"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Rialachán maidir leis an gComhghnóthas Ríomhaireachta Ardfheidhmíochta Eorpach (HPC) a bhunú
Tháinig an Chomhairle ar chomhaontú maidir le cur chuige ginearálta i ndáil leis an rialachán thuasluaite.
Réitíonn comhaontú an lae inniu an bealach d’fhorbairt na chéad ghlúine eile de theicneolaíochtaí digiteacha san Eoraip. Is iad na sár-ríomhairí agus an ríomhaireacht chandamach na hinnill a chumhachtaíonn an geilleagar sonraí, a bhaineann leas as teicneolaíochtaí amhail an intleacht shaorga (AI), an anailísíocht sonraí agus an chibearshlándáil chun feidhmchláir a sholáthar arb é an toradh a bheidh orthu dul chun cinn a dhéanamh i réimsí tábhachtacha amhail an tsláinte agus an t-athrú aeráide. Braitheann ár n-aistriú chuig geilleagar digiteach orthu sin.
Manuel Heitor, Aire Eolaíochta, Teicneolaíochta agus Ardoideachais na Portaingéile
Conclúidí maidir leis ‘an Limistéar Eorpach Taighde Nua a Dhoimhniú: gairmeacha agus dálaí oibre tarraingteacha inbhuanaithe a chur ar fáil do thaighdeoirí agus cúrsaíocht daoine oilte a fhíorú’
Ghlac an Chomhairle conclúidí maidir le bealaí a bhféadfaí feabhas a chur ar tharraingteacht na ngairmeacha taighde san Aontas d’fhonn taighdeoirí den scoth a mhealladh agus a choinneáil san ilchríoch.
An Limistéar Eorpach Taighde a athnuachan: cé mar is féidir LET uaillmhianach a leathadh amach as seo go ceann deich mbliana
Ar bhonn nóta ón Uachtaránacht, bhí malartú tuairimí ag na hairí maidir leis na gnéithe is tábhachtaí de Limistéar Eorpach Taighde uaillmhianach don chéad deich mbliana eile. Bhí comhaontú maidir leis an ngá le fís choiteann réamhbhreathnaitheach don LET amach anseo, ina gcuirfear san áireamh na ceachtanna a foghlaimíodh le linn na paindéime.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Togra reachtach reatha: Cinneadh maidir le rannpháirtíocht an Aontais sa Chomhpháirtíocht Eorpach maidir leis an Méadreolaíocht atá ar siúl go comhpháirteach ag roinnt Ballstát
Cuireadh an Chomhairle ar an eolas maidir leis an dul chun cinn atá déanta go dtí seo a mhéid a bhaineann leis an gcinneadh atá beartaithe á scrúdú laistigh de chomhlachtaí ullmhúcháin na Comhairle.
Rialachán ón gComhairle lena mbunaítear na Comhghnóthais faoi Fís Eorpach
Cuireadh an Chomhairle ar an eolas maidir leis an dul chun cinn atá déanta go dtí seo a mhéid a bhaineann leis an rialachán atá beartaithe á scrúdú laistigh de chomhlachtaí ullmhúcháin na Comhairle.
Ar bhonn nóta ón gCoimisiún, cuireadh an Chomhairle ar an eolas maidir leis an rún atá ag an gCoimisiún leanúint dá rannpháirtíocht i ngníomhaíochtaí agus i rialachas an Mhisin um Nuálaíocht le linn an dara céim den tionscnamh, a seolfar an 31 Bealtaine.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Commission communication on the global approach to research and innovation [Teachtaireacht ón gCoimisiún i ndáil le Cur chuige domhanda i leith taighde agus nuálaíochta]
Ar bhonn nóta ón gCoimisiún, cuireadh an Chomhairle ar an eolas maidir le cur chuige domhanda i leith taighde agus nuálaíochta a leagadh amach sa teachtaireacht ón gCoimisiún a glacadh le déanaí. Leis an teachtaireacht, cuirtear i láthair peirspictíocht an Choimisiúin ar straitéis an Aontais maidir le comhar idirnáisiúnta i réimse an taighde agus na nuálaíochta.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir toscaireacht na Slóivéine an Chomhairle ar an eolas faoi chlár oibre Uachtaránacht inteachta na Slóivéine i réimse an taighde.
