"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Físchomhdháil na n-airí talmhaíochta, 8 Meitheamh 2020
Na príomhthorthaí
Talmhaíocht
Bhí malartú tuairimí ag airí talmhaíochta an Aontais maidir leis an straitéis "ón bhfeirm go dtí an forc" agus maidir leis an straitéis bithéagsúlachta, ar ghlac an Coimisiún Eorpach iad le déanaí. Is é is aidhm don dá straitéis eiseamláir dhomhanda don inbhuanaitheacht a dhéanamh de chórais bhia an Aontais agus gníomhú ar bhealach práinneach d'fhonn bithéagsúlacht na hEorpa a chosaint agus a athbhunú.
Beidh ról ríthábhachtach ag an straitéis "Ón bhfeirm go dtí an Forc" agus ag straitéis na Bithéagsúlachta i gcur chun feidhme an Chomhaontaithe Ghlais don Eoraip agus an Phlean Téarnaimh don Eoraip. Ní mór dúinn measúnú a dhéanamh ar an méid a d’fhéadfadh na hearnálacha talmhaíochta, iascaigh agus foraoiseachta a dhéanamh chun na spriocanna a leagtar amach sa dá straitéis a bhaint amach. Mar sin féin, ní mór dúinn aird ar leith a thabhairt ar an tionchar a d’fhéadfadh a bheith ann freisin do na hearnálacha sin. Aistriú cothrom, dálaí intuartha agus acmhainní airgeadais leordhóthanacha atá dlite d'fheirmeoirí, d'iascairí agus do tháirgeoirí dobharshaothraithe.
Marija Vučković, Aire Talmhaíochta na Cróite
Go sonrach, bhí malartú tuairimí ag na hairí maidir leis na príomhdhúshláin agus na príomhdheiseanna a bhaineann le spriocanna na straitéisí a bhaint amach. Anuas air sin, phléigh siad na bearta breise atá molta ag an gCoimisiún chun cur chun feidhme an chomhbheartais talmhaíochta a bheidh ann amach anseo a dhéanamh níos éifeachtúla d’fhonn uaillmhian an Chomhaontaithe Ghlais a bhaint amach. Ar deireadh, chuir na hairí a dtuairimí in iúl maidir le cé acu an leor nó nach leor an dearadh atá ar an togra nua do bhuiséad an Aontais don tréimhse 2021-2027, lena n-áirítear Ionstraim Théarnaimh nua an Aontais Eorpaigh (ar a dtugtar "an chéad Ghlúin Eile AE"), chun uaillmhian an dá straitéis, Feirm go Forc agus an Bhithéagsúlacht, a chomhlíonadh.
Ba dhíol sásaimh do na hairí an dá straitéis agus an uaillmhian ról na bhfeirmeoirí sa slabhra soláthair a neartú. Chuir siad i bhfios go láidir nár mhór don bhuiséad a ghabhann leis an dá straitéis, Feirm go dtí an Forc agus an Bhithéagsúlacht, a bheith ar aon dul le spriocanna uaillmhianacha na straitéisí. Chuir roinnt mhaith toscaireachtaí a n-imní in iúl go bhféadfadh sé tarlú go gcuirfí inmharthanacht airgeadais fheirmeoirí an Aontais i mbaol i ngeall ar chistí neamh-leormhaithe agus chuir siad i dtreis nach raibh na leithdháiltí buiséid atá beartaithe do CBT i gcomhréir le spriocanna na straitéisí.
Chuir na hairí in iúl gur údar imní dóibh go bhféadfaí iomaíochas fheirmeoirí an Aontais sa mhargadh domhanda a laghdú i ngeall ar na hiarrachtaí a rinneadh chun na spriocanna atá ceaptha chun teorainn a chur le húsáid lotnaidicídí agus antaibheathach a bhaint amach. Ina theannta sin, d'iarr siad ar an gCoimisiún imthosca sonracha náisiúnta a chur san áireamh.
Sa phlé a bhí acu, thacaigh na hairí leis an sprioc rialacha comhchoiteanna maidir le lipéadú bia a thabhairt isteach. Leagadh béim freisin ar a thábhachtaí atá earnáil na foraoiseachta maidir le spriocanna an dá straitéis, Feirm go dtí an Forc agus an Bhithéagsúlacht, a bhaint amach.
D’aontaigh na hairí gur chéim thábhachtach ar an gconair cheart a bhí sa Chomhaontú Glas don Eoraip, ach d'aithin siad go raibh difríochtaí suntasacha idir seasaimh tosaigh na mBallstát, seasaimh nárbh fholáir iad a chur san áireamh, agus gur cheart an cur chuige aonfhoirmeach a sheachaint. Leag na hairí béim freisin ar an ngá atá le bailiú sonraí agus faireachán ar dhul chun cinn sna hearnálacha a shainiú, mar aon leis an ngá atá ann sonraí aonfhoirmeacha, cruinne agus inchomparáide a úsáid. Le linn na hidirghabhála uathu, leag siad béim ar a thábhachtaí atá an dea-chumarsáid le feirmeoirí, arb iad is mó atá ceaptha a ndícheall a dhéanamh. Luadh go minic freisin réiteach coiteann a aimsiú i dtaca le tacaíocht airgeadais d'oiriúnú agus d'aistriú na hearnála táirgthe bia ina hiomláine, ón táirgeadh príomhúil go dtí na táirgí deiridh. Maidir le ceanglais solúbthachta agus le tréimhse níos faide oiriúnaithe, bhí malartú tuairimí ag na hairí maidir le comhréireacht thogra an Chomhbheartais Talmhaíochta le ceanglais an Chomhaontaithe Ghlais don Eoraip.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Beidh ról ríthábhachtach ag an straitéis "Ón bhfeirm go dtí an Forc" agus ag straitéis na Bithéagsúlachta i gcur chun feidhme an Chomhaontaithe Ghlais don Eoraip agus an Phlean Téarnaimh don Eoraip. Ní mór dúinn measúnú a dhéanamh ar an méid a d’fhéadfadh na hearnálacha talmhaíochta, iascaigh agus foraoiseachta a dhéanamh chun na spriocanna a leagtar amach sa dá straitéis a bhaint amach. Mar sin féin, ní mór dúinn aird ar leith a thabhairt ar an tionchar a d’fhéadfadh a bheith ann freisin do na hearnálacha sin. Aistriú cothrom, dálaí intuartha agus acmhainní airgeadais leordhóthanacha atá dlite d'fheirmeoirí, d'iascairí agus do tháirgeoirí dobharshaothraithe.
