Kunsill Kompetittività, 09/11/2015, 9 ta' Novembru 2015

Riżultati ewlenin

L-industrija tal-azzar

Il-Kunsill Kompetittività straordinarju, imsejjaħ mill-Presidenza Lussemburgiża, iddiskuta l-isfidi serji ta' bħalissa għall-industrija Ewropea tal-azzar u l-passi meħtieġa biex tittejjeb il-kompetittività tagħha.

Id-diskussjoni ffukat fuq il-kwistjonijiet l-aktar importanti għall-kompetittività tal-industrija tal-azzar, b'mod partikolari: il-kompetizzjoni globali fosthom l-għodod tal-politika tal-kummerċ, it-tnedija mill-ġdid ta' proġetti ta' investiment, il-politika dwar it-tibdil fil-klima tal-UE u l-ispejjeż għolja tal-enerġija.

Ninsab ferm sodisfatt bir-riżultat tal-laqgħa. Huwa r-rwol tal-Kunsill tagħna li jeżamina l-kwistjonijiet kollha li għandhom impatt sinifikanti fuq il-kompetittività Ewropea, u hemm ħtieġa ċara u urġenti biex il-kriżi tas-settur tal-azzar tiġi ttrattata b'mod komprensiv. Etienne Schneider, Viċi Prim Ministru u Ministru għall-Affarijiet Ekonomiċi tal-Lussemburgu u President tal-Kunsill

Il-president tal-laqgħa Etienne Schneider, Viċi Prim Ministru u Ministru għall-Affarijiet Ekonomiċi tal-Lussemburgu, għamel il-kummenti li ġejjin:  "Ninsab ferm sodisfatt bir-riżultat tal-laqgħa. Huwa r-rwol tal-Kunsill tagħna li jeżamina l-kwistjonijiet kollha li għandhom impatt sinifikanti fuq il-kompetittività Ewropea, u hemm ħtieġa ċara u urġenti biex il-kriżi tas-settur tal-azzar tiġi ttrattata b'mod komprensiv. Aħna qbilna dwar punti ta' azzjoni konkreti, bħal li jsir l-aħjar użu mill-istrumenti disponibbli għad-difiża tan-negozju u mill-possibbiltajiet li jeżistu fil-qafas tal-UE dwar l-għajnuna mill-istat u l-pjan Juncker, u biex jingħata segwitu għal din il-laqgħa malajr kemm jista’ jkun".

Għadd ta’ delegazzjonijiet talbu rieżami tal-implimentazzjoni tal-"Pjan ta’ azzjoni għal industrija tal-azzar kompetittiva u sostenibbli fl-Ewropa", adottat mill-Kummissjoni f’Ġunju 2013. 

Intlaħaq qbil li tissejjaħ malajr kemm jista' jkun konferenza speċjali ta' livell għoli tal-partijiet ikkonċernati dwar l-azzar, fejn is-sħab soċjali jqisu l-progress li sar u jiddiskutu kwalunkwe azzjoni ta' segwitu. F'dan ir-rigward, ġiet enfasizzata l-importanza ta' djalogu kontinwu bejn l-istati membri tal-UE u l-Kummissjoni flimkien mar-rappreżentanti tal-industrija u tat-trade unions.

Fi tmiem il-laqgħa, il-Presidenza waslet għall-konklużjonijiet li ġejjin:

• Kunsill Kompetittività dwar l-industrija Ewropea tal-azzar - konklużjonijiet tal-Presidenza

Streaming dirett, filmati u ritratti

• Streaming dirett ta’ sessjonijiet pubbliċi u avvenimenti għall-istampa, Kunsill Kompetittività, 9 ta’ Novembru 2015
• Filmati u ritratti tal-laqgħa, Kunsill Kompetittività, 9 ta’ Novembru 2015