An Chomhairle Iomaíochais, 09/11/2015, 9 Samhain 2015

Na príomhthorthaí

An tionscal cruach

Ag cruinniú urghnách na Comhairle Iomaíochais, a chomóir Uachtaránacht Lucsamburg, pléadh na dúshláin mhóra atá os comhair thionscal cruach na hEorpa faoi láthair agus an méid a chaithfear a dhéanamh chun feabhas a chur ar chumas iomaíochta an tionscail sin.

Díríodh ar na saincheisteanna is tábhachtaí maidir leis an iomaíochas san earnáil chruach, go háirithe: iomaíocht ó thionscail eile ar fud an domhain lena n-áirítear uirlisí an bheartais trádála, tionscadail infheistíochta a chur ar bun an athuair, beartas an Aontas maidir leis an athrú aeráide agus ardchostais fuinnimh.

Táim thar a bheith sásta leis an toradh a bhí ar an gcruinniú. Is é an cúram atá ar an gComhairle féachaint go mion ar na saincheisteanna go léir a théann i bhfeidhm go mór ar chumas iomaíochta na hEorpa, agus is léir go gcaithfear dul i ngleic láithreach, ar bhealach cuimsitheach, leis an ngéarchéim san earnáil chruach.” Etienne Schneider, Leas-Phríomh-Aire Lucsamburg agus an tAire Gnóthaí Eacnamaíocha agus Uachtarán na Comhairle

Bhí an méid a leanas le rá ag Leas-Phríomh-Aire Lucsamburg, agus an tAire Gnóthaí Eacnamaíocha, Etienne Schneider:  "Táim thar a bheith sásta leis an toradh a bhí ar an gcruinniú. Is é an cúram atá ar an gComhairle féachaint go mion ar na saincheisteanna go léir a théann i bhfeidhm go mór ar chumas iomaíochta na hEorpa, agus is léir go gcaithfear dul i ngleic láithreach, ar bhealach cuimsitheach, leis an ngéarchéim san earnáil chruach. Bhíomar ar aon intinn go gcaithfí gníomhaíocht nithiúil a dhéanamh, amhail an úsáid is fearr a bhaint as na hionstraimí cosanta trádála atá ar fáil agus as na deiseanna atá ann le Státchabhair an Aontais agus faoi phlean Juncker, agus shocraíomar freisin obair leantach a dhéanamh maidir leis an méid a pléadh ag an gcruinniú seo".

D’iarr roinnt toscaireachtaí athbhreithniú a dhéanamh ar chur chun feidhme an Phlean Gníomhaíochta le haghaidh Tionscal Cruach Iomaíoch, Inbhuanaithe san Eoraip, a ghlac an Coimisiún i mí an Mheithimh 2013. 

Aontaíodh comhdháil speisialta ardleibhéil do gheallsealbhóirí an tionscail chruach a chomóradh a luaithe is féidir, a mbeidh na comhpháirtithe sóisialta rannpháirteach inti chun breathnú ar an dul chun cinn a bheidh déanta agus gníomhaíochtaí leantacha a phlé. Maidir leis an méid sin, cuireadh i dtreis a thábhachtaí atá sé leanúint leis an idirphlé idir Ballstáit an Aontais agus an Coimisiún i gcomhar le hionadaithe ó na ceardchumainn agus ón tionscal féin.

Ag deireadh an chruinnithe, tháinig an Uachtaránacht ar na conclúidí seo a leanas:

• An Chomhairle Iomaíochais maidir le tionscal cruach na hEorpa - Conclúidí ón Uachtaránacht

Beoshruth, físeáin agus grianghraif

• Beoshruth na seisiún poiblí agus na n-imeachtaí preasa, an Chomhairle Iomaíochais, an 9 Samhain 2015
• Físeáin agus grianghraif don chruinniú, an Chomhairle Iomaíochais, an 9 Samhain 2015