiliti mill-istituzzjonijiet Ewropej. Hija ser tagħti attenzjoni partikolari għas-segwitu tar-rakkomandazzjonijiet magħmula miċ-ċittadini, inkluż permezz ta' eżerċizzji ta' konsultazzjoni nazzjonali.
Clément Beaune, Segretarju tal-Istat Franċiż responsabbli għall-Affarijiet Ewropej
It-tħejjija, il-kapaċità ta' rispons u r-reżiljenza għal kriżijiet futuri
Il-ministri kellhom dibattitu ta' orjentazzjoni dwar it-tisħiħ tat-tħejjija, il-kapaċità ta' rispons u r-reżiljenza għal kriżijiet eventwali. L-għan kien li tingħata d-direzzjoni politika meħtieġa għall-ħidma fil-livell tekniku madwar tliet kwistjonijiet ewlenin: it-tħejjija, il-kapaċità ta' rispons u r-reżiljenza għal kriżijiet eventwali.
Il-Kummissjoni infurmat lill-ministri dwar l-aħħar żviluppi rigward ir-relazzjonijiet bejn l-UE u r-Renju Unit u d-delegazzjoni Slovakka kkomunikat proposti dwar il-protezzjoni tal-ġurnalisti fl-UE.
Il-Kunsill adotta wkoll mingħajr diskussjoni l-punti li jidhru fil-lista ta' punti A mhux leġiżlattivi.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Bil-ħsieb li tiġi ffinalizzata l-ħidma tal-Konferenza dwar il-Futur tal-Ewropa fid-9 ta' Mejju, il-Presidenza ser tkompli tiżgura koordinazzjoni mill-qrib tal-Kunsill, b'rispett sħiħ tal-arranġamenti ta' governanza stabbiliti mill-istituzzjonijiet Ewropej. Hija ser tagħti attenzjoni partikolari għas-segwitu tar-rakkomandazzjonijiet magħmula miċ-ċittadini, inkluż permezz ta' eżerċizzji ta' konsultazzjoni nazzjonali.
