Margaí caipitil
An chaoi a bhfuil aontas margaí caipitil á fhorbairt ag an Aontas chun cistiú a mhealladh do chuideachtaí, roghanna infheistíochta a mhéadú do shaoránaigh agus an geilleagar a neartú.
Tionscnamh de chuid an Aontais is é aontas na margaí caipitil chun borradh a chur faoin infheistíocht agus faoin gcoigilteas ar fud na mBallstát uile.
Is é an aidhm atá ann margadh aonair caipitil a chruthú le gur sábháilte fós a bheidh margaí caipitil na hEorpa chun infheistíocht a dhéanamh iontu.
Margaí caipitil an Aontais a dhoimhniú
Tá margaí caipitil na hEorpa ilroinnte i gcónaí, agus ceiltear, dá thoradh sin, ar ghnólachtaí agus ar shaoránaigh na tairbhí a bhaineann le foinsí iomaíocha iontaofa cistiúcháin agus infheistíochta.
Is den ríthábhacht iad margaí caipitil atá oscailte, dea-fheidhmiúil chun an todhchaí a mhaoiniú. Tacaíonn siad le fás eacnamaíoch an Aontais agus lena neamhspleáchas straitéiseach agus tá cistí á gcur i dtreo an aistrithe ghlais agus an aistrithe dhigitigh acu.
An méid atá á dhéanamh ag an Aontas chun a mhargaí caipitil a fhorbairt tuilleadh
Cuideachtaí agus infheisteoirí a nascadh ar bhealach níos fearr.
Deiseanna infheistíochta a chur ar fáil d’infheisteoirí miondíola.
Feabhas a chur ar thrédhearcacht an mhargaidh agus ualaí riaracháin a laghdú.
Iomaíochas domhanda an Aontais a mhéadú.
Feabhas a chur ar an rochtain atá ag cuideachtaí ar chistiú agus cosaint infheisteoirí a chinntiú.
Saoránaigh a chumhachtú tríd an litearthacht airgeadais.
Tá bearta reachtacha éagsúla tugtha i gcrích ag an Aontas chun margaí caipitil na hEorpa a fhorbairt agus a chomhtháthú a thuilleadh. Tugadh isteach iad i bpacáistí agus i dtionscnaimh i ndiaidh a chéile a théann i ngleic le réimsí éagsúla den mhargadh aonair le haghaidh caipitil.
Stair maidir le haontas na margaí caipitil a thógáil
Cuireadh tús le hiarrachtaí chun margadh aonair caipitil a chur i bhfeidhm le Conradh na Róimhe breis agus 60 bliain ó shin. Cuireadh dlús leis an obair sa réimse sin sna 1990idí agus sna 2000idí, agus bhí an tsaorghluaiseacht chaipitil ar cheann de cheithre shaoirse bhunúsacha an mhargaidh aonair in 1992.
-
1958
-
Conradh na Róimhe
Iarrachtaí tosaigh chun margadh aonair le haghaidh an chaipitil a chur ar bun.
-
1992
-
Conradh Maastricht
Cumhdaítear ann an tsaorghluaiseacht caipitil mar cheann de cheithre shaoirse bhunúsacha an mhargaidh aonair.
-
1999
-
An euro a thabhairt isteach
-
1999
-
An Plean Gníomhaíochta um Sheirbhís Airgeadais
An chéad iarracht chuimsitheach chun margadh aonair a chruthú le haghaidh seirbhísí airgeadais.
-
2015
-
An tionscnamh chun aontas margaí caipitil a thógáil seolta
Áirítear sa chéad phlean gníomhaíochta maidir le haontas margaí caipitil bearta chun margadh aonair fíor-chomhtháite le haghaidh caipitil a chruthú faoi 2019.
-
2020
-
Plean gníomhaíochta maidir le haontas margaí caipitil
An chéad bhloc tógála eile in iarracht an Aontais margadh aonair caipitil a thógáil.
-
2021
-
An chéad phacáiste maidir le haontas na margaí caipitil
Tá bearta ann chun rochtain níos fearr ar shonraí a chinntiú mar aon le rialacha infheistíochta athchóirithe.
-
2021
-
An pacáiste maidir le téarnamh na margaí caipitil
Sa phacáiste, tá leasuithe spriocdhírithe chun athchaipitliú chuideachtaí an Aontais ar mhargaí an airgeadais a éascú tar éis ghéarchéim COVID-19.
-
2022
-
An dara pacáiste maidir le haontas na margaí caipitil
Tá tograí reachtacha ann maidir le seirbhísí imréitigh, rialacha dócmhainneachta agus rialacha maidir le liostú.
A bhfuil i ndán do mhargaí caipitil na hEorpa
I gcomhréir le seasamh an Aontais mar an margadh aonair is mó ar domhan, glacadh formhór na mbeart atá beartaithe. Mar sin féin, ní mór tuilleadh a dhéanamh chun éiceachóras margaí caipitil Eorpach atá rathúil a chruthú.
Shainaithin an Grúpa Euro an méid is gá a dhéanamh chun comhlánú a dhéanamh ar an obair reachtach atá ar siúl faoi láthair chun aontas na margaí caipitil a thógáil.
An scéala is déanaí
Na blaisíní breise is déanaí
Borradh a chur faoi iomaíochas an Aontais: an bealach chun cinn
An compás iomaíochais
Pacáiste 2021 maidir le haontas na margaí caipitil
An t-athbhreithniú deireanach: an 15 Aibreán 2026