An Spás - 28 Bealtaine 2021
Conclúidí maidir le ‘Spás Nua do Dhaoine’
Ghlac an Chomhairle conclúidí maidir leis an ngá le cur chuige Eorpach i ndáil le Spás Nua mar spreagadh d’earnáil spáis nuálach, athléimneach agus iomaíoch de chuid an Aontais.
Conclúidí ón gComhairle maidir le ‘An spás do dhaoine i limistéir Eorpacha cois cósta’
Ghlac an Chomhairle conclúidí maidir leis an ngá atá le leas iomlán a bhaint as cláir Copernicus, Galileo agus EGNOS chun feabhas a chur ar mhaolú ar an athrú aeráide agus ar cháilíocht saoil na ndaoine i limistéir Eorpacha cois cósta.
I dtreo seasamh níos fearr an Aontais maidir le bainistiú an spástráchta
Ar bhonn nóta ón Uachtaránacht, a raibh dréacht-treochlár ag gabháil leis, phléigh na hairí na príomhbhloic thógála de phróiseas as a dtiocfaidh seasamh an Aontais maidir le bainistiú an spástráchta amach anseo. Thángthas ar chomhaontú maidir leis an treochlár atá beartaithe agus maidir le cur chuige céim ar chéim, lena n-urramaítear na geallsealbhóirí ábhartha uile agus roinnt na n-inniúlachtaí.
Tá bainistiú an spástráchta ar cheann de na gnéithe is tábhachtaí agus is práinní ar chlár oibre lucht ceaptha beartas Spáis ar fud an domhain. Leis an díospóireacht a seoladh inniu maidir le seasamh coiteann Eorpach i ndáil leis an tsaincheist sin, agus inniúlachtaí gach gníomhaí á n-urramú go hiomlán, cuirtear i dtreis ár dtiomantas gníomhú le chéile chun an leas is fearr is féidir a bhaint as úsáid inbhuanaithe an spáis.
Manuel Heitor, Aire Eolaíochta, Teicneolaíochta agus Ardoideachais na Portaingéile
Chuir toscaireacht na Slóivéine an Chomhairle ar an eolas faoi chlár oibre Uachtaránacht inteachta na Slóivéine i réimse an spáis.
An margadh inmheánach agus an tionsclaíocht, an 27 Bealtaine 2021
Rialachán maidir le Margadh Aonair do Sheirbhísí Digiteacha (an Ionstraim um Sheirbhísí Digiteacha) agus lena leasaítear Treoir 2000/31/CE
Ar bhonn tuarascáil ón Uachtaránacht, cuireadh an Chomhairle ar an eolas maidir leis an dul chun cinn atá déanta go dtí seo a mhéid a bhaineann leis an rialachán atá beartaithe á scrúdú laistigh de chomhlachtaí ullmhúcháin na Comhairle.
Rialachán maidir le margaí inchoimhlinte agus cothroma san earnáil dhigiteach (an Ionstraim um Margaí Digiteacha)
Ar bhonn tuarascáil ón Uachtaránacht, cuireadh an Chomhairle ar an eolas maidir leis an dul chun cinn atá déanta go dtí seo a mhéid a bhaineann leis an rialachán atá beartaithe á scrúdú laistigh de chomhlachtaí ullmhúcháin na Comhairle.
Iomaíochas agus tionchar domhanda an Aontais Eorpaigh a luamhanú trí phacáiste uaillmhianach seirbhísí digiteacha
Ar bhonn nóta ón uachtaránacht, bhí a gcéad díospóireacht bheartais ag na hairí maidir leis na gnéithe den phacáiste digiteach (an Ionstraim um Sheirbhísí Digiteacha agus an Ionstraim um Margaí Digiteacha) a mheasann siad a bheith riachtanach chun neartú an mhargaidh aonair dhigitigh agus spás ar líne níos sábháilte, ina gcosnaítear cearta bunúsacha agus ina mbeidh an iomaíocht cothrom agus saor, a ráthú.
