An Grúpa Euro, 18/06/2015, 18 Meitheamh 2015

Na príomhthorthaí

An Ghréig

Phléigh an Grúpa Euro an staid mar atá san idirphlé idir údaráis na Gréige agus na hinstitiúidí. Thug sí dá haire nach leor an dul chun cinn atá bainte amach.

Chuir Uachtarán an Ghrúpa Euro Jeroen Dijsselbloem i bhfios go láidir gur cuireadh an staid eacnamaíoch sa Ghréig sna tograí atá curtha ar aghaidh ag na hinstitiúidí agus baineadh leas as an tsolúbthacht atá ionsuite i gComhaontú an 20 Feabhra 2015.

Is go hiomlán faoin nGréig atá sé anois an deis deiridh sin ón gclár seo a thapú.

Jeroen Dijsselbloem 

D’áitigh an Grúpa Euro ar an nGréig a thogra athchóirithe a thíolacadh sna laethanta atá le teacht.

Dúirt Uachtarán an Ghrúpa Euro, Jeroen Dijsselbloem, gurbh fhéidir fós teacht ar chomhaontú agus an clár reatha a shíneadh roimh dheireadh mhí an Mheithimh.

• Ráiteas ón nGrúpa Euro maidir leis an nGréig, an 20 Feabhra 2015

An Chipir

Ba dhíol sásaimh don Ghrúpa Euro go bhfuil clár na Cipire tugtha ar ais ar bhóthar a leasa. D’fhormhuinigh sé i bprionsabal an meabhrán tuisceana nuashonraithe le húdaráis na Cipire.  Réitítear leis sin an bealach d'eisíocaíocht EUR 100 milliún ón Sásra Cobhsaíochta Eorpach.

• An Chipir: ráiteas ón gCoimisiún Eorpach, ón mBanc Ceannais Eorpach agus ón gCiste Airgeadaíochta Idirnáisiúnta maidir leis an 6ú misean athbhreithnithe
• Clár coigeartaithe eacnamaíoch don Chipir

An Phortaingéil: athbhreithniú iarchláir

Cuireadh na hairí ar an eolas maidir leis an dara misean faireachais iarchláir chuig an bPortaingéil a chríochnaigh an 12 Meitheamh 2015. 

• Concluding statement by the IMF on the 2nd post-programme monitoring discussion in Portugal
• Statement by the European Commission and the European Central Bank: 2nd post-programme surveillance mission to Portugal
• An Phortaingéil: faireachas iarchláir

Athbhreithniú Airteagal IV ar an limistéar euro ag an gCiste Airgeadaíochta Idirnáisiúnta (CAI)

Chuir Stiúrthóir Bainistíochta an Chiste Airgeadaíochta Idirnáisiúnta (CAI), Christine Lagarde, an Grúpa Euro ar an eolas maidir leis an athbhreithniú a rinne an CAI le déanaí. Is é comhairle CAI go ndíreofaí ar bhealaí chun dlús a chur faoin bhfás meántéarmach trí athchóirithe struchtúracha, beartais iomchuí fhioscacha a chur chun feidhme agus earnáil airgeadais fholláin a áirithiú.

• Airteagail Chomhaontaithe an Chiste Airgeadaíochta Idirnáisiúnta

Ábhair eile

Thionóil na hAirí idirphlé maidir le beartais i dtimpeallacht lena mbainfeadh ráta úis níos ísle agus ba é a bhí mar thátal acu go soláthraítear deis le rátaí ísle úis an t-airgeadas poiblí a chomhdhlúthú, infheistíocht a dhéanamh i mbonneagar agus ár ngeilleagair a athchóiriú. Pléifidh an Grúpa Euro an t-ábhar sin níos déanaí sa bhliain.

D’fhormhuinigh an Ghrúpa Euro dréacht-mholtaí do limistéar an euro freisin a eisíodh faoin Seimeastar Eorpach agus léirigh sé a thiomantas faireachán a dhéanamh ar a gcur chun feidhme thar an mbliain atá romhainn. Ghlac an Grúpa Euro a chlár oibre don dara leath de 2015.