An Cruinniú Mullaigh Euro, 29/06/2018, 29 Meitheamh 2018

Na príomhthorthaí

Tháinig ceannairí an Aontais le chéile ag an gCruinniú Mullaigh Euro i bhformáid chuimsitheach 27 mBallstát.

Ghlac siad an chéad sraith de chinntí maidir le hathchóiriú an aontais eacnamaíoch agus airgeadaíochta, lena n-áirítear an ról a bheidh ag an Sásra Cobhsaíochta Eorpach amach anseo agus an t-aontas baincéireachta a thabhairt chun críche.

D'aontaigh an Cruinniú Mullaigh Euro, mar a gealladh i mí na Nollag, go ndéanfaí cur i gcrích an aontais baincéireachta a bhrú chun cinn agus an Sásra Cobhsaíochta Eorpach a neartú, lena n-áirítear socrú tacaíochta a thabhairt don Chiste Réitigh Aonair. Leis an athchóiriú seo ar an aontas eacnamaíoch agus airgeadaíochta, neartófar an euro, agus leis sin, ár nAontas. I saol corrach, is cúis lúcháire é seo do mhuintir na hEorpa go léir. Uachtarán na Comhairle Eorpaí, Donald Tusk

• Ráiteas ón gCruinniú Mullaigh Euro, 29 Meitheamh 2018
• An bhaincéireacht: Comhaontú ón gComhairle maidir le bearta chun rioscaí a laghdú (preaseisiúint, 25/05/2018)
• Litir ó Mário Centeno, Uachtarán an Ghrúpa Euro, chuig Uachtarán na Comhairle Eorpaí, Donald Tusk, roimh Chruinniú Mullaigh Euro an 29 Meitheamh 2018

Is díol sásaimh do na ceannairí ráiteas ón nGrúpa Euro an 22 Meitheamh 2018 maidir leis an sciar deiridh de chúnamh airgeadais a beith eisíoctha leis an nGréig agus maidir leis na bearta faoisimh i leith fiachais; tugann sin chun críche an cúnamh airgeadais don Ghréig.

• Ráiteas ón nGrúpa Euro maidir leis an nGréig, 22 Meitheamh 2018

Tiocfaidh na ceannairí le chéile arís ag Cruinniú Mullaigh Euro i mí na Nollag.

• Clár oibre na gceannairí (faisnéis chúlra)