Sábháilteacht bréagán

Ceanglais sábháilteachta maidir le bréagáin

Tá rialacha sábháilteachta bréagán an Aontais i measc na rialacha is déine ar domhan. Tá sé d'aidhm acu leanaí a chosaint agus saorghluaiseacht na mbréagán sa mhargadh aonair a éascú.

Leagtar síos i rialacha an Aontais na buncheanglais sábháilteachta nach mór do bhréagáin a chomhlíonadh chun go gcuirfear ar mhargadh an Aontais iad, gan beann ar cibé acu san Aontas nó i dtríú tíortha a mhonaraítear iad.

De réir rialacha an Aontais, sula gcuirfear bréagán ar an margadh, ní mór do na monaróirí measúnú sábháilteachta a dhéanamh a mhéid a bhaineann le rioscaí áirithe: guaiseacha ceimiceacha, fisiceacha agus meicniúla, leictreacha, inadhainteachta, sláinteachais agus radaighníomhaíochta.

Airíonna fisiceacha agus meicniúla

Airíonna leictreacha

Inadhainteacht

Ceanglais sláinteachais

Substaintí ceimiceacha

Guaiseacha radaighníomhaíochta

Ní mór an lógó CE a mharcáil ar bhréagáin freisin, rud a léiríonn go bhfuil siad i gcomhréir le caighdeáin sábháilteachta an Aontais.

Cinntíonn an mharcáil CE gur féidir le tomhaltóirí an Aontais a cheannaíonn bréagáin tairbhe a bhaint as ardleibhéal cosanta sláinte, sábháilteachta agus comhshaoil.

Ba iad bréagáin an dara táirge ba mhó ar tugadh fógra ina leith ar chóras mear-rabhaidh an Aontais um tháirgí contúirteacha tomhaltóirí in 2023.

I mí Dheireadh Fómhair 2025, ghlac an Chomhairle an rialachán maidir le sábháilteacht bréagán chun sábháilteacht bréagán a mhéadú a thuilleadh. Cuireann an téacs nua le leibhéil chosanta an rialacháin atá ann cheana trí cheimiceáin dhíobhálacha i mbréagáin a thoirmeasc nó a shrianadh. Feabhsaíonn sé an forfheidhmiú freisin a bhuí leis an bpas nua táirge digiteach, a úsáidtear le haghaidh bréagáin a dhíoltar ar líne freisin.

Chun am a thabhairt do na gníomhaithe tionscail na rialacha nua a chur chun feidhme go héifeachtúil, leagtar idirthréimhse 4.5 bliana síos sa chomhaontú.

• Rialacha nua glactha ag an gComhairle chun bréagáin leanaí a dhéanamh níos sábháilte (preaseisiúint, an 13 Deireadh Fómhair 2025)

Cosaint ar cheimiceáin

Leis na rialacha nuashonraithe, méadaítear an chosaint ar cheimiceáin dhíobhálacha.

Chomh maith le substaintí atá carcanaigineach, só-ghineach nó tocsaineach don atáirgeadh agus a bhfuil toirmeasc orthu cheana féin i reachtaíocht a glacadh roimhe seo, cuireann na rialacha nua toirmeasc freisin ar thacar méadaithe ceimiceán a mbíonn tionchar acu ar an gcóras inchríneach (suaiteoirí inchríneacha) nó ar an gcóras riospráide nó atá tocsaineach d’orgán ar leith.

Suaiteoirí inchríneacha

Ceimiceáin a imríonn tionchar ar an gcóras riospráide

Ceimiceáin atá tocsaineach d’orgán ar leith

Cuireann na rialacha nua toirmeasc freisin ar úsáid substaintí a aicmítear mar shubstaintí carcanaigineacha, substaintí só-ghineacha nó substaintí atá tocsaineach don atáirgeadh. I measc na srianta eile tá:

