Comhairle na nGnóthaí Eacnamaíocha agus Airgeadais, 14/07/2015, 14 Iúil 2015

Príomhthorthaí

Beartais eacnamaíocha, fhioscacha agus fostaíochta - Moltaí do na Ballstáit 

 D'eisigh an Chomhairle moltaí a bhaineann go sonrach le tíortha faoi leith agus tuairimí faoi na beartais eacnamaíocha, fhioscacha agus fostaíochta atá pleanáilte ag na Ballstáit, chomh maith le moladh sonrach maidir le beartais eacnamaíocha an limistéir euro. 

 Le glacadh na dtéacsanna, tar éis don Chomhairle Eorpach iad a fhormhuiniú i mí an Mheithimh, cuirtear an clabhsúr le próiseas faireacháin beartas "an tSeimeastair Eorpaigh" reatha in 2015. Déantar faireachán comhuaineach ar bheartais eacnamaíocha agus fhioscacha na mBallstát ar feadh sé mhí gach bliain mar chuid den Seimeastar Eorpach.

• Preaseisiúint maidir le moltaí a bhaineann go sonrach le tíortha ar leith do 2015

Mar Uachtaránacht, beimid ag obair go dian chun nasc a chruthú agus chun teacht ar chomhréitigh d’fhonn dul chun cinn coincréiteach a bhaint amach ar gach ceann de na hábhair atá ar an gclár oibre.”  Pierre Gramegna, Aire Airgeadais Lucsamburg agus Uachtarán na Comhairle

Clár oibre na hUachtaránachta 

Chuir Uachtaránacht Lucsamburg a clár oibre i láthair, agus bhí malartú tuairimí ag an gComhairle. 

Cuireann an Uachtaránacht infheistíocht chun tosaigh ina clár oibre. Déanfaidh sé a áirithiú go gcuirfí Plean Gníomhaíochta an Aontais maidir le hinfheistíocht chun feidhme go pras, agus tacóidh sé le hAontas Margaí Caipitil a chruthú. 

Tacóidh sé freisin leanúint den chaibidlíocht maidir le roinnt tograí reachtacha a bhaineann le seirbhísí airgeadais, agus beidh calaois chánach agus imghabháil chánach a chomhrac ina phríomhthosaíocht.  

"Tá Lucsamburg tar éis clár oibre cuimsitheach a thíolaic agus tá áthas orm a fheiceáil go bhfuil ár gcomhpháirtithe sa Chomhairle agus sa Choimisiún ar aon intinn linn faoi na tosaíochtaí”, arsa Pierre Gramegna, Aire Airgeadais Lucsamburg agus Uachtarán na Comhairle. “Mar Uachtaránacht, beimid ag obair go dian chun nasc a chruthú agus chun teacht ar chomhréitigh d'fhonn dul chun cinn coincréiteach a bhaint amach ar gach ceann de na hábhair ar an gclár oibre.” 

• Clár oibre Uachtaránacht Lucsamburg maidir le Gnóthaí Eacnamaíocha agus Airgeadais

An tAontas Eacnamaíoch agus Airgeadaíochta - tuarascáil ón “gcúig Uachtarán '” 

 Phléigh an Chomhairle an chéad chéim eile le haghaidh tuilleadh forbairt a dhéanamh ar Aontas Eacnamaíoch agus Airgeadaíochta an Aontais, ar bhonn na tuarascála ón gcúig Uachtarán, mar a thugtar air.  

Uachtarán an Choimisiúin Eorpaigh a d'ullmhaigh an tuarascáil, i ndlúthchomhar le hUachtarán na Comhairle Eorpaí, le hUachtarán Ghrúpa an Euro, le hUachtarán an Bhainc Cheannais Eorpaigh agus le hUachtarán Pharlaimint na hEorpa.  

Bhí an plé dírithe ar bhearta gearrthéarmacha. Thug an Coimisiún cuntas ar na tionscnaimh atá beartaithe chun a gcuid oibre a thabhairt chun tosaigh sna míonna atá romhainn.  

• Comhlánú Aontas Eacnamaíoch agus Airgeadaíochta na hEorpa (faisnéis chúlra)
• Toradh chruinniú na Comhairle