Għażla tas-sede taċ-ċentru ta' kompetenza tal-UE fil-qasam taċ-ċibersigurtà

Għaliex ċentru ta' kompetenza tal-UE fil-qasam taċ-ċibersigurtà?

L-UE stabbiliet iċ-Ċentru Ewropew ta' Kompetenza Industrijali, Teknoloġika u tar-Riċerka fil-qasam taċ-Ċibersigurtà biex tkompli ttejjeb ir-reżiljenza ċibernetika, tappoġġa r-riċerka fiċ-ċibersigurtà u żżid l-isforzi ta' żvilupp teknoloġiku madwar l-UE.

Iċ-ċentru l-ġdid ser:

• jiffaċilita l-ħidma tan-network ta' ċentri nazzjonali ta' koordinazzjoni
• jagħti appoġġ finanzjarju relatat maċ-ċibersigurtà mill-programmi Orizzont Ewropa u Ewropa Diġitali

Iċ-ċentru għandu l-għan li:

• jikkontribwixxi għall-użu tal-aħħar teknoloġija taċ-ċibersigurtà
• jappoġġa n-negozji l-ġodda taċ-ċibersigurtà u l-SMEs
• isaħħaħ ir-riċerka u l-innovazzjoni fil-qasam taċ-ċibersigurtà
• jikkontribwixxi biex titneħħa d-diskrepanza fil-ħiliet fil-qasam taċ-ċibersigurtà

Il-Kunsill adotta r-regolament li jistabbilixxi ċ-ċentru u n-network f'April 2021.

• Ċentru ta' Kompetenza ġdid u network ġdid fil-qasam taċ-Ċibersigurtà: qbil informali mal-Parlament Ewropew (stqarrija għall-istampa, 11 ta' Diċembru 2020)

Il-proċedura għall-għażla tas-sede taċ-Ċentru Ewropew ta' Kompetenza Industrijali, Teknoloġika u tar-Riċerka fil-qasam taċ-Ċibersigurtà (ECCC) tnediet fit-28 ta' Ottubru 2020. Id-deċiżjoni kienet teħtieġ il-qbil komuni tal-istati membri.

L-istati membri vvutaw dwar is-sede tal-ECCC fid-9 ta' Diċembru 2020, fil-marġini tal-Kumitat tar-rappreżentanti permanenti tal-gvernijiet tal-istati membri għall-Unjoni Ewropea (Coreper). Il-post magħżul taċ-ċentru huwa Bucharest, ir-Rumanija.

• L-applikazzjoni tar-Rumanija għall-ECCC
• Dokument addizzjonali li jakkumpanja l-applikazzjoni tar-Rumanija

• Iċ-Ċentru Ewropew il-ġdid ta' Kompetenza fil-qasam taċ-Ċibersigurtà li ser ikun jinsab f'Bucharest, (stqarrija għall-istampa, 10 ta' Diċembru 2020)

Applikazzjonijiet biex jiġi ospitat iċ-ċentru l-ġdid

Dawn huma l-pajjiżi l-oħra li offrew li jospitaw is-sede taċ-Ċentru Ewropew ta' Kompetenza Industrijali, Teknoloġika u tar-Riċerka fil-qasam taċ-Ċibersigurtà:

Belġju (Brussell)

• L-applikazzjoni tal-Belġju għall-ECCC
• Ittra mill-ambaxxatur Belġjan
• Dokument addizzjonali li jakkumpanja l-applikazzjoni tal-Belġju: fuljett
• Anness addizzjonali għall-applikazzjoni tal-Belġju: servizzi tas-sigurtà

Ġermanja (Munich)

• L-applikazzjoni tal-Ġermanja għall-ECCC
• Dokument addizzjonali li jakkumpanja l-applikazzjoni tal-Ġermanja (Ingliż)
• Dokument addizzjonali li jakkumpanja l-applikazzjoni tal-Ġermanja (Ġermaniż)

Litwanja (Vilnius)

• L-applikazzjoni tal-Litwanja għall-ECCC
• Ittra mill-ambaxxatur Litwan
• Dokument addizzjonali li jakkumpanja l-applikazzjoni tal-Litwanja: fuljett (Ingliż)
• Dokument addizzjonali li jakkumpanja l-applikazzjoni tal-Litwanja: fuljett (Franċiż)
• Dokument addizzjonali li jakkumpanja l-applikazzjoni tal-Litwanja: informazzjoni dwar il-post
• Dokument addizzjonali li jakkumpanja l-applikazzjoni tal-Litwanja: skejjel u sigurtà soċjali

