Ejja żurna

Żur il-Kunsill mal-iskola tiegħek

Idħol fil-Kunsill u skopri kif jaħdmu il-Kunsill u l-Kunsill Ewropew fejn il-mexxejja tal-UE jiltaqgħu u jsawru l-ġejjieni tal-Ewropa.

L-esperti tagħna li jaħdmu fil-Kunsill għandhom pjaċir jaqsmu miegħek l-għarfien u l-esperjenzi tagħhom ta' xi jfisser xogħol f'dar l-istati membri tal-UE.

Żjara fil-Kunsill tippermetti lill-istudenti:

• iwessgħu u jikkonsolidaw l-għarfien tagħhom dwar ir-rwol tal-Kunsill Ewropew u tal-Kunsill
• isiru jafu x'qed jiġri wara l-kwinti fil-Kunsill Ewropew u fil-Kunsill
• jiddiskutu mal-esperti tagħna s-suġġetti relatati mal-politika li tinteressahom u kif jaħdmu ż-żewġ istituzzjonijiet

Dawra virtwali: esplora l-Kunsill

Jekk ma tistax tiltaqa' magħna fiżikament, tista' tipprova ż-żjara virtwali. Esplora l-Kunsill mill-angoli kollha u agħti titwila fi swali li rari jkunu aċċessibbli għall-viżitaturi. Gawdi din l-opportunità esklużiva biex tara s-sala fejn isiru l-laqgħat tal-mexxejja tal-UE.

Daħħal l-UE fil-klassi tiegħek

Is-sessjonijiet ta’ informazzjoni tagħna joffru lill-istudenti l-opportunità li jiltaqgħu (virtwalment jew fiżikament) ma’ uffiċjali tal-UE fil-klassi tagħhom stess. Il-membri tal-persunal li jżuruk jaqsmu l-għarfien tagħhom minn ġewwa dwar kif taħdem l-UE kif ukoll l-esperjenza personali tagħhom.

B’dawn il-programmi, noffru liż-żgħażagħ mod differenti kif jitgħallmu dwar l-UE, il-politiki tagħha u l-aħħar żviluppi tagħha.