"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Thug na hairí an formheas deiridh don rialachán maidir le hinnealra.
Leis na rialacha nuashonraithe, tabharfar deimhneacht dhlíthiúil do thionscal innealra na hEorpa go ceann i bhfad. Cinnteoidh siad ardleibhéal cosanta dár n-oibrithe agus dár saoránaigh, agus ag an am céanna, méadófar cáil na n-meaisíní a dhéantar san Aontas.
Paulina Brandberg, an tAire Comhionannais Inscne agus Saoil Oibre
Ghlac na hairí an seasamh ón gComhairle (cur chuige ginearálta) i ndáil leis an rialachán maidir le héicidhearthóireacht.
Tógann an rialachán nua sin ar an Treoir maidir le hÉicidhearthóireacht 2009 (2009/125/CE), lena gcumhdaítear táirgí a bhaineann le fuinneamh amháin, agus déantar rialachán di, rialachán a bheidh infheidhme i ndáil le beagnach gach catagóir táirgí.
Más mian linn táirgí Eorpacha atá inbhuanaithe go fírinneach ar an margadh, ní mór dúinn aghaidh a thabhairt ar an tsaincheist ón túsphointe: a ndearadh. Cinnteofar leis an rialachán maidir le héicidhearthóireacht go mbeidh na táirgí a dhíoltar i margadh an Aontais oiriúnach agus réidh don aistriú glas.
Ebba Busch, An tAire Fuinnimh, Gnó agus Tionscail agus an Leas-Phríomh-Aire
Phléigh na hairí ceithre chomhad thábhachtacha a bhaineann le hiomaíochas na hEorpa:
Iomaíochas fadtéarmach
An gníomh um an tionscal glan-nialasachta
30 bliain den Mhargadh Aonair agus na blianta ina dhiaidh sin (le linn lóin oibre), agus
An gníomh um amhábhair chriticiúla.
Deis a bhí sna ceithre sheisiún sin fís dhomhain na Ballstát a léiriú i ndáil leis an bpacáiste tábhachtach maidir le hiomaíochas a thíolaic an Coimisiún an 16 Márta.
Leis an díospóireacht sin ar leibhéal na n-airí, beidh an Chomhairle in ann dul chun cinn a dhéanamh maidir leis na seasaimh chaibidlíochta do na comhaid sin.
Thapaigh an uachtaránacht an deis freisin chun ceiliúradh a dhéanamh ar theacht i bhfeidhm Chóras na bPaitinní Aonadacha, rud a thiocfaidh i bhfeidhm an 1 Meitheamh seo chugainn, tar éis próiseas fada casta ar cuireadh tús leis in 2012.
Le Córas na bPaitinní Aonadacha, beidh rochtain níos éasca ar an gcóras Eorpach paitinne agus beidh sé níos saoire freisin agus feabhsófar leibhéal na cosanta paitinne leis, trína bheith in ann cosaint aonfhoirmeach phaitinne a fháil i mBallstáit rannpháirteacha uile an Aontais.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Ghlac an Chomhairle conclúidí maidir le ‘foilsitheoireacht léinn atá ar ardchaighdeán, trédhearcach, oscailte, iontaofa agus cothromasach’ ina n-iarrann sí rochtain oscailte láithreach agus gan srian ar thaighde a bhaineann le cistí poiblí a fhoilsiú.
Má chreidimid i ndáiríre san eolaíocht oscailte, ní mór dúinn a chinntiú gur féidir le taighdeoirí a gcuid torthaí a chur ar fáil agus gur féidir na torthaí sin a athúsáid, agus ní mór a chinntiú freisin go mbeidh rochtain oscailte ag chuile dhuine ar ailt eolaíochta ar ardchaighdeán nuair a bhíonn siad de dhíth orthu. Ba cheart gur mar sin a bheadh go háirithe i gcás taighde a bhaineann tairbhe as cistiú poiblí: ba chóir go mbeadh rochtain ag cách ar an méid as ar íoc siad.
