"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Regolament dwar l-istabbiliment tal-Impriża Konġunta tal-Computing ta' Prestazzjoni Għolja (HPC) Ewropew
Il-Kunsill qabel dwar approċċ ġenerali dwar ir-regolament imsemmi hawn fuq.
Il-qbil tal-lum iwitti t-triq għall-iżvilupp fl-Ewropa tal-ġenerazzjoni li jmiss ta' teknoloġiji diġitali. Is-supercomputers u l-computing kwantistiku huma l-muturi tal-ekonomija tad-data, billi jisfruttaw teknoloġiji bħall-intelliġenza artifiċjali (IA), l-analitika tad-data u ċ-ċibersigurtà biex jipprovdu applikazzjonijiet li jwasslu għal skoperti f'oqsma ewlenin bħas-saħħa u t-tibdil fil-klima. It-tranżizzjoni tagħna għal ekonomija diġitali tiddependi fuqhom.
Manuel Heitor, Ministru għax-Xjenza, it-Teknoloġija u l-Edukazzjoni Għolja tal-Portugall
Konklużjonijiet dwar l-"Approfondiment taż-Żona Ewropea tar-Riċerka: nagħtu lir-riċerkaturi karrieri u kundizzjonijiet tax-xogħol attraenti u sostenibbli u nagħmlu ċ-ċirkolazzjoni tal-imħuħ realtà"
Il-Kunsill adotta konklużjonijiet dwar modi possibbli biex il-karrieri fir-riċerka fl-Ewropa jsiru aktar attraenti bil-ħsieb li jiġu attirati u miżmuma riċerkaturi eċċellenti fil-kontinent.
It-tiġdid taż-Żona Ewropea tar-Riċerka: kif għandha titħejja t-tnedija ta' ŻER ambizzjuża li tkun adattata għall-għaxar snin li ġejjin
Abbażi ta' nota tal-presidenza, il-ministri qasmu l-fehmiet tagħhom dwar l-aktar elementi importanti ta' Żona Ewropea tar-Riċerka ambizzjuża għad-deċennju li jmiss. Kien hemm qbil dwar il-ħtieġa ta' viżjoni komuni u li tħares 'il quddiem għaż-ŻER futura, li trid tqis it-tagħlimiet meħuda matul il-pandemija.
Proposta leġiżlattiva attwali: Deċiżjoni dwar il-parteċipazzjoni tal-Unjoni fis-Sħubija Ewropea dwar il-Metroloġija mwettqa b'mod konġunt minn diversi stati membri
Abbażi ta' nota mill-Kummissjoni, il-Kunsill ġie infurmat bl-intenzjoni tal-Kummissjoni li tkompli bl-impenn tagħha fl-attivitajiet u l-governanza tal-Missjoni Innovazzjoni matul it-tieni fażi tal-inizjattiva, li għandha titnieda fil-31 ta' Mejju.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Komunikazzjoni tal-Kummissjoni dwar l-approċċ globali għar-riċerka u l-innovazzjoni
Abbażi ta' nota mill-Kummissjoni, il-Kunsill ġie infurmat bl-approċċ globali għar-riċerka u l-innovazzjoni deskritt fil-komunikazzjoni tal-Kummissjoni adottata reċentement. Il-komunikazzjoni tippreżenta l-perspettiva tal-Kummissjoni rigward l-istrateġija tal-Ewropa dwar il-kooperazzjoni internazzjonali fir-riċerka u l-innovazzjoni.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kunsill ġie infurmat mid-delegazzjoni Slovena dwar il-programm ta' ħidma tal-presidenza Slovena li jmiss fil-qasam tar-riċerka.
Spazju - 28 ta' Mejju 2021
Konklużjonijiet dwar "Spazju Ġdid għall-Persuni"
Il-Kunsill adotta konklużjonijiet dwar il-ħtieġa ta' approċċ Ewropew għal Spazju Ġdid bħala mutur għal settur spazjali tal-UE innovattiv, reżiljenti u kompetittiv.
Konklużjonijiet dwar "L-Ispazju għall-Persuni fiż-żoni kostali Ewropej"
Il-Kunsill adotta konklużjonijiet dwar il-ħtieġa li jiġi sfruttat il-potenzjal sħiħ ta' Copernicus, Galileo u EGNOS sabiex jittejbu l-mitigazzjoni tat-tibdil fil-klima u l-kwalità tal-ħajja tan-nies fiż-żoni kostali Ewropej.