Chuir na toscaireachtaí in iúl go raibh siad sásta leis an dul chun cinn suntasach atá déanta go dtí seo maidir le scrúdú an phacáiste dhigitigh sa Chomhairle. Chuir siad i bhfios go láidir an gá atá le rialacha soiléire, comhréireacha a sheasfaidh an aimsir, lena ráthaítear an meascán ceart de dheimhneacht dhlíthiúil agus solúbthacht agus lena gcothaítear nuálaíocht agus iomaíocht i margadh aonair digiteach an Aontais. Luadh sásraí forfheidhmithe éifeachtúla ar leibhéal an Aontais, le rannpháirtíocht na n-údarás náisiúnta ábhartha, mar shásraí ríthábhachtacha chun go n-éireodh leis an tionscadal.
Tá obair ar siúl chun creat dlíthiúil a chruthú san Eoraip a bheidh oiriúnach don gheilleagar sonraí agus a mbeidh muinín ag gnólachtaí agus tomhaltóirí araon as. Creat a chothaíonn ár n-iomaíochas trí chothrom na Féinne a áirithiú agus trí rannpháirtíocht ár n-acmhainní cruthaitheacha go léir a spreagadh.
Pedro Siza Vieira, Aire Stáit na Portaingéile don Gheilleagar agus don Aistriú Digiteach
Níl an acmhainn seo ar fáil faoi láthair ach amháin sa teanga (sna teangacha) seo a leanas:
An straitéis tionsclaíochta nua don Eoraip a thabhairt cothrom le dáta – an ríthábhacht a bhaineann le rochtain a fháil ar amhábhair chriticiúla
Ar bhonn nóta ón Uachtaránacht, bhí díospóireacht bheartais ag na hairí maidir leis an straitéis tionsclaíochta nua nuashonraithe, agus béim á leagan acu ar a thábhachtaí atá sé rochtain a áirithiú ar amhábhair chriticiúla.
Ba dhíol sásaimh do na toscaireachtaí an teachtaireacht is déanaí ón gCoimisiún maidir le straitéis tionsclaíochta nua de chuid an Aontais. Thacaigh siad go láidir leis na bearta a moladh chun lánpháirtiú agus athléimneacht an mhargaidh inmheánaigh a dhoimhniú chun leasa na ngníomhaithe uile, go háirithe FBManna. Roinn siad go bhfuil gá le líonra níos cuimsithí agus níos éagsúlaithe de shlabhraí soláthair le haghaidh amhábhar criticiúil chun a áirithiú go leanfaidh tionscal an Aontais de bheith athléimneach in am an ghátair, go háirithe in earnálacha a mbaineann tábhacht straitéiseach leo, amhail cógaisíocht, leathsheoltóirí etc.
Léiríonn na ceachtanna a foghlaimíodh ó ghéarchéim COVID-19 gur gá don Aontas a neamhspleáchas straitéiseach oscailte a neartú, chun seasamh na hEorpa mar ghníomhaí domhanda atá athléimneach, i gceannas ar a todhchaí féin, agus in ann clár oibre dá cuid féin a chur chun cinn, a atreisiú. Tá measúnú á dhéanamh agus aghaidh á thabhairt againn ar ár leochaileachtaí agus ár spleáchas ar thríú tíortha maidir le hearraí, seirbhísí, teicneolaíochtaí agus bonneagar straitéiseach, táimid i mbun freagairtí beartais iomchuí agus comhleanúnacha a aimsiú, agus táimid ag féachaint ar fhéidearthachtaí do comhghuaillíochtaí lenár gcomhpháirtithe ar fud an domhain chun na slabhraí luacha domhanda atá ann cheana a neartú agus chun foinsí seachtracha soláthair a éagsúlú. Sa chomhthéacs sin, is réamhchoinníoll bunúsach riachtanach é rochtain a fháil ar amhábhair chriticiúla má táthar le haistriú rathúil chuig geilleagar glas agus digiteach a bhaint amach.
