Físchomhdháil na n-airí talmhaíochta agus iascaigh, 13 Bealtaine 2020

Na príomhthorthaí

Talmhaíocht

Bhí malartú tuairimí ag na hairí maidir le héifeachtacht bhearta an Aontais a rinneadh go dtí seo chun aghaidh a thabhairt ar thionchar ráig COVID-19 ar an talmhaíocht.

Bhreathnaigh na hairí ar an staid mar atá agus rinne siad measúnú ar na gníomhaíochtaí éagsúla a rinne an Coimisiún Eorpach chun a chinntiú, go háirithe, gluaiseacht oibrithe séasúracha, bunú ‘lánaí glasa’, agus an deis atá ann do na Ballstáit réamhíocaíochtaí níos airde, státchabhair bhreise agus cabhair le haghaidh stóráil phríobháideach a chur ar fáil. Ba dhíol sásaimh do na hairí na céimeanna sin agus leagadh béim ar an ngá atá le bearta breise. Shainaithin siad réimsí breise a bhfuil tacaíocht de dhíth orthu, mar atá earnálacha na déiríochta, na laofheola, na mairteola, na héineola agus an fhíona, agus d’iarr siad go ndéanfaí raon feidhme scéimeanna cabhrach le haghaidh an stóráil phríobháideach a leathnú. D’iarr roinnt mhaith airí freisin go mbeadh buiséad láidir ann don chomhbheartas talmhaíochta tar éis 2020.

Pléadh freisin na tograí reachtacha reatha, go háirithe togra chun Rialachán 1305/2013 a leasú d'fhonn leachtacht a chur ar fáil chun leanúnachas gníomhaíochtaí feirmeoireachta agus gnólachtaí beaga a bhfuil baint acu le táirgí talmhaíochta a phróiseáil, a mhargú agus/nó a fhorbairt a chinntiú.

• Togra le haghaidh Rialachán lena leasaítear Rialachán (AE) Uimh. 1305/2013

Iascach

Bhreathnaigh na hairí ar an méid a bhfuil ag tarlú maidir le géarchéim COVID-19 in earnálacha an iascaigh agus an dobharshaothraithe ó bhí an cruinniú neamhfhoirmiúil deireanach acu. Thug siad eolas freisin maidir le cur chun feidhme na gclár reatha um an gCiste Eorpach Muirí agus Iascaigh (CEMI) agus rinne siad tagairt don rialachán nuaghlactha lena leasaítear Rialachán CEMI agus don Rialachán maidir le Comheagrú na Margaí.

• Rialachán (AE) 2020/560

Ag deireadh an chruinnithe, d’eisigh Uachtaránacht na Cróite preaseisiúint.

• Torthaí fhíschomhdháil na n-airí talmhaíochta agus iascaigh (suíomh gréasáin Uachtaránacht na Cróite, 13 Bealtaine 2020)

• Ráig COVID-19 agus freagairt an Aontais (eolas cúlra)