• toirmeasc ginearálta ar chatagóirí áirithe ceimiceán íograithe craicinn (is substaintí ceimiceacha iad seo a spreagann freagairt ailléirgeach tar éis teagmháil leis an gcraiceann)
• toirmeasc ar bhréagáin a bhfuil feidhm bhithicídeach acu
• toirmeasc ar bhréagáin a chóireáil le táirgí bithicídeacha (cé is moite de na bréagáin atá beartaithe a bheith lasmuigh i gcónaí)
• teorainn le húsáid leasaitheach
• toirmeasc ar ailléirginí cumhráin a úsáid i mbréagáin atá beartaithe do leanaí níos óige ná 3 bliana d’aois
• toirmeasc teoranta ar shubstaintí sárfhluarailcile agus polafluarailcile a úsáid d’aon ghnó i mbréagáin (seachas i gcás feidhmeanna leictreonacha riachtanacha bréagán i gcás nach mbeidh leanaí in ann teacht ar an tsubstaint nó ar an meascán)
• toirmeasc ar 10 mbisfeanóil a bheith i mbréagáin

Pas digiteach

Leis na rialacha nua, laghdófar líon na mbréagán neamhchomhlíontach nó neamhshábháilte ar mhargadh an Aontais a thuilleadh de bharr forfheidhmiú níos fearr.

Faoin reachtaíocht nua, ní mór pas táirge digiteach a bheith ag gach bréagán, ina dtabharfaí eolas maidir le comhlíonadh rialacha an Aontais. Is féidir leis na húdaráis rialaithe teorann córas nua TF a úsáid chun na pasanna sin a scanadh.

Bheadh ar allmhaireoirí pasanna táirge digiteacha a chur isteach le haghaidh gach bréagáin ag teorainneacha an Aontais, na cinn a dhíoltar ar líne san áireamh.

Trí laghdú a dhéanamh ar líon na mbréagán neamhshábháilte atá fós á ndíol san Aontas, go háirithe ar líne, ba cheart an cothrom iomaíochta a fheabhsú idir na bréagáin a mhonaraítear san Aontas agus na bréagáin a allmhairítear isteach san Aontas.

Is den ríthábhacht é sin do thionscal bréagán an Aontais, tionscal ina bhfuil 50 000 post, agus an chuid is mó díbh sin i bhfiontair bheaga agus mheánmhéide.

Oibleagáidí na n-oibreoirí eacnamaíocha agus na margaí ar líne

Leis na rialacha nua, tugtar isteach roinnt feabhsuithe chun na ceanglais ar oibreoirí eacnamaíocha agus ar sholáthraithe margaí ar líne a shoiléiriú agus a neartú, i gcomhréir leis na hoibleagáidí a fhorchuirtear le dlíthe an Aontais is infheidhme maidir le bréagáin.

Ceanglófar ar na monaróirí an méid seo a leanas a dhéanamh:

• na rabhaidh a mharcáil ar bhealach atá sothuigthe do thomhaltóirí
• oibreoirí eacnamaíocha eile sa slabhra dáilte a chur ar an eolas faoi aon saincheisteanna maidir le comhréireacht táirgí

Beidh ar na hallmhaireoirí bréagán an táirgeoir agus na húdaráis um fhaireachas margaidh a chur ar an eolas freisin má tá amhras orthu go bhfuil riosca ag baint le bréagán.

Díolacháin ar líne

Ós rud é go bhfuil ról tábhachtach ag na soláthraithe margaí ar líne ó thaobh idirghabháil a dhéanamh idir trádálaithe agus tomhaltóirí agus bréagáin á ndíol nó á gcur ar an margadh, measfar gur ábhar neamhdhleathach iad na bréagáin nach bhfuil i gcomhréir leis an rialachán maidir le sábháilteacht bréagán chun críocha an ghnímh um sheirbhísí digiteacha.

Leagtar amach freisin sa téacs reachtach nua oibleagáidí a bhaineann go sonrach le bréagáin do sholáthraithe margaí ar líne. Mar shampla, ceanglaítear leis go ndéanfar comhéadain na margaí ar líne a cheapadh agus a eagrú ar bhealach a chuirfidh ar chumas oibreoirí eacnamaíocha an méid seo a leanas a thaispeáint:

• an comhartha CE, aon rabhadh atá riachtanach don tomhaltóir roimh an gceannachán
• nasc chuig an bpas táirge digiteach

Féach freisin