Servizzi finanzjarji: il-Kunsill japprova programm li jinvolvi l-konsumaturi fit-tfassil tal-politika

Fl-11 ta’ Mejju 2017, il-Kunsill approva programm li jippromwovi l-involviment tal-konsumaturi fit-tfassil tal-politika għas-servizzi finanzjarji.

Il-programm il-ġdid jimxi fuq il-passi maħsuba biex terġa' tidħol il-fiduċja fis-settur finanzjarju wara l-kriżi finanzjarja.

Ir-regolament ġie adottat f’laqgħa tal-Kunsill Agrikoltura u Sajd, mingħajr diskussjoni.

Il-Parlament Ewropew ta l-approvazzjoni tiegħu għal dan il-programm, li għandu baġit ta’ €6 miljun biex ikopri l-perjodu 2017-20, fis-27 ta’ April 2017. Dan isegwi ftehim ma' rappreżentanti tal-Parlament li ntlaħaq fl-14 ta’ Frar 2017.

• Regolament dwar il-programm 2017-20 li jinvolvi lill-konsumaturi fit-tfassil tal-politika fis-servizzi finanzjarji
• Stqarrija għall-istampa rigward ftehim tal-2017 dwar programm li jinvolvi l-konsumaturi fit-tfassil tal-politika fis-servizzi finanzjarji