Kunsill Edukazzjoni, Żgħażagħ, Kultura u Sport (Kultura u Sport), 12 ta' Mejju 2026

Riżultati ewlenin

Kultura, politika awdjoviżiva u media

AgoraEU

Il-Kunsill qabel dwar il-pożizzjoni tiegħu dwar elementi ewlenin tal-programm il-ġdid AgoraEU li jappoġġa l-kultura, il-media u s-soċjetà ċivili fl-Ewropa.

Il-programm AgoraEU għandu l-għan li jrawwem valuri kondiviżi bħad-demokrazija, l-ugwaljanza u l-istat tad-dritt. Ser jappoġġa d-diversità kulturali tal-Ewropa u s-setturi kulturali u kreattivi tagħha, inkluż is-setturi awdjoviżivi u tal-media tal-aħbarijiet, kif ukoll jissalvagwarda l-libertà artistika u tal-media u jagħti spinta liċ-ċittadinanza attiva.

Il-ftehim tal-lum huwa pass importanti lejn it-tisħiħ tan-nisġa kulturali u demokratika tal-Ewropa. B'AgoraEU, qed ngħammru lis-setturi kulturali u kreattivi tagħna bl-għodod li jeħtieġu biex jirnexxu, filwaqt li nissalvagwardaw il-valuri li jirfdu l-Unjoni tagħna, mil-libertà artistika saċ-ċittadinanza attiva.

Dr Vasiliki Kassianidou, Viċi Ministru għall-Kultura, Repubblika ta' Ċipru

Il-pożizzjoni ta' negozjar tal-Kunsill hija "parzjali" minħabba li teskludi kwistjonijiet finanzjarji u orizzontali, li bħalissa qed jiġu diskussi bħala parti min-negozjati dwar il-qafas finanzjarju pluriennali (QFP) li jmiss għall-perjodu mill-2028 sal-2034.

• Approċċ ġenerali parzjali dwar ir-regolament li jistabbilixxi l-programm AgoraEU
• AgoraEU: il-Kunsill jaqbel dwar mandat parzjali dwar programm ġdid b'appoġġ għall-kultura, il-media u l-valuri demokratiċi (stqarrija għall-istampa, 12 ta' Mejju 2026)
• Ara s-sessjoni pubblika

Pjan ta' Ħidma tal-UE għall-Kultura

Il-ministri kellhom skambju ta' fehmiet dwar il-prijoritajiet ewlenin għall-Pjan ta' Ħidma tal-UE għall-Kultura 2027-2030, li huwa skedat għall-approvazzjoni sa tmiem l-2026. Id-diskussjoni ffukat fuq suġġetti ta' politika kulturali li l-Kunsill għandu jipprijoritizza matul il-perjodu 2027-2030, u kif dawk il-prijoritajiet jistgħu jintużaw biex jindirizzaw l-isfidi attwali u jallinjaw mal-oqfsa ta' politika rilevanti.

• Pjan ta' Ħidma tal-UE għall-Kultura 2027-2030 (nota ta' gwida)
• Boxxla Kulturali għall-Ewropa (komunikazzjoni tal-Kummissjoni)
• Ara s-sessjoni pubblika

Punti oħra

Taħt "affarijiet oħra", il-Kunsill irċieva informazzjoni dwar il-programm ta' ħidma tal-presidenza Irlandiża li jmiss. Suġġetti oħra kienu jinkludu l-Konferenza Internazzjonali għar-Rikostruzzjoni tal-Ukrajna li saret fil-Polonja; il-kultura u l-IA; u l-validità fil-futur tal-AVMSD li jmiss.

• Diskussjoni madwar mejda tal-ministri għall-kultura fi ħdan il-Konferenza Internazzjonali għar-Rikostruzzjoni tal-Ukrajna (URC), 25-26 ta' Ġunju fi Gdańsk, il-Polonja – rikostruzzjoni tas-settur kulturali tal-Ukrajna (informazzjoni mill-Polonja)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Tisħiħ tax-xenarju tal-media Ewropea indipendenti u pluralistika – nagħmlu r-regoli tal-AVMSD validi għall-futur - Informazzjoni mill-Awstrija, l-Estonja, il-Finlandja, Franza, il-Ġermanja, l-Italja, il-Kroazja, il-Latvja, in-Netherlands, il-Polonja u Spanja

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Dwar il-ħtieġa li jiġi vvalutat il-qafas legali tal-UE dwar id-drittijiet tal-awtur biex jiġi kkunsidrat l-iżvilupp tal-IA (informazzjoni mill-Awstrija, l-Estonja, il-Ġermanja, il-Greċja, il-Portugall, is-Slovenja, is-Slovakkja u Spanja)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• L-impatt fuq l-organizzazzjoni ta' avvenimenti sportivi fl-Ewropa jekk atleti mir-Russja u mill-Belarussja jitħallew jikkompetu internazzjonalment bis-simboli nazzjonali tagħhom (informazzjoni mill-Polonja)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Ara s-sessjoni pubblika