Lejn pożizzjonament aħjar tal-UE fl-Immaniġġjar tat-Traffiku fl-Ispazju
Abbażi ta' nota tal-presidenza, akkumpanjata minn abbozz ta' pjan direzzjonali, il-ministri ddiskutew l-elementi kostitwenti ewlenin ta' proċess li jwassal għal pożizzjoni futura tal-UE dwar l-immaniġġjar tat-traffiku fl-ispazju. Kien hemm qbil dwar il-pjan direzzjonali propost u dwar l-idea ta' approċċ gradwali, li jirrispetta l-partijiet ikkonċernati rilevanti kollha u d-diviżjoni tal-kompetenzi.
L-immaniġġjar tat-traffiku fl-ispazju huwa wieħed mill-aktar suġġetti importanti u urġenti fuq l-aġenda ta' dawk li jfasslu l-politika spazjali madwar id-dinja. Id-dibattitu li beda llum dwar pożizzjoni Ewropea komuni futura dwar din il-kwistjoni, b'rispett sħiħ għall-kompetenzi ta' kull attur, jenfasizza d-determinazzjoni tagħna li naġixxu flimkien sabiex nimmassimizzaw il-benefiċċji minn użu sostenibbli tal-ispazju.
Manuel Heitor, Ministru għax-Xjenza, it-Teknoloġija u l-Edukazzjoni Għolja tal-Portugall
L-ingranaġġ tal-kompetittività u l-influwenza globali tal-Unjoni Ewropea permezz ta' pakkett dwar is-servizzi diġitali ambizzjuż
Abbażi ta' nota tal-presidenza, il-ministri kellhom l-ewwel dibattitu ta' orjentazzjoni dwar l-aspetti tal-pakkett diġitali (l-Att dwar is-Servizzi Diġitali u l-Att dwar is-Swieq Diġitali) li jqisu neċessarji biex jiggarantixxu t-tisħiħ tas-suq uniku diġitali u spazju online aktar sikur, fejn huma mħarsa d-drittijiet fundamentali u l-kompetizzjoni hija ġusta u ħielsa.
Id-delegazzjonijiet esprimew sodisfazzjon għall-progress konsiderevoli li sar s'issa fl-eżami tal-pakkett diġitali fil-Kunsill. Huma enfasizzaw il-ħtieġa ta' regoli ċari, validi għall-futur u proporzjonati, li jiggarantixxu t-taħlita adatta ta' ċertezza legali u flessibbiltà u li jrawmu l-innovazzjoni u l-kompetizzjoni fis-suq uniku diġitali tal-UE. Mekkaniżmi effiċjenti ta' infurzar fil-livell tal-UE, bl-involviment tal-awtoritajiet nazzjonali rilevanti, issemmew bħala element kruċjali għas-suċċess tal-proġett.
Għaddejja ħidma biex fl-Ewropa jinħoloq qafas legali li jkun adattat għall-ekonomija tad-data u li jkun fdat kemm min-negozji kif ukoll mill-konsumaturi. Qafas li jrawwem il-kompetittività tagħna billi jiżgura kundizzjonijiet ekwivalenti ta' kompetizzjoni u jħeġġeġ il-parteċipazzjoni tar-riżorsi kreattivi kollha tagħna.
Pedro Siza Vieira, Ministru tal-Istat għall-Ekonomija u t-Tranżizzjoni Diġitali tal-Portugall
Aġġornament tal-istrateġija industrijali l-ġdida għall-Ewropa – l-importanza kritika li jiġi żgurat l-aċċess għall-materja prima kritika
Abbażi ta' nota tal-presidenza, il-ministri kellhom dibattitu ta' orjentazzjoni dwar l-istrateġija industrijali l-ġdida aġġornata, li ffoka fuq l-importanza li jiġi żgurat aċċess għal materja prima kritika.
Id-delegazzjonijiet laqgħu l-aħħar komunikazzjoni tal-Kummissjoni dwar strateġija industrijali aġġornata tal-UE. Huma esprimew appoġġ qawwi għall-miżuri ssuġġeriti biex japprofondixxu l-integrazzjoni u r-reżiljenza tas-suq intern għall-benefiċċju tal-atturi kollha, speċjalment l-SMEs. Kienu tal-istess fehma li kien jeħtieġ network aktar inklużiv u diversifikat ta' ktajjen tal-provvista għal materja prima kritika biex jiġi żgurat li l-industrija tal-UE tibqa' reżiljenti fi żminijiet ta' kriżi, b'mod partikolari f'setturi ta' importanza strateġika, bħall-farmaċewtika, is-semikondutturi eċċ.