Pedro Siza Vieira, Aire Stáit na Portaingéile don Gheilleagar agus don Aistriú Digiteach
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Conclúidí dar teideal Tourism in Europe for the next decade: sustainable, resilient, digital, global and social [Turasóireacht san Eoraip don chéad deacáid eile: inbhuanaithe, athléimneach, digiteach, domhanda agus sóisialta]
Ghlac an Chomhairle conclúidí maidir le todhchaí na turasóireachta san Eoraip.
Conclúidí maidir le teicneolaíochtaí sonraí chun feabhas a chur ar ‘Rialáil Níos Fearr’
Ghlac an Chomhairle conclúidí maidir le cé mar is féidir úsáid na dteicneolaíochtaí sonraí a chur chun cinn chun tacú le reachtaíocht a bheidh sonraíbhunaithe, digiteach mar réamhshocrú agus ar ardchaighdeán, agus aird chuí á tabhairt ar an gcreat foriomlán um rialáil níos fearr.
Rialachán lena leagtar síos rialacha comhchuibhithe maidir leis an intleacht shaorga
Chuir an Coimisiún faoi bhráid na Comhairle an togra uaidh arb é is aidhm dó creat dlíthiúil d’intleacht shaorga iontaofa agus margadh inmheánach dea-fheidhmiúil do chórais intleachta saorga a bhunú.
Rialachán maidir le fóirdheontais eachtracha a shaobhann an margadh inmheánach
Ar bhonn nóta ón gCoimisiún, cuireadh an Chomhairle ar an eolas maidir le príomhchuspóirí an togra le haghaidh rialachán maidir le fóirdheontais eachtracha a shaobhann an margadh inmheánach, a tíolacadh le déanaí.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Trade Policy Review - An Open, Sustainable and Assertive Trade Policy [Athbhreithniú ar an mBeartas Trádála – Beartas Trádála atá Oscailte, Inbhuanaithe agus Cuimsitheach]
Chuir an Coimisiún faoi bhráid na Comhairle an teachtaireacht, a tháinig uaidh le déanaí, maidir le hathbhreithniú ar bheartas trádála an Aontais.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Iomaíochas tionsclaíoch an Aontais agus caighdeánú comhchuibhithe éifeachtach
Ar bhonn nóta comhpháirteach, chuir 17 dtoscaireacht a tuairimí maidir leis na dúshláin atá roimh an gcóras Eorpach um chaighdeánú in iúl don Chomhairle.
Bloic thógála riachtanacha chun dlí iomaíochta agus creat státchabhrach a chur ar bun lena gcumasaítear an t-iomaíochas Eorpach
Ar bhonn nóta, chuir toscaireacht na hOstaire a tuairimí in iúl don Chomhairle maidir lena bhfuil ag teastáil chun creat dlíthiúil an Aontais maidir le hiomaíocht agus státchabhair a thabhairt cothrom le dáta.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir toscaireacht na Slóivéine an Chomhairle ar an eolas faoi chlár oibre Uachtaránacht inteachta na Slóivéine i réimse an mhargaidh inmheánaigh agus na tionsclaíochta.
Comhaid na gcruinnithe
Doiciméid ullmhúcháin
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Réitíonn comhaontú an lae inniu an bealach d’fhorbairt na chéad ghlúine eile de theicneolaíochtaí digiteacha san Eoraip. Is iad na sár-ríomhairí agus an ríomhaireacht chandamach na hinnill a chumhachtaíonn an geilleagar sonraí, a bhaineann leas as teicneolaíochtaí amhail an intleacht shaorga (AI), an anailísíocht sonraí agus an chibearshlándáil chun feidhmchláir a sholáthar arb é an toradh a bheidh orthu dul chun cinn a dhéanamh i réimsí tábhachtacha amhail an tsláinte agus an t-athrú aeráide. Braitheann ár n-aistriú chuig geilleagar digiteach orthu sin.
Tá obair ar siúl chun creat dlíthiúil a chruthú san Eoraip a bheidh oiriúnach don gheilleagar sonraí agus a mbeidh muinín ag gnólachtaí agus tomhaltóirí araon as. Creat a chothaíonn ár n-iomaíochas trí chothrom na Féinne a áirithiú agus trí rannpháirtíocht ár n-acmhainní cruthaitheacha go léir a spreagadh.