Cruinniú Mullaigh an Limistéir Euro, 12/07/2015, 12 Iúil 2015

Na príomhthorthaí

An 13 Iúil 2015, tháinig na ceannairí ó Bhallstáit an limistéir Euro ar chomhaontú i bprionsabal go bhfuil siad réidh chun tús a chur leis an gcaibidlíocht maidir le clár cúnaimh airgeadais SEC don Ghréig. 

• Ráiteas ó Chruinniú Mullaigh an Limistéir Euro, An Bhruiséil, 12 Iúil 2015

Tá roinnt dianchoinníollacha nach mór a chomhlíonadh sula bhféadfar tús foirmiúil a chur leis an gcaibidlíocht.

Ní foláir do Pharlaimint na Gréige agus do roinnt parlaimintí náisiúnta eile an comhaontú a fhormheas.

"Fáiltím roimh an dul chun cinn a rinneadh agus freisin roimh sheasamh dearfach na Gréige, rud a chabhraíonn le muinín a athchothú i measc chomhpháirtithe an limistéir euro", arsa Uachtarán Chruinniú Mullaigh an Limistéir Euro Donald Tusk.

Na chéad chéimeanna eile

Tar éis na nósanna imeachta náisiúnta, oibreoidh an Grúpa Euro leis na hinstitiúidí chun an chaibidlíocht a chur ar aghaidh go pras. Déanfaidh Airí Airgeadais an Limistéir Euro plé práinneach freisin maidir le conas is féidir cabhrú leis an nGréig freastal dá riachtanais airgeadais sa ghearrthéarma, an maoiniú idirlinne mar a thugtar air. 

Féach freisin

• A ndúirt an tUachtarán Donald Tusk tar éis Chruinniú Mullaigh an Limistéir Euro maidir leis an nGréig an 12 Iúil 2015
• Press remarks by Eurogroup President Jeroen Dijsselbloem after the Euro Summit meeting on 13 July 2015
• Eurogroup meeting, 12 July 2015