Cruinniú de chuid Ceannairí Stáit nó Rialtais an Aontais Eorpaigh leis an Tuirc, 29/11/2015, 29 Samhain 2015

An 29 Samhain 2015, bhí cruinniú ag Ceannairí Stáit nó Rialtais an Aontais Eorpaigh leis an Tuirc. Céim thábhachtach a bhí i gceist leis an gcruinniú seo chun an caidreamh idir an tAontas Eorpach agus an Tuirc a fhorbairt agus chun cuidiú le géarchéim na himirce a bhainistiú. 

Bhí Uachtarán na Comhairle Eorpaí, Donald Tusk, ina chathaoirleach ar an gcruinniú, rinne an Príomh-Aire Ahmet Davutoğlu ionadaíocht don Tuirc.

• Cruinniú cheannairí stáit nó rialtais leis an Tuirc. Ráiteas ón gcruinniú, an 29 Samhain 2015

Chomhaontaigh an tAontas Eoprach agus an Tuirc dlús a chur arís faoi phróiseas aontachais na Tuirce leis an Aontas Eorpach. Déanfar an t-idirphlé ardleibhéal idir an dá pháirtí a neartú trí chruinnithe a bheidh níos minice agus níos structúraithe agus trí chruinnithe mullaigh a eagrú faoi dhó sa bhliain.  

Le cruinnithe mullaigh rialta, cuirfear ardán ar fáil chun measúnú a dhéanamh ar fhorbairt an chaidrimh idir an Tuirc agus an tAontas agus chun cúrsaí idirnáisiúnta a phlé.

"We do not expect anyone to guard our borders for us. (...) But we expect a major step towards changing the rules of the game when it comes to stemming the migration flow that is coming to the EU via Turkey." Donald Tusk, President of the European Council

Glacadh Plean Comhpháirteach Gníomhaíochta ag an gcruinniú d'fhonn dul i ngleic le géarchéim na dteifeach, arb iad na cúinsí sa tSiria is cúis léi. Méadóidh an tAontas Eorpach agus a chuid Ballstát a gcomhair leis an Tuirc agus cuirfidh siad lena rannpháirtíocht pholaitiúil agus airgeadais ar bhealach substaintiúil.

• Plean gníomhaíochta idir an tAontas Eorpach agus an Tuirc - an Coimisiún Eorpach - bileog eolais, 15 Deireadh Fómhair 2015

Gabhann an tAontas air féin €3 billiún d'acmhainní breise a chur ar fáil mar thús chun cuidiú leis an Tuirc déileáil leis an líon ard teifeach ón tSiria atá sa tír faoi láthair.

Le cur chun feidhme an phlean gníomhaíochta, cuirfidh an dá thaobh dlús lena gcomhar gníomhach maidir le himircigh nach bhfuil cosaint idirnáisiúnta de dhíth orthu:

• cosc a chur ar thaisteal go dtí an Tuirc agus an tAontas
• a áirithiú go gcuirfear i bhfeidhm na forálacha déthaobhacha atá ann cheana i ndáil le hathligean isteach 
• iad a sheoladh ar ais chuig a dtíortha tionscnaimh go mear

Ba dhíol sásaimh do na ceannairí go bhfuil sé i gceist ag an Tuirc feabhas a chur ar staid na Siriach sin atá á gcosaint go sealadach agus go bhfuil sí fós meáite troid i gcoinne líonraí coiriúla smuigléireachta.

Chomhaontaigh an tAontas agus an Tuirc freisin go gcuirfidís an comhaontú faoi athligean isteach i bhfeidhm ó mhí an Mheithimh 2016 ar aghaidh. Tá sé i gceist acu próiseas an léirscaoilte víosaí a thabhairt chun críche agus fáil réidh leis na ceanglais víosaí ar shaoránaigh na Tuirce i gcrios Schengen faoi mhí Dheireadh Fómhair 2016.

Próiseas aontachais

D'fhógair na ceannairí go mbeadh Comhdháil Idir-Rialtasach ann an 14 Nollaig 2015 d'fhonn caibidil 17 den phróiseas aontachais a oscailt, maidir le comhtháthú breise eacnamaíochta leis an Tuirc. Cuirfidh an Coimisiún Eorpach tús leis an obair ullmhúcháin do chaibidlí breise gan dochar do sheasamh na mBallstát.

As 35 caibidil idirbheartaíochta leis an Tuirc, osclaíodh 14 caibidil agus dúnadh ceann amháin díobh siúd ar bhonn sealadach.

Stádas na hidirbheartaíochta

• an Tuirc (faisnéis chúlra)

Cúlra

Cinneadh cruinniú a thionól idir na 28 ceannaire de chuid an Aontais agus an Tuirc tar éis sraith de chainteanna ar ardleibhéal idir an Coimisiún Eorpach agus an Tuirc agus tar éis roinnt cruinnithe déthaobhacha a bhí ag an Uachtarán Tusk leis an Uachtarán Erdoğan agus leis an bPríomh-Aire Davutoğlu. 

Ag na cruinnithe a bhí acu i mí Dheireadh Fómhair agus i mí na Samhna, phléigh ceannairí an Aontais a thábhachtaí a bhí sé dlús a chur lena gcomhar leis an Tuirc maidir le géarchéim na himirce.

• Faisnéis chúlra
• Cruinniú neamhfhoirmiúil Cheannairí Stáit nó Rialtais an Aontais an 12 Samhain 2015
• An Chomhairle Eorpach, an 15 Deireadh Fómhair 2015

Géarchéim na himirce - amlíne

Leagtar amach san amlíne, na príomhbhearta a ghlac an tAontas, i gcomhar leis na Ballstáit, le cúpla mí anuas, chun aghaidh a thabhairt ar na dúshláin atá ann mar thoradh ar an imirce.

• Amlíne - teacht ar réitigh maidir le brú na himirce

Féach ar an leathanach ábhartha beartas ar ár suíomh gréasáin freisin:

• Teacht ar réitigh i ndáil leis an mbrú imirce (cúlra faisnéise)