Mats Persson, An tAire Oideachais, an Aireacht Oideachais agus Taighde
Bhí malartú tuairimí ag na hairí maidir le slándáil faisnéise agus idirnáisiúnú freagrach. Phléigh na hairí cosaint na timpeallachta oscailte taighde ar ghníomhaíocht mhailíseach de chineál ar bith. Phléigh siad freisin conas comhar domhanda a chothú ar bhealach a chuireann comhroinnt eolais agus saineolais chun cinn agus leasanna agus luachanna an Aontais á gcosaint ag an am céanna. Roinn na hairí dea-chleachtais agus dúshláin náisiúnta agus aghaidh á tabhairt acu ar an dá shaincheist sin.
Faoi aon ghnó eile, chuir an Coimisiún Eorpach na hairí ar an eolas faoi na séalaí barr feabhais.
Rinne toscaireacht na hIodáile cur i láthair maidir le hiarrthóireacht na Róimhe chun EXPO 2030 a óstáil.
Le linn lóin neamhfhoirmiúil, phléigh na hairí séanadh na heolaíochta.
An spás
Úsáid chóir inbhuanaithe an spáis
Ghlac na hairí conclúidí ón gComhairle maidir le ‘Úsáid chóir inbhuanaithe an spáis’, inar iarr siad go mbeadh cur chuige Eorpach ann maidir le bainistiú spástráchta.
Is leas coiteann iad fithisí spáis nach mór dúinn go léir aire a thabhairt dóibh, ní hamháin ar mhaithe linn féin ach ar mhaithe leis na glúine atá le teacht. Ní mór dúinn leanúint de leas a bhaint as na deiseanna a bhaineann le teicneolaíochtaí satailíte, ach ar bhealach atá inbhuanaithe, sábháilte agus cothrom do phobail uile an phláinéid.
Mats Persson, An tAire Oideachais, an Aireacht Oideachais agus Taighde
Bhí díospóireacht bheartais ag na hairí maidir le beartas spáis an Aontais i dtimpeallacht gheopholaitiúil nua. Bhí an plé bunaithe ar theachtaireacht chomhpháirteach ón gCoimisiún agus ó SEGS dar teideal European Union Space Strategy for Security and Defence [Straitéis Spáis an Aontais Eorpaigh um Shlándáil agus Cosaint] a tíolacadh an 10 Márta 2023.
Phléigh na hairí an tionchar a imríonn Straitéis Spáis an Aontais um Shlándáil agus Cosaint ar chur chun feidhme na gClár Spáis reatha agus ar na sineirgí a d’fhéadfaí a bhaint amach agus cuspóirí beartais na gclár spáis á gcosaint ag an am céanna.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Leis na rialacha nuashonraithe, tabharfar deimhneacht dhlíthiúil do thionscal innealra na hEorpa go ceann i bhfad. Cinnteoidh siad ardleibhéal cosanta dár n-oibrithe agus dár saoránaigh, agus ag an am céanna, méadófar cáil na n-meaisíní a dhéantar san Aontas.
Más mian linn táirgí Eorpacha atá inbhuanaithe go fírinneach ar an margadh, ní mór dúinn aghaidh a thabhairt ar an tsaincheist ón túsphointe: a ndearadh. Cinnteofar leis an rialachán maidir le héicidhearthóireacht go mbeidh na táirgí a dhíoltar i margadh an Aontais oiriúnach agus réidh don aistriú glas.
Má chreidimid i ndáiríre san eolaíocht oscailte, ní mór dúinn a chinntiú gur féidir le taighdeoirí a gcuid torthaí a chur ar fáil agus gur féidir na torthaí sin a athúsáid, agus ní mór a chinntiú freisin go mbeidh rochtain oscailte ag chuile dhuine ar ailt eolaíochta ar ardchaighdeán nuair a bhíonn siad de dhíth orthu. Ba cheart gur mar sin a bheadh go háirithe i gcás taighde a bhaineann tairbhe as cistiú poiblí: ba chóir go mbeadh rochtain ag cách ar an méid as ar íoc siad.