Sport

It-turiżmu sportiv u l-iżvilupp sostenibbli

Il-Kunsill approva konklużjonijiet dwar it-turiżmu sportiv bħala kontributur għall-iżvilupp sostenibbli. Il-konklużjonijiet jappellaw lill-istati membri biex jieħdu approċċ strateġiku għall-iżvilupp tat-turiżmu sportiv, jiffinanzjaw inizjattivi bħall-bini tal-kapaċitajiet u l-innovazzjoni diġitali, u jippromwovuprattikiambjentalment responsabbli fl-organizzazzjoni u t-twettiq ta' attivitajiet tat-turiżmu sportiv.

Dawn il-konklużjonijiet jirrikonoxxu t-turiżmu bħala kontributur għall-iżvilupp sostenibbli. Billi noħolqu rabta bejn l-isport, it-turiżmu u l-komunitajiet lokali, nistgħu niġġeneraw opportunitajiet ekonomiċi, inħeġġu stili ta' ħajja aktar tajbin għas-saħħa u nsaħħu l-koeżjoni soċjali, filwaqt li niżguraw li l-protezzjoni ambjentali u r-reżiljenza għall-klima jibqgħu fil-qalba tat-turiżmu sportiv tal-Ewropa.

Dr Athena Michaelidou, Ministru għall-Edukazzjoni, l-Isport u ż-Żgħażagħ tar-Repubblika ta' Ċipru

• Konklużjonijiet tal-Kunsill dwar it-turiżmu sportiv bħala kontributur għall-iżvilupp sostenibbli
• Ara s-sessjoni pubblika

Is-saħħa mentali fl-isport

Sar skambju ta' fehmiet dwar is-suġġett "Is-saħħa mentali fl-isport: minn reżiljenza individwali għar-responsabbiltà tas-sistema".

Il-ministri rriflettew dwar kif l-istati membri jistgħu jkomplu jiżviluppaw u jsaħħu l-politiki u l-prattiki tal-isport biex jiżguraw li l-ambjenti sportivi jkunu mfassla b'tali mod li titnaqqas il-pressjoni psikoloġika filwaqt li jiġi appoġġat il-benesseri mentali tal-atleti, il-coaches, l-uffiċjali sportivi u l-forza tax-xogħol aktar ġenerali fil-qasam tal-isport.

Huma esploraw ukoll modi kif il-kooperazzjoni fil-livell tal-UE tista' ttejjeb il-prevenzjoni u l-benesseri fil-politika tal-isport, tas-saħħa u tal-edukazzjoni.

Kim Bui, eks ġinnasta artistika Ġermaniża tal-ogħla livell, u George Loules, għalliem tal-edukazzjoni fiżika, kandidat għal PhD fil-psikoloġija sportiva u coach tal-futbol professjonali, ħadu sehem ukoll fid-diskussjoni.

• Is-saħħa mentali fl-isport: minn reżiljenza individwali għar-responsabbiltà tas-sistema (nota ta' gwida)
• Pjan ta' Ħidma tal-UE għall-Isport 2024-2027
• Ara s-sessjoni pubblika

Ikla informali ta' nofsinhar

Waqt l-ikla ta' nofsinhar, il-ministri kellhom diskussjoni informali dwar is-suġġett ta' "L-avvanz tal-anzjanità attiva permezz tal-isport: il-promozzjoni tas-saħħa, il-benesseri u l-parteċipazzjoni".

Punti oħra

Taħt "affarijiet oħra", il-ministri rċevew informazzjoni dwar: il-programm ta' ħidma tal-presidenza Irlandiża li jmiss; il-parteċipazzjoni ta' atleti Russi u Belarussi f'kompetizzjonijiet sportivi fl-Ewropa; il-konklużjonijiet ta' Lipica; u l-korrimenti tal-moħħ fl-isport.

• Il-parteċipazzjoni ta' atleti Russi u Belarussi f'kompetizzjonijiet sportivi fl-Ewropa: kunsiderazzjonijiet ta' politika u ta' sigurtà (informazzjoni mill-Kummissjoni)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Konklużjonijiet ta' Lipica – Inkejlu l-Impatt tal-Isport: Mill-perspettivi Ekonomiċi għal dawk Soċjali (informazzjoni mis-Slovenja)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Il-korriment tal-moħħ fl-isport (informazzjoni min-Netherlands)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Ara s-sessjoni pubblika
• Ara l-konferenza stampa