Comhairle na nGnóthaí Eacnamaíocha agus Airgeadais, 10/11/2015, 10 Samhain 2015

Na príomhthorthaí

An t-athrú aeráide

Agus an 21ú comhdháil de chuid na bPáirtithe i gcreat-choinbhinsiún na Náisiún Aontaithe (NA) ar an athrú aeráide ar na bacáin, ghlac an Chomhairle Conclúidí i ndáil leis sin.

• Conclúidí ón gComhairle maidir le Maoiniú don Troid i gCoinne Athrú na hAeráide

Agus sainordú uaillmhianach aige do Chomhdháil Pháras, léirítear go bhfuil a ról á ghlacadh ag an Aontas Eorpach mar cheann de na príomhfhórsaí atá ag iarraidh comhaontú nua i ndáil leis an aeráid a chur chun cinn Pierre Gramegna, Aire Airgeadais Lucsamburg

Tionólfar an Chomhdháil i bPáras ón 30 Samhain go dtí an 11 Nollaig 2015 agus féachfar le comhaontú nua faoin aeráid de chuid na Náisiún Aontaithe a fhormheas inti don tréimhse i ndiaidh 2020. Is é an aidhm atá leis sin an méadú ar an meánteocht dhomhanda a theorannú do 2°C ar a mhéad le hais na leibhéal réamhthionsclaíoch, agus maoiniú leordhóthanach poiblí agus príobháideach a ráthú chun é sin a bhaint amach.

Agus sainordú uaillmhianach aige do Chomhdháil Pháras, léirítear go bhfuil a ról á ghlacadh ag an Aontas Eorpach mar cheann de na príomhfhórsaí atá ag iarraidh comhaontú nua i ndáil leis an aeráid a chur chun cinn", a dúirt Pierre Gramegna, Aire Airgeadais Lucsamburg agus uachtarán na Comhairle. "Táimid ullamh freisin ranníocaíocht mhór a dhéanamh chun riachtanais a mhaoiniú i dtaca leis an athrú aeráide".

Sna Conclúidí ón gComhairle, dírítear ar ranníocaíochtaí an Aontais mar chuid den $100 billiún in aghaidh na bliana a gheall tíortha forbartha faoi 2020, ar ranníocaíochtaí le maoiniú don troid i gcoinne athrú na haeráide iad, agus ar intuarthacht na ranníocaíochtaí leis an maoiniú i leith an athraithe aeráide. Leis sin, tugtar aghaidh ar na gnéithe maoiniúcháin a ghabhann le comhaontú nua aeráide de chuid na Náisiún Aontaithe don tréimhse i ndiaidh 2020.

Beidh gá le hacmhainní suntasacha chun cabhrú le tíortha i mbéal a bhforbartha dul i ngleic go leordhóthanach leis an athrú aeráide, le hastaíochtaí gáis ceaptha teasa a laghdú agus chun dul i dtaithí ar iarmhairtí an athraithe aeráide. An $100 billiún in aghaidh na bliana a gheall tíortha i mbéal forbartha faoi 2020, gheofar ó fhoinsí fíoréagsúla é: foinsí poiblí agus príobháideacha, déthaobhacha agus iltaobhacha agus lena n-áirítear foinsí malartacha maoiniúcháin.

Aontas na Margaí Caipitil

Ghlac an Chomhairle Conclúidí lena gcuirtear fáilte roimh an bplean gníomhaíochta ón gCoimisiún maidir le hAontas na Margaí Caipitil a fhorbairt.

Is éard is aidhm don phlean go mbunófar aontas na margaí caipitil san Aontas Eorpach a bheidh ag feidhmiú faoi lán seoil faoi dheireadh 2019. Tá sé i gceist bearta éagsúla a dhéanamh chun na margaí caipitil a neartú ionas go meallfar níos mó infheistíochta, lena n-áirítear infheistíocht eachtrach, do chuideachtaí Eorpacha agus do thionscadail Eorpacha bonneagair.

Ceann de na príomhaidhmeanna is ea an rochtain ar mhaoiniú a fheabhsú do FBManna agus do ghnólachtaí nuathionscanta, go háirithe sna tionscail nuála.

"Tá tús curtha cheana againn leis an obair ar thogra maidir le hurrúsú simplí, trédhearcach agus caighdeánaithe, agus é mar aidhm teacht ar chomhaontú polaitiúil a luaithe agus is féidir, agus b’fhéidir fiú roimh dheireadh na bliana seo, a dúirt an tUasal Gramegna. “Táimid ag fanacht freisin ar thogra maidir le réamheolairí, chun go mbeidh muid in ann obair a dhéanamh air sin freisin, ar togra é a bheidh tábhachtach le gur fusa a bheidh sé d’fhiontair bheaga agus mheánmhéide rochtain a fháil ar chreidmheas."

• Conclúidí ón gComhairle i ndáil le Plean Gníomhaíochta an Choimisiúin maidir le hAontas na Margaí Caipitil a fhorbairt

Aisghairm na Treorach maidir le cáin ar choigilteas

Rinne an Chomhairle Treoir 2003/48/CE, lenar ceadaíodh do lucht riaracháin cánach, ó 2005 i leith, rochtain níos fearr a fháil ar fhaisnéis maidir le coigilteoirí príobháideacha, a aisghairm.

Rinneadh an aisghairm sin agus bearta a bheith déanta le déanaí chun cosc a chur ar an imghabháil cánach. Bhí forluí suntasach tar éis tarlú maidir le reachtaíocht eile sa réimse sin agus, tríd an aisghairm, cuirtear deireadh leis an bhforluí sin anois.

• Aisghairtear an Treoir maidir le cáin ar choigilteas

• Toradh ó chruinniú na Comhairle