An Chomhairle Oideachais, Óige, Cultúir agus Spóirt (Cultúr agus Spórt), 12 Bealtaine 2026

Na príomhthorthaí

Cultúr, closamharc agus meáin

AgoraEU

Chomhaontaigh an Chomhairle a seasamh maidir le príomhghnéithe chlár nua AgoraEU lena dtacaítear leis an gcultúr, leis na meáin agus leis an tsochaí shibhialta san Eoraip.

Is é is aidhm do chlár AgoraEU luachanna comhroinnte a chothú, cuir i gcás an daonlathas, an comhionannas agus an smacht reachta. Tacóidh sé le héagsúlacht chultúrtha na hEorpa agus lena hearnálacha cultúrtha agus cruthaitheacha, mar shampla, earnálacha an chlosamhairc agus na meán nuachta, chomh maith le saoirse ealaíne agus saoirse na meán a chosaint agus borradh a chur faoin tsaoránacht ghníomhach.

Is céim thábhachtach é comhaontú an lae inniu maidir le creatlach chultúrtha agus dhaonlathach na hEorpa a neartú. Le AgoraEU, tá na huirlisí is gá á gcur ar fáil againn dár n-earnálacha cultúrtha agus cruthaitheacha go mbeidh rath orthu, agus na luachanna arb iad bunchloch ár nAontais iad á gcosaint ag an am céanna, ó shaoirse ealaíne go dtí an tsaoránacht ghníomhach.

An Dr Vasiliki Kassianidou, Leas-Aire Cultúir, Poblacht na Cipire

Tá seasamh caibidlíochta na Comhairle ‘páirteach’ toisc go n-eisiatar leis saincheisteanna airgeadais agus cothrománacha atá á bplé faoi láthair mar chuid den chaibidlíocht maidir leis an gcéad chreat airgeadais ilbhliantúil (CAI) eile don tréimhse 2028 go 2034.

• Cur chuige ginearálta páirteach maidir leis an rialachán lena mbunaítear clár AgoraEU
• AgoraEU: sainordú páirteach comhaontaithe ag an gComhairle maidir le clár nua chun tacú leis an gcultúr, leis na meáin agus le luachanna daonlathacha (preaseisiúint, an 12 Bealtaine 2026)
• Féach ar an seisiún poiblí

Plean Oibre an Aontais don Chultúr

Bhí seisiún tuairimíochta ag na hairí maidir leis na príomhthosaíochtaí do Phlean Oibre an Aontais don Chultúr 2027-2030, atá beartaithe a ghlacadh faoi dheireadh 2026. Díríodh sa phlé ar na hábhair a bhaineann leis an mbeartas cultúir ar cheart don Chomhairle tosaíocht a thabhairt dóibh le linn na tréimhse 2027-2030, agus ar an gcaoi a bhféadfaí na tosaíochtaí sin a úsáid chun aghaidh a thabhairt ar na dúshláin atá ann faoi láthair agus chun ailíniú leis na creataí beartais ábhartha.

• Plean Oibre an Aontais don Chultúr, 2027-2030 (nóta stiúrtha)
• Compás Cultúir don Aontas Eorpach (teachtaireacht ón gCoimisiún)
• Féach ar an seisiún poiblí

Pointí eile

Faoi ‘gnó eile’, fuair an Chomhairle faisnéis faoi chlár oibre uachtaránacht inteachta na hÉireann. I measc na n-ábhar eile bhí an Chomhdháil Idirnáisiúnta um Atógáil na hÚcráine a bheidh ar siúl sa Pholainn; cultúr agus an intleacht shaorga; agus féachaint chuige go mbeidh Treoir Sheirbhísí na Meán Closamhairc slán i bhfad na haimsire.

• Cruinniú comhchéime na n-airí cultúir ag an gComhdháil Idirnáisiúnta um Atógáil na hÚcráine, an 25-26 Meitheamh in Gdańsk na Polainne – earnáil chultúir na hÚcráine a atógáil (faisnéis ón bPolainn)

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Tírdhreach meán Eorpach neamhspleách agus iolraíoch a neartú – rialacha Threoir Sheirbhísí na Meán Closamhairc a dhéanamh slán i bhfad na haimsire – Faisnéis ón Ostair, ón gCróit, ón Eastóin, ón bhFionlainn, ón bhFrainc, ón nGearmáin, ón Iodáil, ón Laitvia, ón Ísiltír, ón bPolainn agus ón Spáinn

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Maidir leis an ngá atá le measúnú a dhéanamh ar chreat dlíthiúil cóipchirt an Aontais chun forbairt IS a mheas (faisnéis ón Ostair, ón Eastóin, ón nGearmáin, ón nGréig, ón bPortaingéil, ón tSlóivéin, ón tSlóvaic agus ón Spáinn)