It-tagħlimiet meħuda mill-kriżi tal-COVID-19 jindikaw il-ħtieġa li l-UE ssaħħaħ l-awtonomija strateġika miftuħa tagħha, sabiex issaħħaħ il-pożizzjoni tal-Ewropa bħala attur globali li jkun reżiljenti, li l-futur tiegħu jkun f'idejh, u li jippromwovi aġenda tiegħu stess. Ninsabu fil-proċess li nivvalutaw u nindirizzaw il-vulnerabbiltajiet u d-dipendenzi tagħna fuq pajjiżi terzi fir-rigward ta' prodotti, servizzi, teknoloġiji u infrastruttura strateġiċi, filwaqt li nsibu risponsi ta' politika xierqa u koerenti, u li nħarsu lejn il-possibbiltajiet għal alleanzi mas-sħab tagħna madwar id-dinja biex jissaħħu l-ktajjen tal-valur globali eżistenti u biex jiġu diversifikati s-sorsi esterni tal-provvista. F'dan il-kuntest, l-iżgurar tal-aċċess għal materja prima kritika huwa prekondizzjoni fundamentali u meħtieġa għal tranżizzjoni b'suċċess lejn ekonomija ekoloġika u diġitali.
Pedro Siza Vieira, Ministru tal-Istat għall-Ekonomija u t-Tranżizzjoni Diġitali tal-Portugall
Konklużjonijiet dwar it-teknoloġiji tad-data għat-titjib tar-Regolamentazzjoni Aħjar
Il-Kunsill adotta konklużjonijiet dwar kif għandu jiġi promoss l-użu ta' teknoloġiji tad-data b'appoġġ għal leġiżlazzjoni mmexxija mid-data, diġitali b'mod awtomatiku u ta' kwalità għolja, b'kont debitu meħud tal-qafas ġenerali ta' Regolamentazzjoni Aħjar.
Regolament li jistabbilixxi regoli armonizzati dwar l-intelliġenza artifiċjali
Il-Kummissjoni ppreżentat lill-Kunsill il-proposta reċenti tagħha mmirata lejn l-istabbiliment ta' qafas legali għal intelliġenza artifiċjali affidabbli u suq intern li jiffunzjona tajjeb għas-sistemi tal-intelliġenza artifiċjali.
Regolament dwar sussidji barranin li joħolqu distorsjoni fis-suq intern
Abbażi ta' nota mill-Kummissjoni, il-Kunsill ġie infurmat dwar l-objettivi ewlenin tal-proposta għal regolament ippreżentata dan l-aħħar dwar sussidji barranin li joħolqu distorsjoni fis-suq intern.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Kompetittività tal-industrija tal-UE u standardizzazzjoni armonizzata effettiva
Abbażi ta' nota konġunta, 17-il delegazzjoni infurmaw lill-Kunsill dwar il-fehmiet tagħhom rigward l-isfidi li bħalissa qed tiffaċċa s-sistema Ewropea ta' standardizzazzjoni.
Elementi essenzjali għal liġi tal-kompetizzjoni u qafas ta' għajnuna mill-istat li jippermettu l-kompetittività Ewropea
Abbażi ta' nota, id-delegazzjoni Awstrijaka infurmat lill-Kunsill bil-fehmiet tagħha dwar x'inhu meħtieġ sabiex jiġi aġġornat il-qafas legali tal-UE għall-kompetizzjoni u l-għajnuna mill-istat.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-qbil tal-lum iwitti t-triq għall-iżvilupp fl-Ewropa tal-ġenerazzjoni li jmiss ta' teknoloġiji diġitali. Is-supercomputers u l-computing kwantistiku huma l-muturi tal-ekonomija tad-data, billi jisfruttaw teknoloġiji bħall-intelliġenza artifiċjali (IA), l-analitika tad-data u ċ-ċibersigurtà biex jipprovdu applikazzjonijiet li jwasslu għal skoperti f'oqsma ewlenin bħas-saħħa u t-tibdil fil-klima. It-tranżizzjoni tagħna għal ekonomija diġitali tiddependi fuqhom.
Għaddejja ħidma biex fl-Ewropa jinħoloq qafas legali li jkun adattat għall-ekonomija tad-data u li jkun fdat kemm min-negozji kif ukoll mill-konsumaturi. Qafas li jrawwem il-kompetittività tagħna billi jiżgura kundizzjonijiet ekwivalenti ta' kompetizzjoni u jħeġġeġ il-parteċipazzjoni tar-riżorsi kreattivi kollha tagħna.