An trádáil idir an tAontas agus na Stáit Aontaithe: fíricí agus figiúirí

Is ag an Aontas agus ag na Stáit Aontaithe atá an caidreamh déthaobhach trádála agus infheistíochta is mó ar domhan agus is acu freisin atá an caidreamh eacnamaíoch is comhtháite.

Eatarthu, is ionann sin agus beagnach 30% den trádáil dhomhanda earraí agus seirbhísí agus 43% de OTI an domhain.

In 2025, bhí luach os cionn €1.77 trilliún ar an trádáil thrasatlantach in earraí agus i seirbhísí (sonraí sealadacha). Is é an tAontas an príomh-chomhpháirtí trádála in earraí atá ag na Stáit Aontaithe, agus is iad na Stáit Aontaithe an príomh-chomhpháirtí trádála in earraí atá ag an Aontas.

Léarscáileanna agus bratacha na Stát Aontaithe agus an Aontais. Nascann dhá shaighead na heilimintí sin le chéile.

Trádáil earraí (2025)

In 2025, ba é €910 billiún luach na trádála in earraí idir an tAontas agus na Stáit Aontaithe. Tá méadú faoi dhó nach mór tagtha air sin le 10 mbliana anuas.

Allmhairí an Aontais dar luach €356.2 billiún ó na Stáit Aontaithe

Barrachairt ina léirítear sciar na n-allmhairí agus na n-onnmhairí earraí.

Onnmhairí an Aontais dar luach €554.6 billiún chuig na Stáit Aontaithe

Is iad na Stáit Aontaithe príomh-chomhpháirtí trádála an Aontais

Is iad na Stáit Aontaithe an comhpháirtí trádála is mó atá ag an Aontas d’onnmhairí an Aontais agus is iad an dara comhpháirtí is mó d’allmhairí an Aontais (is í an tSín an príomh-chomhpháirtí trádála d'allmhairí).

Leagan téacs

Téann 21% d’onnmhairí earraí an Aontais chuig na Stáit Aontaithe, agus na tíortha seo a leanas sna sála air: an Ríocht Aontaithe (13.1%), an Eilvéis (8.3%), an tSín (7.5%) agus an Tuirc (4.3%).

Is ón tSín a thagann 22% de na hearraí a allmhairítear isteach san Aontas, na Stáit Aontaithe sa dara háit (14.2%), agus an Ríocht Aontaithe (6.3%), an Eilvéis (5.7%) agus an Tuirc (4.1%) sna sála orthu.

I gcás allmhairí agus onnmhairí araon, b’ionann na cúig chatagóir táirgí is mó trádáil agus beagnach leath den trádáil uile a rinneadh leis na Stáit Aontaithe.

Na hearraí is mó a onnmhairíonn an tAontas chuig na Stáit Aontaithe

Táirgí íocshláinte agus cógaisíochta

Feithiclí bóthair

Innealra agus trealamh tionsclaíoch ginearálta

Na hearraí is mó a allmhairíonn an tAontas ó na Stáit Aontaithe

Táirgí peitriliam agus ábhair ghaolmhara

Táirgí íocshláinte agus cógaisíochta

Innealra agus trealamh giniúna cumhachta

Trádáil seirbhísí (2025)

In 2025, de réir sonraí sealadacha, b’fhiú thart ar €865 bhilliún an trádáil iomlán i seirbhísí idir an tAontas agus na Stáit Aontaithe.

Allmhairí an Aontais dar luach €521.8 billiún ó na Stáit Aontaithe

Barrachairt ina léirítear sciar na n-allmhairí agus na n-onnmhairí seirbhísí.

Onnmhairí an Aontais dar luach €343.4 billiún chuig na Stáit Aontaithe

Na seirbhísí is mó a onnmhairíonn an tAontas chuig na Stáit Aontaithe

Seirbhísí gairmiúla, eolaíocha agus teicniúla

Seirbhísí teileachumarsáide, ríomhaireachta agus faisnéise

Iompar

Na seirbhísí is mó a allmhairíonn an tAontas ó na Stáit Aontaithe

Muirir as maoin intleachtúil a úsáid

Seirbhísí gairmiúla, eolaíocha agus teicniúla

Seirbhísí teileachumarsáide, ríomhaireachta agus faisnéise

Barrachas trádála

Bhí barrachas trádála dar luach thart ar €20 billiún ag an Aontas leis na Stáit Aontaithe in 2025, agus earraí agus seirbhísí araon á gcur san áireamh. Ní raibh i gceist leis sin ach thart ar 1% den trádáil iomlán idir an tAontas agus na Stáit Aontaithe.

Maidir le trádáil in earraí, bhí barrachas trádála dar luach €198 mbilliún ag an Aontas, agus maidir le trádáil i seirbhísí, bhí easnamh dar luach breis agus €178 mbilliún ar an Aontas.

Sa mhéid sin, comhlánaíonn geilleagair an Aontais agus na Stát Aontaithe a chéile go han-mhaith.

Ráiteas comhpháirteach ón Aontas Eorpach agus ó na Stáit Aontaithe

Sa ráiteas comhpháirteach ón Aontas agus ó na Stáit Aontaithe, ar thángthas ar chomhaontú ina leith an 21 Lúnasa 2025, leagtar amach an creat chun taraifí a laghdú agus chun an caidreamh trádála trasatlantach a neartú.

I mí an Mheithimh 2026, glacadh go foirmiúil dhá rialachán lena gcuirtear chun feidhme na gealltanais taraife a leagtar amach sa Ráiteas Comhpháirteach:

an príomhrialachán lena gcuirtear deireadh leis na dleachtanna custaim atá ann i gcónaí ar earraí tionsclaíocha de chuid na Stát Aontaithe agus lena dtugtar rochtain fhabhrach ar an margadh do bhia mara áirithe de chuid na Stát Aontaithe agus do tháirgí talmhaíochta neamhíogaire áirithe
an dara rialachán lena gcuirtear síneadh le fionraí na ndleachtanna ar allmhairí gliomach, lena n-áirítear gliomaigh phróiseáilte, ó gach tír ar bhonn na náisiún barrfhabhair

Áirítear sna rialacháin sásraí treisithe coimirce agus fionraíochta chun leasanna eacnamaíocha an Aontais a chosaint. Scoirfidh an príomhrialachán d’fheidhm a bheith aige ag deireadh 2029, agus rachaidh an rialachán maidir le gliomaigh in éag an 31 Iúil 2030 mura ndéanfar tuilleadh gníomhaíochta.

Foinsí na sonraí

Ba i mí Bealtaine 2026 a baineadh na sonraí a úsáideadh ar an leathanach seo agus fuarthas iad ó na tacair sonraí Eurostat seo a leanas:

Féach freisin

Blúire páipéir agus peann, beirt ag croitheadh láimhe agus cruthanna teibí le dathanna agus réaltaí bhratacha an Aontais agus na Stát Aontaithe.

Caidreamh an Aontais leis na Stáit Aontaithe

Míniú ar tharaifí an Aontais

Reachtaíocht trádála an Aontais