Lussemburgu

• L-applikazzjoni tal-Lussemburgu għall-ECCC
• Dokument addizzjonali li jakkumpanja l-applikazzjoni tal-Lussemburgu
• Dokument addizzjonali li jakkumpanja l-applikazzjoni tal-Lussemburgu: fuljett

Polonja (Varsavja)

• L-applikazzjoni tal-Polonja għall-ECCC
• Ittra mis-Segretarju tal-Istat Pollakk
• Dokument addizzjonali li jakkumpanja l-applikazzjoni tal-Polonja: awtentikazzjoni

Spanja (Leon)

• L-applikazzjoni ta' Spanja għall-ECCC
• Dokument addizzjonali li jakkumpanja l-applikazzjoni ta' Spanja: fuljett
• Dokument addizzjonali li jakkumpanja l-applikazzjoni ta' Spanja: infografika
• Dokument addizzjonali li jakkumpanja l-applikazzjoni ta' Spanja: bookmark

Il-passi tal-proċedura biex tintgħażel is-sede l-ġdida

Il-proċedura kienet tikkonsisti minn:

• l-applikazzjonijiet mill-istati membri biex jospitaw iċ-Ċentru Ewropew ta' Kompetenza Industrijali, Teknoloġika u tar-Riċerka fil-qasam taċ-Ċibersigurtà, li għandhom jiġu ppreżentati sas-6 ta' Novembru 2020
• il-pubblikazzjoni tal-applikazzjonijiet fuq is-sit web tal-Kunsill fil-11 ta' Novembru 2020
• il-valutazzjoni tal-applikazzjonijiet mill-Kummissjoni Ewropea sat-2 ta' Diċembru 2020 abbażi tal-kriterji maqbula
• diskussjoni politika abbażi tal-valutazzjoni tal-Kummissjoni u deċiżjoni permezz ta' vot mir-rappreżentanti tal-istati membri kollha fil-marġni tal-laqgħa tal-Coreper I fid-9 ta' Diċembru 2020

Kriterji għall-valutazzjoni

Fit-28 ta' Ottubru 2020, ir-rappreżentanti tal-gvernijiet tal-istati membri qablu dwar il-kriterji li ġejjin:

1. id-data li fiha ċ-ċentru jista' jibda jopera
2. l-aċċessibbiltà tal-post
3. il-preżenza ta' faċilitajiet edukattivi għat-tfal tal-persunal taċ-ċentru
4. l-aċċess għas-suq tax-xogħol, is-sigurtà soċjali u l-kura tas-saħħa għall-konjuġi u t-tfal tal-impjegati
5. il-konnettività, is-sigurtà u l-interoperabbiltà mal-faċilitajiet tal-IT għall-ġestjoni tal-finanzjament tal-UE
6. l-eżistenza ta' ekosistema ta' ċibersigurtà
7. il-bilanċ ġeografiku

• Proċedura għall-għażla tas-sede taċ-Ċentru Ewropew ta' Kompetenza Industrijali, Teknoloġika u tar-Riċerka fil-qasam taċ-Ċibersigurtà

Fit-2 ta' Diċembru 2020, il-Kummissjoni ħarġet il-valutazzjoni ġenerali tagħha tal-applikazzjonijiet kollha li waslu sal-iskadenza.

• Nota ta' valutazzjoni tal-Kummissjoni Ewropea
• Valutazzjoni tal-applikazzjoni tal-Belġju
• Valutazzjoni tal-applikazzjoni tal-Ġermanja
• Valutazzjoni tal-applikazzjoni tal-Litwanja
• Valutazzjoni tal-applikazzjoni tal-Lussemburgu
• Valutazzjoni tal-applikazzjoni b'rettifika tal-Polonja
• Valutazzjoni tal-applikazzjoni tar-Rumanija
• Valutazzjoni tal-applikazzjoni ta' Spanja

Diskussjoni politika u votazzjoni

Ir-rappreżentanti tal-gvernijiet tal-istati membri jkollhom diskussjoni politika fil-marġini tal-Coreper I dwar l-għażla tas-sede taċ-ċentru l-ġdid, abbażi tal-valutazzjoni tal-Kummissjoni.

Ir-rappreżentanti vvutaw biex jistabbilixxu s-sede tal-ECCC f'Bucharest, ir-Rumanija, fid-9 ta' Diċembru 2020.