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Féach ar an seisiún poiblí

An Spórt

Turasóireacht spóirt agus forbairt inbhuanaithe

D’fhormheas an Chomhairle conclúidí maidir leis an turasóireacht spóirt mar rannchuidiú leis an bhforbairt inbhuanaithe. Iarrtar sna conclúidí ar na Ballstáit cur chuige straitéiseach a ghlacadh maidir le turasóireacht spóirt a fhorbairt, tionscnaimh ar nós fothú acmhainneachta agus nuálaíocht dhigiteach a chistiú, agus cleachtais atá freagrach ó thaobh an chomhshaoil de a chur chun cinn maidir le gníomhaíochtaí turasóireachta spóirt a eagrú agus a chur i gcrích.

Aithnítear sna conclúidí sin go gcuireann an turasóireacht spóirt leis an bhforbairt inbhuanaithe. Tríd an spórt, an turasóireacht agus pobail áitiúla a nascadh le chéile, is féidir linn deiseanna eacnamaíocha a chruthú, stíleanna maireachtála níos sláintiúla a spreagadh agus comhtháthú sóisialta a threisiú, agus a chinntiú ag an am céanna go bhfanfaidh cosaint an chomhshaoil agus athléimneacht in aghaidh an athraithe aeráide i gcroílár thurasóireacht spóirt na hEorpa.

An Dr Athena Michaelidou, Aire Oideachais, Spóirt agus Óige, Poblacht na Cipire

• Conclúidí maidir leis an turasóireacht spóirt mar rannchuiditheoir leis an bhforbairt inbhuanaithe
• Féach ar an seisiún poiblí

An mheabhairshláinte sa spórt

Bhí seisiún tuairimíochta ann maidir leis an ábhar ‘An mheabhairshláinte sa spórt: idir athléimneacht an duine féin agus fhreagracht an chórais’.

Rinne na hairí machnamh ar an gcaoi a bhféadfadh na Ballstáit beartais agus cleachtais spóirt a fhorbairt agus a neartú a thuilleadh chun a chinntiú go ndearfar timpeallachtaí spóirt ar bhealach a laghdóidh an brú síceolaíoch agus a thacóidh le folláine mheabhrach na lúthchleasaithe, na gcóitseálaithe, na n-oifigeach spóirt agus an lucht saothair spóirt i gcoitinne ag an am céanna.

D’fhéach siad freisin ar bhealaí ina bhféadfadh comhar ar leibhéal an Aontais feabhas a chur ar chosc agus ar leas ar fud an bheartais spóirt, sláinte agus oideachais.

Ghlac Kim Bui, iar-scoth-ghleacaí ealaíne Gearmánach, agus George Loules, múinteoir corpoideachais, iarrthóir PhD sa tsíceolaíocht spóirt agus cóitseálaí sacair gairmiúil, páirt sa phlé freisin.

• An mheabhairshláinte sa spórt: idir athléimneacht an duine féin agus fhreagracht an chórais (nóta stiúrtha)
• Plean Oibre an Aontais don Spórt, 2024-2027
• Féach ar an seisiún poiblí

Lón neamhfhoirmiúil

Le linn an lóin, bhí plé neamhfhoirmiúil ag na hairí maidir le ‘Aosú gníomhach a chur chun cinn tríd an spórt: an tsláinte, an fholláine agus an rannpháirtíocht a chur chun cinn’.

Pointí eile

Faoi ‘gnó eile’, fuair na hairí faisnéis faoi chlár oibre uachtaránacht inteachta na hÉireann; rannpháirtíocht lúthchleasaithe Rúiseacha agus Bealarúiseacha i gcomórtais spóirt san Eoraip; an tionchar ar eagrú imeachtaí spóirt san Eoraip dá ligfí do lúthchleasaithe ón Rúis agus ón mBealarúis dul san iomaíocht go hidirnáisiúnta faoina siombailí náisiúnta; conclúidí Lipica; agus gortuithe inchinne sa spórt.

• Rannpháirtíocht lúthchleasaithe Rúiseacha agus Bealarúiseacha i gcomórtais spóirt san Eoraip: breithnithe beartais agus slándála (faisnéis ón gCoimisiún)

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• An tionchar ar eagrú imeachtaí spóirt san Eoraip agus cead á thabhairt do lúthchleasaithe ón Rúis agus ón mBealarúis dul san iomaíocht faoina siombailí náisiúnta (faisnéis ón bPolainn)

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Conclúidí Lipica – Tionchar an Spóirt a Thomhas: ó Pheirspictíochtaí Eacnamaíocha go Sóisialta (faisnéis ón tSlóivéin)

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Gortú inchinne sa spórt (faisnéis ón Ísiltír)

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Féach ar an seisiún poiblí
• Féach ar an bpreasagallamh